今朝我look下look下咁..勁起唔到身

結果遲左半個鍾先返去上中文堂..遲到好過無到呀!!!

都仲有人遲過我..阿玲因為一早要拎野去整..所以要遲返..

我一返到去..就見到miss今日又用通識方法上堂-.-

今次係講..複製人問題..又要係支持..反對..人人講d咁..

咁當然會多d人選反對啦..不過..佢地果d見解都ok一式一樣..

但係我就講左一個好好o既point出黎..miss勁話好^^

我都只不過係諗深一層..唔諗乜野..道德呀..乜野治安呀..乜野商業呀..

我諗o既..係人類切身o既問題..一個重大o既問題..就係資源o既問題..包括..天然資源呀..食物呀..原料呀咁..

我覺得..如果多左大量o既複製人出黎..會對現今已經缺乏o既資源做成更加大o既衝擊..咁o既程度o既衝擊..可能會令人類走上絕路

(唔好意思..今日上堂發表得好激烈..搞到而家都o係度講添^^”)

上完中文堂之後..測量..今日出去做野..

因為我上一堂無返..所以唔係好知點做..咪睇下佢地做先囉

行行企企咁..過左2個鍾..放lunch喇

去左M記食..唉..講開一d話題..我都真係o洒咀-.-
(佢唔係真係對自己咁有信心呀..真心話..我個姊妹都唔知得你幾多啦..)

食完..返去..溫住英文等上堂..

今日上哩2堂英文堂..不停同隔離個人講做童軍d野..

因為我都有做過..所以佢好興奮咁同我講..

真係2個鍾停講..講到落堂..放學

陪alice去左sogo..佢要換野喎..

去到..真係好似奇景咁..alice搞左勁耐..

我就傾下電話..睇下野呀..等下咁..(俾小璇打黎串左我幾野-.-)

我見佢真係好似好重咁..咁我又唔忍心喎..咪幫佢拎d囉..

佢由4點搞到5點半..我送左佢搭車之後..就走喇

我搭巴士返黎o既時候..見到d搞笑野^^

返到鋪頭..等左陣..收鋪..放狗

之後就同老豆去食飯喇..食完..返返去..

一路睇電視..睇到10點..約左傑佬出黎..遊車河..

其實我係想睇下自己識唔識路由鋪頭果頭車返學校..

結果係唔多識..兜下兜下咁..唉..聽日都係聽天由命啦

12點..泊好架車..同傑佬行返屋企..

我地去左屋企附近間seven食左少少野..(飲左熱維奶..又食左個丁果d薄餅..我再食多條雪條添@@!!!)

之後就返屋企喇..佢話會等2點幾3點睇波..不過我就話佢等唔到就會訓左..

我返到去就打返d日記..沖涼..之後唔知等唔等到睇波..因為我都真係ok眼訓><
(聽日..揸車返學..講左咁耐..終於可以喇∼∼∼)