今朝11點幾起身..收到風話老豆今日心情好好^^

一早..打返鋪機..等埋個妹一齊落去

落到去..點幾..同埋老豆..家姐一齊食lunch

老豆今日心情真係好好喎^^可能之前幾日生意好好啦

食完野..去左眼鏡鋪..個妹要整隱形眼鏡d野喎..

整左成個鍾..返返鋪頭..諗下今日去邊..之後決定左..去太古城

因為我要買衫..老豆又唔去喎..不過佢話由佢俾錢^^

之後hea左陣..3點到先去..小璇打過俾我..

話佢手提用唔到喇><..咁咪搵唔到佢囉..

我知道佢今日好悶..想搵人陪下..不過一來我無車用..二來..都叫做family day丫

去到太古..搵左陣..最後買左件3百幾蚊o既^^

買完..行左陣..就走喇..(唉..每當佢地去左睇野..我無野做o既時候..我就會諗野..唔係諗得好多..不過隻feel就好難頂><)

每諗到一d位..個心就好似俾技針..吉一吉咁><好痛苦..就好似..你鍾意左一個人好耐好耐..係好鍾意果隻..而哩個人..之前有一段時間..係成日都o係你身邊o既..

但係..因為一d事..一d問題..你知道自己唔可以再鍾意佢..因為無可能..咁o係情況..你就逼自己唔去搵佢..唔去諗佢

好喇..就算俾你阻止到自己咁做..但係..其實你個心..無時無刻都諗緊佢..佢悶..你好想陪佢..佢唔開心..你好想陪佢..佢發緊脾氣..你都係好想陪佢..留o係佢身邊..不過..你知道唔可以..佢亦都同你講唔可能..

因為對大家都唔好..咁你又再好痛苦地逼自己唔諗..每當你去返你地之前去過o既地方..一齊玩過..一齊傾過計o既地方果陣..又諗起..又好想打電話..
但係..一d o既說話..諗法又再出現o係你腦海..你又逼自己><

咁樣o既生活..我過左2日..已經覺得好痛苦..好唔開心..個心成日痛下痛下咁..但係我又知道..自己一定要咁做..無辦法><做唔做到..我唔知><

(唔好意思..無啦啦o係度呻添-.-)佢..o係我o既心..真係太重要..佔左太多位喇><

之後我又o係太古見到一個小學同學喎..哇..又係果句..女大18變囉!!!

5點到..返去喇..返到去..又去左另一間o係鋪頭附近o既店舖..

佢地睇左好耐..我睇睇下都係決定返去先..

Hea左陣..7點到..去食野喇(本身小璇叫我陪佢食dinner..不過最後佢又話o係home食喎..)

去到食野果度(浩記)..今日佢地又飲啤酒..我本身真係唔想飲架..

不過食食下..望住條街..個紅綠燈位..花鋪..諗起一d說話..一d回憶..

又黎..雖然唔想飲..不過要飲!!!><><

今日好快唔想飲..我一早知道..飲酒..同心情有關架><

食完..同個妹返home..返到去..見到個留言..

唉..乜都唔想理..唔想打住..我就就咁訓左o係房個地下..

訓左半個鍾..之後沖涼..就開始回個留言喇..(愈回..個心情就愈..><)條針就愈吉愈痛..愈吉愈深..愈吉..愈應><

回完..轉埋首日記歌..就打日記喇..

打完..訓喇..唔理(住)喇><

(我諗我呢幾日都唔會好過架喇..不過..改變..係須要時間o既..真心果句..如果可以o既話..我真係寧願唔變..好似之前果2,3個星期咁..真係好好..好開心..不過..有一d說話..係講左..聽左..就唔可以改變架喇><)唉..再一次o既後悔><.........