可以做既 講既 我儘力了

或者 真係時候放手

就算心再痛

始終有一日會好返

好老土 也許當時年紀小

可能就係我地既寫照

唔知道你係咪對的人

但好明顯 我地相遇係錯既時間

將來我地都要成為better me 

但身邊既應該都已經唔再係對方

 20151225-20180609 

一直有感覺會分手 無諗過會係咩原因

今日終於知道了

因為我既底線係信任 坦白

d一刻勉強落去對大家都無好處

分開冷靜下  大家都無咁辛苦

你話過再一齊返 唔係咁易

可能係 可能唔係

將來既事 將來會知

 返一份新工 需要時間去pick up

每星期要陪屋企食飯

咁我呢？

二年幾啦 我既位置係邊？

如果你覺得自己無時間拍拖既 不如大家放手

習慣真係好可怕

我曾經習慣成日都見到你 成日好多野同你講

見到你就會笑 去到邊都拖住你 間唔中就錫下你

就算你激嬲我 我都會諗d古靈精怪既野罰你

但自從早兩日鬧完交

你只係講左句 等你下左啖氣先再傾 

我問自己 真係為左一啖氣？

我覺得有問題既事 你覺得無

d個就係我地之間既問題

我講過好多好多次

其實係咪我地既價值觀一直都係有差異

真係可以繼續行落去？

以前放工都會好想快d走 可以快d見你

但今日 我明明無事做 都唔想咁早出泥見到你

以前望住你就好開心 好想笑

今日望住你 我係同自己講唔可以喊

以前一見到就會自然拖住你

今日我只有一種想避開既感覺

以前乜都好想同你講

今日我諗唔到有乜可以同你講

以前我會諗d古靈精怪野係你身上玩

今日我先發現自己既心絲巳經唔係你身上

以前我有乜都會塞比你拎

今日我寧願自己拎住 都要同你保持距離

我習慣左自己一個去街 有乜都要自己拎

其實無你之前 我一直都係咁獨立咁生活

我應該努力搵返同你一齊既感覺

定應該放棄?

 每日一返一份唔想返既工 

好想逃離啲份工作 啲個環境 啲個香港

一日又一日 

好似連最後一片樂土 都已經搵唔到

無意識既失眠

無意識既喊

我仲可以做啲咩?

我既人生仲有啲咩?

生 活

只有生存 沒有活力

由幾時開始我變成咁樣?

其實今晚飲左唔算好多

但唔知點算突然有個諗法

 如果佢23歲前都俾唔到我想要既安全感

我會決定放棄

佢23歲 

代表我已經接近26歲

女人既青春係有限

但我真係唔知佢幾時會長大

幾時做到一個我可以依靠既人

更唔知我會唔會等到啲一日

 就算我再愛佢

真係可以無了期咁等?

佢係對我好好

但佢始終係未長大

未有一種可以承擔既感覺

我唔知佢有幾愛我

只知一個女人如果有一個愛我多過愛自已既人 係會幸福啲

細節比條件重要