尋晚醉到咁><..今朝都可以10點幾醒

不過醒左之後..個頭無痛喎@@..但係就有一種好消極o既感覺..

搞到我乜都唔想做..乜都唔想諗..靜係想訓o係張床度

結果我成12點幾先起身..傑佬打黎求救

咁我咪救下佢囉..約左佢1點鍾o係炮台山等..因為我真係要整整個頭喇-.-

食埋野..去搵佢..見到佢都成點半喇^^”

之後去左舅父度剪頭髮..大約2點半到..搞掂

同傑佬行去銅鑼灣..是關佢要買野..送俾人做生日禮物喎

大家行行下o既時候又開始發夢..

經過維園o既時候..我諗返起好多細個同老豆一齊行o既情境..

果種事過境遷o既感覺又出現..

行行下..見到今日要遊行o既人..睇左陣..真係都ok多人喎

之後去左皇室堡..佢睇左陣野..又行左入去玩具反斗城

哩個地方..細個果陣真係好想好想可以黎..

行完皇室堡之後..去左銅鑼灣地帶行..又睇左陣

經過一間野..我醒起..之前我o係度買果樣野o既時候..對一個人仲係充滿住
憧憬..對自己仲係有希望..不過而家就..(又黎事過境遷-.-)

而買左o既果樣野..都仲係放左o係我屋企o既床邊(我都唔知道..我會將呢一份野..送俾邊一個喇..原來要收o既人..哩個moment送..已經唔o岩喇..)

幾時先再會有一個咁o既女仔出現..有資格去收我哩一份準備送俾我最鍾意o既人o既禮物呢......(再黎多野事過境遷@@)

行完地帶之後..佢都未搵到..咁咪行埋金百利囉..

佢終於都搵到喇..不過搵到之後都仲要諗陣先買-.-

買完..行左去sogo搵一搵家姐..之後就走喇..真係有好多人遊行喎

搭車返去o既時候..2個都好攰><都唔知乜事..

跟住傑佬上左我屋企..因為要借野

然後佢就一直整佢份禮物..整到10點幾=.=

我返到home之後..打左陣機..無啦啦有人上黎sell新電視

咁我就好衝動咁簽左1年約..不過我唔記得左一d好重要o既野

結果勁頭痛..諗左陣先諗到點解決><

傑佬條友..整整下份禮物..連自己都鍾意埋..唔想送咁話喎-.-

8點半..睇魔戒(不過都睇左3,4次..)10點幾..傑佬走

我睇完魔戒之後..就打日記喇

就睇完o既時候..小璇打黎..叫我做d好高難度o既野@@

6點半起身叫醒佢..講真..除左以前做學生長..我都無試過咁早起身好耐喇..

我o既姊妹無啦啦話有d唔開心喎..不過我見時間差唔多..佢要等o既人將會出現..我咪唔詳談住囉..費事阻住人地∼∼∼

(有一樣野..尋晚到而家..我都唔係好釋懷到..我..尋晚o係鋰景灣..見完舅父..撞到完小璇地之後..我真係應該走..仲要立刻走..點解..點解我要兜多個圈喎..點解又要見到果一對情侶喎..一對咁親密o既情侶喎><><)

如果我選擇走..可能我尋晚唔會醉..尋晚..我係真係醉左喇><

正如同一個道理..如果我選擇早d釋懷..可能..而家o既我..會有好大分別><