好..今朝可以好易咁起到身!!!

煮左野食..返工..hea下hea下..搞到差d遲到@@!!

落到去..阿輝又差唔多搞掂喇..係咁易幫手封下(傷)

之後就等阿榮喇..等左半個鍾到..

佢到就行人喇..去到都仲有好多時間..

又係等囉..今日得6隻船..

不過今日碼頭就有好多人呀..仲有3個警察睇住添@@

個碼差唔多爆哂..連車都唔係好推到-.-

等等等..等左差唔多1個鍾先黎得一隻船

等等下仲落好大雨添!!!好彩有得傘o姐..

今日搞到11點半返到公司..

收完錢..走人..諗住返去同老豆講今日幫佢抹鋪頭d玻璃

賺多200蚊都好呀..順便再問佢拎埋零用錢..200

但係點知..返到鋪頭佢唔見左人..我諗佢都可能係出左去食野架o姐..

太累喇..訓陣先..小睡左差唔多一個鍾..

都未見佢返黎喎..又鬼死咁肚餓..咪打俾家姐囉..

點知家姐話老豆地今日返左大陸..有人帶佢地去食野喎..玩下喎-.-

哦..咁我食乜好呢..家姐話(昊)d等埋佢一齊同阿婆去飲茶喎..

ok..都好耐無飲過茶喇..不過等等下..成2點半先行..

同埋大舅母加表妹..5條友去左太古飲..

飲完茶..例行公事就係行下太古城..

陪家姐睇完佢要買o既eyephone之後就去睇我d鞋喇..

係時候買返對新鞋喇..今日好快就買到喇..-.-

以前次次都買勁耐..好平o姐..3百幾..

不過我就o係果間野見到一件我搵左都ok耐o既波衫..

就係西班牙喇!!!!!!!!我o既愛隊!!!!!!!

卡斯拿斯,沙比阿朗素,沙維,沙加度,佩奧爾,路爾斯加西阿,法比加斯,連拿, 沙治奧拉莫斯,雷因斯,祖亞昆,費蘭度托里斯, 韋拿,魯爾等等等等..........(唔好意思..打打下..打左d球員名出黎添^^)

咁就緊係要立刻買啦..450蚊..

件衫9折,鞋85折..對鞋就會問老豆拎返錢..不過波衫我不嬲都係自己出錢買o既

買完之後..再行多陣..6點幾就返去喇..

我返左落鋪頭..要放狗呀之類果d..

7點幾出去買左個飯盒返鋪頭食..12蚊^^

老豆都唔會咁早返..o姐係我又賺唔到果200蚊住啦-.-

8點幾..返屋企喇..睇電視..美女廚房呀!!!

之後睇埋x-man就打日記喇..噫..唔知點解突然好想飲酒添..

好似仲有一支架..搞掂佢先......

(大家今年o既世界盃記住要支持西班牙..雖然..佢地都未必會有好成績..但係..我愛的就是西班牙,Spain!!!!!!)