本身我諗住今朝o係鋪頭開鋪之前..

駛走架車..唔俾老豆見到我揸車返學架..

但係唔知醒..9點到..我舅父先打黎叫醒我

之後我就去左攞車喇..因為遲左..真係俾我老豆見到><

又要諗點樣同佢講好-.-

解釋左之後..去搵三舅父..因為佢話要車佢去北角

順便叫佢教我點去自己間學校

車完佢之後 返學 about10點3返到去

泊車果度 有好多位 正!! 我選左個對正學校大門o既位泊

10點半上去上英文堂 有幾個同學問我係咪揸車返黎..

見到咩-.-(有幾個同學o既眼神話俾我知..佢地覺得我好囂張><)

今日英文堂..頭果堂miss叫左 學校個外 籍老師黎上

佢好靚仔架 表情又多 不過上堂教果d就係英文粗口..

轉堂果陣 阿彤 阿盈問我係咪真係有車車..話想(玩)下喎

咁我咪帶左佢地落去(玩)囉 原來佢地係想玩防盜果個野..

佢地見到我架車 超興奮 見佢地咁興奮 我咪俾佢地坐入去

開下匙呀 (參觀)下架車呀..咁囉

如果唔係要返去上堂 同埋驚搵唔返個位 我諗我會同佢地兜返陣先

上去完埋堂英文 放lunch 去左吉野家食

alice勁問我係咪去睇戲..無錯 我係約左佢睇戲 不過..既然佢男朋友咁講
同佢小心d呀咁..

我覺得..無須要囉 你以為我會做乜呀!!!

頂 你唔想你條女去 咪出聲囉 仆佢個街 我就唔信我車唔到第2條女去!!!

食完lunch 返去上中文堂 上完 我就走喇

alice又問係咪去 我咪同佢講我點諗囉 佢勁兜 話乜野佢叫我小心o既意思
係小心d揸車咁..

咁我咪當係囉 信囉..咁我又真係ok想睇套(如果.愛)

我想搵佢同我睇果個又話對套野無興趣 咁alice又想睇 我先搵佢

一上到車 開音樂果陣 聽到首歌 係王傑唱 我搵左都ok耐

我覺得好好聽呀 果陣聽..覺得個高潮位果句好正..o岩洒feel

不過而家覺得好聽 只係因為 覺得好聽 無咩特別原因..

我都估唔到架車隻碟有哩首歌..講左咁耐..我都係唔知首歌叫乜名架-.-

alice話想去一去金鍾先 咪車佢去左先囉..(佢一上到車..開左車之後..都
ok high)話好開心喎..有人車..

又勁整個位 前後前後咁整..佢覺得好好玩喎..

我唔多識去佢講果個地方..算啦 唔去喇

之後去左太古 因為我想o係太古睇 至少熟d丫

買飛之前..食左2包麥提沙 因為會變左30蚊張飛

食緊果陣 見到有一斑小朋友..都真係ok小架..

佢地o係度唱歌^^好搞笑 好可愛

食完 坐左o係戲院等開場 等左陣 5點2 入去喇

買左野爆米花 我都估唔到alice真係可以食到咁多@@!!!

套如果.愛 都真係ok好好睇 我覺得 不過可能有人會覺得悶..無聊

套野係愛情戲 緊係情侶睇最好feel啦

我覺得都ok要諗 仲好前後相應添^^

睇完戲 我本身諗住請埋佢食飯再車佢返屋企架 不過..

睇之後..二舅父突然打俾我 話因為一d原因要用車

另一部車又岩岩壞左 咁我就要車俾佢喇

唔夠時間做我想做o既野 車左架車俾佢之後..(俾d舅父地見到alice..希望
佢地唔好亂估啦..)

我就送alice搭巴士走喇 之後自己搭車走

因為無食到野 好餓 約左傑佬食大家樂

食完之後 去左seven 我又食左少少野咁啦 又飲左酒

傑佬都有飲 可能我練得佢多左 佢飲左一大技都無話好醉

好!!!不過今次試果隻酒 好屎o姐..

hea左陣 佢話上我屋企打機 ok啦

上到黎 打左幾鋪 之後佢話要搞搞日記d野 又要打日記

咁我咪俾部腦佢用囉 我就去沖涼

沖完涼之後..到我用返 同佢睇左d足球野之後

就走去睇d鬼野呀 核突野呀咁 果陣2點幾

一睇就睇到5點幾 唔想再睇 又去返打機..

一直打到7點2 佢走人 我就hea到7點8..訓喇

都真係ok攰囉..