(哩篇日記我遲左一日打..所以唔係好記得發生左d乜添=.=)

今朝10點幾起左身..因為12點半要去學車..(我記得我呢朝心情係非常之差架..因為...前一晚o既事..)

因為師傅要補返鍾俾我..所以學左2個鍾頭3個字..好攰

可能因為學多左時間..所以有2,3次失誤..

因此心情唔好..全程都比較沉默><

學到2點9..走人..返鋪頭..

返到去都成3,4點喇..之後咪等5點囉..

我地5T班有個同學生日..叫洒我地去海灘燒野食..(約左5點)

(我本身都無乜心機..唔係好想去架..不過見咁耐無見過d人..)

等到5點幾6點..我地出發喇∼∼∼

有d人我真係估佢唔到佢會去..

去到左之後就燒喇..(原來都有ok多人去..有成廿人)

今晚燒野食..超級搞笑!!!..因為都有好幾個(野)笑o既人o係度

真係笑到..腹肌都出埋-.-

我地仲見到洗手間有d非常..o既野..好想嘔

燒到差唔多11點果頭..我地幾個男仔決定去買啤酒飲..

買左24罐..10蚊3罐果隻..買野果陣..見到有大戲睇..

唔知點解..我地幾個之中..有個18歲o既男仔..都會鍾意睇..

之後就陪佢睇左一陣..-.-(我見到其他睇緊果d都係公公婆婆..)

睇完返到去..都11點喇..(買野飲..買左成個鍾=.=)

我同全爺一開始就飲左2罐先..之後我就飲完第3罐..佢都未飲完第2罐..(我
俾d人話我飲礦泉水-.-)

跟住小璇打俾我..佢放工..我真係好想出返去搵佢架..不過都係無..

然後我飲完第4罐..全爺飲左3罐..天少飲左2罐..傑傑飲左1罐..其他人又飲左2罐..華少飲左2罐就暈暈地喇..

叫左我同佢行下海灘..我地坐左o係度傾計..

老實講..我同佢識左咁多年(小學4年級識..)到而家都未試過同佢咁樣傾計..佢都真係醉醉地喇..

傾左陣..返返去燒..果陣得返我地幾個男仔燒緊(其他人出左去玩)

咁我地就緊係會講d賤野架啦..都真係ok賤架..不過好爆笑!!!

之後12點果頭..要做正經野喇∼∼∼

我地好瘋狂咁..又開香賓..又玩蛋糕..好彩..我係負責攞機影野果個o姐..
然後就影下相呀咁..

打住咁多先..因為要返學..訓喇..

希望..我聽晚打果陣仲記得2日前o既野啦-.-



繼續...食完蛋糕之後..有好幾個人話要走喇..~~~

走左3,4個..咁我地其他人就出左去海灘玩..

我地首先係坐左o係度hea左一陣..因為我地都諗唔到玩乜好..

諗左一陣..我地決定玩啤牌..玩非洲話事啤..
不過..玩得果2 round 就唔玩喇..因此..d人輸左都唔認..又唔肯受罰喎-.-
咁我地又再好無奈咁諗過玩咩=.=

諗緊果陣..全爺就忍唔住..勁整阿雞..超爆笑!!!

我地就愈坐..愈凍..你地都知啦..本身天氣已經好凍架喇..仲要坐o係海灘
果度..

d海風係咁吹埋黎..頂..真係凍死…冰洒>m<

凍左一陣..終於都諗到玩乜喇..我地決定..

首先都轉左地方先..韁我地就行左去遠少少o既地方玩..因為..實在太凍喇..

當我地搵到地方..諗好玩咩野之後..又有3幾個人話要走-.-

係咁走走下..最後得返8個人玩..有全爺,阿雞,天少,阿燕,pung pung,pung pung女友,傑傑,同我..

我地首先係玩[記憶遊戲先]..玩法..唔駛講喇下話..仲之就好爆笑啦..

乜野乜野金鍾警察呀..又咩大角嘴戰艦維修員呀..什麼什麼深水踄特攻呀咁
囉..好低能..不過好好玩..

升左2級..o姐係要一次過講3個特徵..之後我地就無升上去喇..

轉左game..我地之後玩7級豬#_#..

自從我地玩記憶遊戲開始..懲罰o既方法就係..輸左要飲一淡啤酒..(因為仲有8罐靜返..)

hehe~~~咁樣o既罰法..對我邊有用丫

玩玩下..全爺仲要去爆野添-.-爆左勁耐@@!!!

本身仲以為佢暈左o係廁所..要入去睇睇佢..

佢出返黎之後..勁左好多..可能舒暢左啦-.-

好喇~~~當我地玩到最後一罐果陣..決定由1級至6級都唔駛飲..

但係邊個一到7級豬..就要飲洒成罐..結果..係我(俾人害><)

不過無所為啦..但係..我計下計下..原來我今晚都飲左成8罐=.=

我地飲洒d啤酒之後..就o係海灘度踢波..好正!!!

不過有d驚險..因為有一球..我一踢就踢左上2,3層樓咁高..但係..佢趺返落
黎果度..個位係o係2個女仔o既頭頂>m<

我地勁驚..不過好彩唔中炸..如果唔係.......

踢左陣就走喇…(今晚真係好正..好耐都無試過笑得咁勁..又係第一次有咁多人陪我飲酒喎..實在太正喇!!!)

走果陣搭小巴..都唔係好(忘命)o姐^^

出黎石澳之後..d愈各走各路..我本身想送埋阿雞返屋企架..不過銀兩係好
夠..咪就咁送左佢去搭車囉..

之後我就自己行返屋企喇..果陣4點幾5點..報紙都出埋-.-

返到去..都未沖涼阿雞就打黎喇..

咁之後我地就o係度傾計..一路傾(講下d人壞話咁啦..)

好彩我今日無醉o姐..如果唔係又唔知會爆d咩俾佢知喇><

我地傾到7點到..因為我8點要學車..所以我都決定唔訓架喇

沖左涼..刷左牙..入到房..諗住訓2,3個字(果陣7點2)

點知..一訓就訓到7點9@@(我屋企去學車果度要8個字!!!)

結果就係..我遲到*_*..遲左幾個字

今朝老豆黎左睇我學車(好黎唔黎..係要我勁眼訓果日先黎..)

其實除左好眼訓..我都無乜問題..學到9點半..

我就真係要極快咁返屋企..訓覺-.-
(我呢篇日記有一半係上電腦堂打架=.=)