我因為要打尋晚篇日記..所以成5點幾..6點先訓..

個心隱隱覺得..返唔到學..

我一訓..都唔係一訓架..係我唔理d人打黎..又唔理d人叫我o姐..訓到12點幾..

look下look咁..點幾先起身

開電腦..同個新o係icq識o既人傾下計咁

hea下..又上網睇散文咁..感動果d..(有d畫面..o係我睇緊故事o既時候..一
陣一陣咁o係我o既腦海中出現..佢地o既出現..就好似一技一技好長..好尖o既針..一下一下咁插入我個心裡面一樣><)

愈睇..愈諗得多..愈傷心..最後都係無洒心機咁

又去訓過..果陣3點到..開頭唔係好訓得著

look下look下..之後訓到成5點到..

見到個電話有6個未接電話(因為我同左震機..)

但係因為分鐘o既問題..我靜係覆左小璇o既電話

同佢傾左陣..問埋d低能iq題..不過又唔識答喎-.-

然後三舅父打俾我..講左d我ok驚訝o既野

佢又叫我出去..話睇下我手車點..同吹下水咁

咁我咪去攞車囉..之後去搵佢..同佢去左個地方..吹左陣水

佢都講得好o岩o既..有d野..不過..我雖然覺得o岩..但係就未必會邊住做囉..

哩個舅父..係教得我最多野o既舅父..我真係可以o係佢o既身上學到好多
野..而果d野..真係唔係咁多人都教到我..

佢o既人生觀..我好鍾意..好向往..靜係敢作敢為呢一點..我已經好想學到..[做男人o既!!有咩怕呀!!想做就做左先!!唔通等中秋先做呀!!!]而呢一樣野..我未可以o係老豆身上見到..

傾左陣..佢話有d野做..咁我就揸走左架車先(佢叫我半個鍾之後搵返佢..)

我揸左入赤柱..因為..我有d野想聽日做..想約我姊妹入去^^

出返黎之後..搵返佢..同佢一齊返我屋企..(有人要搵佢..)

返到去..超超超肚餓..因為全日一d野都無食過..

打俾shirley..傾左陣..傾到有人煮左野俾我食

食飽飽..睇電視..一直睇..睇到11點幾..

今日睇阿旺..又俾我發現到一d野..哩套野..唔只係搞笑咁簡單..佢d對白真
係有d意思架..雖然只係一套劇..不過..都feel到d野囉..

11點幾..打日記..打打下..見小璇online..傾傾下計..佢話用電話

之後佢打黎..我就date佢喇..聽日^^

我都叫做有plan過o既..而家o既阿財..唔同喇..同女仔出街..有d野都無自己做返決定好d o既..再加上我係司機..

之後同佢玩下speaking..問下佢對人生o既價值觀..又講下人是非..玩下學人遊戲咁..(我今日講野..有d都ok深架..ok有意思架)

一題到個約定..我就諗起自己上次諗果d低能野^^不過..我都希望可以變真架!!!

同佢傾到2點到..佢要訓..我就打埋日記..沖涼..訓喇∼∼∼

(聽日個約會..雖然我地成日見..但係..我硬係覺得..聽日見完之後..有一d野..係會改變架..唔知呀..可能第六感..)不過我都真係ok期待..傾日入赤柱架..