尋晚成3點先訓 但係今朝9點幾就俾人嘈醒左-.-

阿雞打黎..約我打羽毛球..我仲o係睡夢中..佢咁就整醒左我..

不過我好快咁收左佢線之後..繼續訓..

一直訓到12點..起身打左陣機..

開電腦..見到阿雞online..佢再問我去唔去..我仲以為佢打完添..

不過佢題醒左我..今日得我同佢唔駛返學-.-

咁我地就約左2點鍾打喇..

跟住我煮左個公仔麵食..又再打多陣機..

2點1去到..丫!!..原來佢而家都ok準時喎..(改善左^^)

搵左地方..好!!!開始(不過..我太耐無做運動喇-.-打呢樣球又唔係我專
長..所以...=.=)

開頭都唔掂架..不過打打下..突然勁左好多(..阿雞原來..好勁-.-)

再打多陣..已經係佢走得多過我喇..!!!!!!

可能..係天份啦..不過..打左個幾鍾..有少少氣力不繼(太耐無咁劇烈喇><)

跟住休息左一陣..吹下水咁啦..我地約左下星期去唱k..希望去得成啦^^

然後去左地鐵站拎野..佢..同阿玲攞野..(乜我黑左咩?_?)

再去7仔買野飲..企左o係7仔傾計..原來..阿雞都真係ok好傾^^(同埋佢都知道我好多野架喎..)

4點幾..再去打過..今次約埋毒蛙..o係佢黎之前..

我地打住先..打打下..突然覺得自己有一剎那好勁..咁就幫自己改左個名..hehe..[睡醒中o既獅子!!!]好勁呀∼∼∼

等到蛙姐黎到..變成左我同蛙姐對阿雞..嘿嘿

又打左陣..5點幾..見到阿雞個小學同學黎左..佢打..

佢地一對一..咁我同蛙姐就作壁上觀喇∼∼∼

作作下..見到有2個日本仔(11,2歲啦..)黎x場..好串喎^^

不過個場夠俾4個人打..一對一邊..

咁繼續係佢地打架..我同蛙姐咁傾下計咁啦..(講下佢學校d野同我學校d野..)

咁佢地打打下..個2個日本仔唔知道解..話想2對2(我都聽唔清楚佢地用咩語言..因為同蛙姐傾得興高采烈..)

我靜係知道..佢地無啦啦變左2對2(阿雞好勁呀..佢講講下廣東話..都可以變英文架!!!)

睇佢地打左一陣..對日本仔遜少少..因為..阿雞個小學同學好鬼勁@@!!!

睇左陣..又繼續傾..原來..蛙姐係處女座架..佢都估唔到我o既校園生活係咁..(我指alice......)

我識左蛙姐3年幾..不嬲都唔知原來佢都ok好傾(又或者..我呢期對女仔o既態度唔同左..所以同佢地健談左少少^^)

傾到佢地打完..6點到..佢地傾左陣(因為講戲..我無睇新個d..所以無得一齊傾-.-)

之後阿雞休息左一陣..又打過..又係2對1..打打下..

阿雞話唔得..咁就我對蛙姐喇..hee∼∼∼獅子又黎喇!!!

再打多陣..(唉..我都就真係有d極限喇...)

7點幾..走喇..去左飲野(涼茶..)期間..佢地知道左我(就)有車牌..所以約定到時叫多2,3個人..去西貢食海鮮(我揸車^^)

飲野果陣..無啦啦講起穿耳o既問題..(乜用人手穿真係痛過打槍好多架咩..我係架喎=.=)

飲完野..陪完阿雞走..我就好順路咁送埋蛙姐返屋企喇∼∼∼

(我覺得..同d中4,5o既同學仔得閒咁樣聚下..真係好好feel..再加上..我同阿雞都識左有成7年喇..由中1識到而家@@)

之後我就自己行返鋪頭喇..好攰呀!!!攰到隻手有d酸痛..我不嬲做運動都唔錫力..(同埋因為我全日都出住汗..所以..會有d..我都feel到><)

返到去同個妹去買左d燒賣呀果d俾媽咪..因為..今日係農曆一週年

然後等埋家姐..就去食野喇..去到食野果度..見到ada同阿澄..

同佢地吹左陣水..ada話我..個樣好睇過以前少少..多謝喎!!!(我地都ok耐無見喇)

因為阿澄同我係讀埋同一間ive..所以都見過ok多次..(佢都真係..比以前..靚左好多!!)

佢點都唔信..我讀緊果科係政府資助..勁話係知．專-.-

我今日知道左..原來大大考左一次車牌..肥左路試..到而家都未再考..

知左之後..有d開心..唔知點解..可以因為我不嬲都唔多like呢個人..而家俾我知道..hehe∼∼∼

傾左陣．．我就去返食野喇．．食完..行返屋企..行緊o既時候..請教左家姐少少名牌o既知識(eg.LV呀之類果d)

返到home..打機..唉..今日睇唔到阿旺添..

打到11點8..收到一個sms..可能因為我尋日篇日記o既問題..

所以出現左少少野..唉..我都唔知點講..我just知道..我而家應該係咩位..如果我未諗通..我就唔會打出黎啦

講真果句..我都無迫(你)..我又有咩野資格迫(你)o姐..(你)個sms講得好岩丫..我好認同喎(由其係最後果句)

得架喇..我知道自己o既位架喇..總之..都係果句..祝福啦^^

之後打俾小璇..我覺得..自己好似有d唔同..佢問左我一d問題..

傾左陣..12點幾..收線..之後我地約左聽日..佢話10點打黎叫醒我..去飲茶喎..又黎..我諗都..架喇..不過佢話真的..咪信住先囉

跟住打日記..訓..要準備10點起身-.-

講真..雖然今日真係好累..不過..真係好正!!!希望..下一次o既今日會快d來臨啦^^