今日好早就醒左喇..9點幾..

唔知點解呢..不過訓返..10點半先起身

打機..12點半..傑佬打黎..

話左我之..結果..^^ok丫..咁係最好o既

之後就一路同佢傾電話..傾到2點幾..

佢要準備落街..我都要呀..陪佢去考會考-.-

2點9..行喇..搭地鐵去..轉車又轉車......

去到九龍塘喇..大家都覺得係要飛的去o既..

可能我地去到果個時間係放學..所以有好多學生妹,學生仔

當行緊去搵的士搭o既時候..條友先醒起自己無帶筆@@

去考會考連筆都唔記得帶.咩學生黎架

幾經辛苦..買到筆喇-.-

搭的士去..哇..都真係ok唔識去喎..不過經過o既地方..

有一d我記得我去過架..因為細個都ok成日同老豆過黎哩邊行..

去到..又有好多人o係學校o既門口做緊問卷-.-

不過我地都唔算係會考生..4點3..佢去考喇..

我呢..就要等佢..咁我就o係等佢o既時間裡面..

勁周圍行下..睇下行唔行到去一d我去過o既地方..

費是又要搭的士走啦..

o係咁行下行下..不知不覺..行左去好遠..我發現自己原來方向感都幾好!!!!

雖然行左去好遠..但係都好似一直有一張地圖o伙我個腦裡面..

所以無乜迷路o既感覺喎..行左差唔多半個鍾(留意..係行)

超超超熱..不過就俾我搵到我熟悉o既地方喇!!!

雀仔街^^順便買左d野..

行返去..買埋野飲..飲埋..再等多佢幾個字就搞掂喇

等緊佢o既時候我就o係度睇同聽d人做問卷..都幾搞笑..

佢地又唔敢問我喎..因為我個樣一d都唔似會考生..

但係有d又好想走過黎^^

等到傑佬之後..行左去新世界廣場

超無聊地行左個商場一次..搵下野食先..

開頭話食m記..之後又話食哩樣果樣..上埋去美食廣場都諗唔到食乜..

咁又成個鍾喇-.-結果2條友憬去左食味千拉麵o既..

我不嬲都好like架喎..叫左2碗加2個小食..

豬軟骨拉麵同唔記得左..加多個炸軟殼蟹同牛肉卷!!!正!!!

可能因為價錢都唔平..d人o既眼光我又覺得好似-.-

食飽飽之後.行左去魚街..(有好多魚賣o既街..)

傑佬話佢以前成日黎架喎..同佢周圍睇左陣..

佢不停有電話到..邊個,做乜..唔講喇..唔講得..

之後去埋最後一個目的地..行去到用左差唔多3個字..

地點係球迷世界..一間專賣波衫,足球野o既地方..

諗住去睇下有乜波衫好買..不過無喎..

之後我地就擔小巴返去喇..返到太古..佢要去搵人..我就一個人行下咁啦..

終於出喇..一套之前上晝唔記得去..但係又好想睇o既戲..

妖夜尋狼2..等左好耐喇堅持唔睇老番..因為我鍾意o既戲..多數都唔同睇老番
架喎..寧願等佢出正版再買..

之但係呢..唔知係咪特別版..要220蚊-.-

咁岩我呢期無貨..唉..算啦..等有貨先買啦><

之後一條友好無聊..好低能..好seven地..睇左陣溜冰..

心情突然有d唔係幾好添><

差唔多9點..走人..行左去海皮..又坐左陣..吹下風..

之後就順路行到去鋰景灣喇..

行下去公司睇下多唔多人先..話哂我遲下夜晚要o係度做架喎..

見到副經理..佢都見到我..打左個招呼..問我係咪一個人-.-

不過佢都ok友善丫^^

之後就行去搭車返屋企喇..

去埋惠康買啤酒先..屋企無哂喇..

28.9二支..ok丫..不過去到俾錢o既時候先知自己無散紙..得張金牛..

好彩有得用8達通o姐..但係佢又話要袋就要捐5毫喎..不過又好彩..我仲有張20
蚊..

如果唔係..1千蚊點找呀-,-

返到屋企..正!!!今日三舅父請阿婆地食飯..

佢帶左一樣野食返黎..係一樣我超超超超超超超鍾意x無限次o既野食..

佢係一樣充滿北京風味o既野食..估到未呢..講北京食物..一定有佢份..

無錯..就係------------北 京 填 鴨喇!!!!!!

咁岩又有啤酒喎..正哂啦..打機打到11點幾..食喇..

超超超超超好味..正!!!

不過原來好貴架..佢地5個人食..食左8百幾..@@

唔怪得質素都咁高啦@@!!!真係好好味..但係差d食唔哂..佢地食左好少-,-

食完..又打機..2點沖涼..打日記..訓喇^^