今朝...7點到就訓唔到喇..

hea到9點到..起身..煮左個公仔noodle..

食完..落鋪頭..(裝)香俾媽咪知..我去考車..

落緊去果陣..用左尋晚個張ok優惠卷買左技野飲..(幸運d喎..)

11點去..就搭車去喇..

因為師傅叫我早d去..睇下其他人考..

今日無聽mp3..聽903..聽左個關於星座..性格o既節目..

好岩feel..聽左d人話乜乜星座同乜乜星座襯唔襯..

去到之後..一路睇..一路聽..聽到好想打電話去..

結果都打左..通左..不過收左線..因為..師傅就到..要上車學車..

睇左幾個人考之後..見到都好似唔係好難o姐..

不過到師傅另一個女學生考果陣..佢..一考就衰左喇..

衰得好勁@@@@又遲到喎..最後仲要整花左架車..

可能佢(肥左)..又要俾錢整車..300蚊..我見到佢喊-.-

到我學果陣..都無問題丫..不過師傅都係果句..叫我唔好咁緊張..

佢話..如果你考果陣定d黎..就一定得..唔駛驚..

我今日學左2個幾鍾..學到2點9(其實我係俾錢學到3點半..師傅叫我2點9去
報到..)

我開頭有d......不過佢話..如果你早d報到..早d考..就可以避左3點..3點半果段放學時間喎..

咁我立刻覺得有道理..去左報到..果陣好鬼驚

我一報完名..都唔駛5分鐘..就有考牌官出黎喇..仲要第一個考我喎..好緊
張..

不過師傅話..呢個係一個好官..花名叫做布魯圖..

哇!!!我一開車..就死火喇>m<好驚...好緊張..

之後定一定神..繼續..轉頭拍位都無問題o既..我諗..

之後出路試..個好官選俾我考果條路..係易d果路..

我覺得..未考之前好緊張..上到車都好緊張..不過開左車之後就好定喇..
(我真係有飲完技野先考架..你叫家ma^^)

出到去..又俾其他司機響按喎..講真..考果陣..等紅綠燈果陣..隻腳都好震架@@!!!>m<

好快咁考完之後..(因為條路易d..短d..)

返到去試場..考牌官落左車..到我落車..一落車..

師傅就同我講..你知唔知你頭先轉頭果陣撞到野..聽完之後..超驚

心諗..死緊喇..之後去等成績..坐低等果3分鐘..好似等左成個鍾咁..個心
勁諗..唉..死喇..唔知下次幾時考呢..唉..要令到人失望喇..

拎左成績之後..都唔識睇及唔及格..

俾左師傅睇之後..佢好開心..話..都話左你實得架啦!!!

而家咪一次過囉..哇!!!果下我都無咩反應..

隔左一陣之後..好開心..超開心..爆開心!!!

之後師傅車返我出去搭車..期間佢講左一句說話..雖然好簡單..不過就令我
好有認同感..

佢話..你呀..第時揸車小心d呀..佢呢句說話..令我終於都感受到我得左喇!!!

對於一個ok自卑o既人黎講..有一件事可以咁清脆咁成功左..(你地知啦..要一次過pass..唔易架..)

仲有喎..我先我18歲..有車..又有車牌..個下虛榮感..自豪感..都真係ok大架!!!(我真係好多謝師傅..我好感激佢..不過我俾完上堂錢之後..就無乜喇..想俾錢佢飲茶都唔得..)

之後搭電車走..第時都無乜機會搭架喇..hehe~~~

搭車經過小學果陣..諗起媽咪..雖然我pass左..不過都車唔到佢喇..

不過..我可以同佢講..我終於都做到一樣野無令你失望喇!!!

返到去..d人勁話我叻(因為全家得我同我老豆一次過pass..)

(裝)香話埋俾媽咪聽^^佢地話買啤酒..燒肉返黎賀一賀佢喎

食完..飲完..就去左訓一訓..訓到收鋪到..

放狗..食完野就返home喇..

今日考完之後問老豆攞左d錢..^^買左隻game..

返到去..之後玩隻game..好鬼難玩><..

玩左陣..同yukey傾左陣^^多謝你呀..遲下黎搵你呀下^_^

睇阿旺果陣..睇睇下..alice打黎..問我開心定唔開心..我話開心..

佢超興奮..大叫-.-(佢好似有d意思想叫我以後車佢返學咁..超!!你估你係
邊個呀..我想話佢知..唔係個個人叫我車..我都會唔介意咁車佢架!!!有d人..就一定得..)

過多陣之後..小璇打黎^^(我都話我可以一次過架啦..憧憬o既野可以發生喇^^)不過..要等一個星期先有牌攞..

之後聽佢講左佢d煩野..算吧啦..睇開d啦..

傾左陣..佢要收線..咪用icq囉..

之後聽住收音機黎打日記喇..打完都訓架喇

我今日真係好開心呀..我本身都唔知自己係咪真係可以一次過pass架..仲驚驚地添..不過而家^^..講開又講..都有好多因素令我及格架..首先..係早左考..避開左放學時間..又因為早左考..遇到個好官..而個好官又選左條易路俾我考(師傅話考呢條路..100個先得3幾個..)唔知..係咪媽咪幫緊我呢^^