11點8..俾老豆打黎嘈醒左..個頭超超超痛><

佢話要上環喎..(都真係ok好生意)

落到鋪頭12點幾..hea左陣..食埋飯..到左點幾去攞車..

我揸上去..(唔係好精神添><)

買完..落返鋪頭..有人send sms黎話好悶..唔想o係屋企..

咪出黎遊車河囉..之後我返落鋪頭..學下做生意..hea下咁..

到左4點幾..去搵人..(我一心諗住同佢去食tea..不過d人煮左麵..無計
啦..)

去到佢屋企樓下..未得..我咪車去文理睇下見唔見到敖敖囉..
(唉..一提起佢..我愈鍾意..就愈憎呢個朋友!!!)

4點半..再去返搵佢..等左一陣..ok喇..

之後又係去石澳..條路真係好正!!!(我未食過d麥提沙係咁好味架!!!^_^)

入到去..因為無位停車..所以就走喇..

出左石澳..小璇話要去一去北角..去完..6點到(我每一次話要送佢返工..佢
個樣都非常..令人心軟..)

之後入左入小西灣..d路有小小唔識行..兜左個圈..走喇..

又唔想返工住..就諗起..買下六合彩都好喎..又諗唔到邊間買..

咪諗住寫左d數字先..由我買囉..上左耀東果頭..有人話想揸下車

好呀!!!無問題..不過我諗地方唔岩..會阻到人..所以行左少少路..就走
喇..都夠鍾喇..飛左落去鋰景灣..送人走..

我就自己返鋪頭喇..拍好左架車..去搵老豆食飯..

等埋個妹..首先買左六合彩..再去食飯..

食飯..hea左陣..傑佬打黎..話叫我陪佢食飯..ok啦

之後車埋我個妹同佢個fd..搵埋傑佬..就落鋰景灣喇..

放低左我個妹同佢個fd之後..我就同傑佬狂兜鋰景灣喇..因為要諗食乜

兜兜下..個妹打黎..話唔夠年齡..買唔到酒..所以要我地幫佢地買

買完之後..同傑佬入石澳..又無位拍..又走囉(因為我地諗住o係裡面食..)

出黎果陣..大約10點半..唉..因為我揸住部咁o既車..所以鬥唔過人..

之後都係落左筲箕灣果頭食..佢食完..我就車埋個妹返屋企..

然後我發現自己唔見左樣ok緊要o既野..搵左好耐..去埋今日去過o既地方
搵..

搵左陣..搵唔到..之後去左文理果頭搵(因為我今日有去過)

同傑佬買左野飲..就諗住去搵阿關佢地..見下d小學同學咁啦..

落到鋰景灣..其實我都唔知佢地o係邊..都係諗住原路行..

行行下..就見到佢地喇(仲見到一個我想見好耐o既人添)..佢地叫一齊飲野..ok啦

哇..我完全唔記得個女仔係邊個..佢又記得我喎..不過..佢真係都ok好靚囉..

飲野..我飲左2技仔啤酒..同佢地都無乜話題..超悶..不過唔係我一個悶..
係3個..

悶悶下..咪同阿雄傾下計囉..都係講車牌o既野啦..(好有意思的一個moment)

hea到佢地食完..走..大約點半..我去車返架車過黎..

咁夜..快d都無問題啦..車到過黎之後..阿關話想揸下..ok丫

佢兜左個圈..我就同d同學吹下水咁..

返黎之後..我就車小璇同阿雄+傑佬走喇..(我本身真係想車埋個女仔架..不
過唔係好方便出聲..)

如果傑佬唔o係度..我未必會車.......

我覺得自己..開得超超超快..超洒速..小璇講得岩..未見過我開得咁快..我都未見過><

因為我真係好低落o既心情..一首最佳位置..真係非常非常之攞景..

(就好似..我係一個司機..車住一對情侶咁..最佳o既位置..就係司機o既位置..個下野..超級攞命..再加上我飲左少少酒..大膽左..所以揸得好快)

送左佢(地)返去之後..決定..上東廊..要飛下車><

同傑佬搵左個洗手間之後..開始!!!!!

我諗..我開到130..一路過車..一路飛去灣仔果邊..5分鐘都唔駛..

去到灣仔..又上返東廊..上緊o既時間..見到警察..有d驚..好彩我飲酒不嬲都唔面紅o姐..無俾人發現..

飛返去北角..入左油..就返停車場..拍好架車..就諗住同傑佬去飲酒喇..

之後行返屋企..行行下..收到個電話..情緒立刻上到高點..

好正..知道左d野..我真係要多謝..多謝唔知邊個..就多謝首最佳位置啦!!!

(我會好好咁記住呢一段電話裡面o既對話..因為佢令我知道我要點做..)happy!!!

之後繼續行上屋企..一直係好好o既心情..返到去..諗住打日記..

不過打打下..好眼訓..去左沖涼..訓..

(無錯..真係好一個文理+北官o既聚會^^)