今朝好早好早起左身

因為我今日要落鋪頭丫ma..8點3起左身

9點到落到去..老豆岩岩去放狗..

我跟埋去..放完之後..

就去食早餐喇..食完

返去開鋪..一開始..我係睇下報紙..有人黎買野or賣野我就入去學野..

老豆今日都ok主動咁教我野..

又教我打磨..計成式..我又學到少少做生意o既..基本工..

我之前都有成日o係鋪頭..hea足一日..

我之所以之前無乜得著..係因為..我唔係落去學野

而今日..我係用個heart去學..

所以..好有得著..仲明白左少少..做一個老闆..要有d乜野態度..

同埋..原來聽老豆同d街坊傾計..都ok多野聽..

最重要o既一點係..今日好好生意..

所以我份報紙睇左好耐..(一有人黎..我就要停-.-)

今日睇報紙..睇到段..有一首歌..網上歌曲..

哩首歌o係內地非常多人知道..首歌係由北大一d同學作o既

內容係講禽流感時期..o姐係而家..

果一歌作歌o既人用左小朋友o既聲音..唱

首歌o既內容係以一隻小雞唱出雞o既感受..

12點幾食lunch..好耐未試過咁準時-.-

食完..老豆話要去上環賣野..等埋家姐..行

今日舅父仔叫我揸車..我終於都揸車喇..

2個月喇.......終於上車喇..

好似唔識咁><..好生疏

上到去賣野果度之後..今日有少少問題出現左..係之前未出現過o既

處理得唔好影響會好大獲果隻..

我本身諗到個方法架(好正..如果我今日無o係鋪頭..一定諗唔到)

不過原來老豆有更好o既辦法^^

搞掂之後..去左九記食野..正!!!!!!!

食完就走喇..車緊返去o既時候..講o既野同去o既時候一樣..

講舅父仔9月果頭結婚o既野..

@@我要做兄弟..仲要揸花車@@!!!(不過我諗到時一定會好開心..好好玩o姐^^)

返到鋪頭之後..看左陣鋪..4點幾o既時候..

俾家姐捉左上屋企..(汁)櫃-.-

上到去之後..搞左好耐..我要(接)衫@@

好正..(汁)完之後..搵到首好耐好耐之前..o既歌..

楊采妮唱o既[不會哭於你面前]雖然好耐..不過好好聽

之後又搵左果首雞仔歌..我個人覺得好正..睇住個mv聽完之後..

真係有d感動..有d同情d雞雞-.-

之後hea左陣..6點幾..落叔去同老豆食野

又係煮飯..食完飯..睇紀曉嵐..

睇睇下..老豆無啦啦同家姐因為一d小小事嘈..

我做左和事佬-.-不過好彩最後無事..

不過真係好少事架-.-(但係由哩件事可以見到我老豆好口硬心軟^^)

9點幾返屋企..9點半返到(無啦啦又雨夜獨行..)..之後就打日記喇..

我諗之後都係搵下歌..打下機..睇下電視咁啦

(我今日結果都係無返到去考測量..但係經過今日之後..我對o係鋪頭哩份
[工]..產生左少少興趣..)