睇完尋晚場波之後同傑佬打機打到5點幾佢走喇..

我就打多陣..6點幾..睇埋個日出..訓..

訓到12點幾起身..(漫長o既一天開始喇..)

打下機..hea下咁..2點幾落鋪頭..

睇左報紙..3點幾..走人..

返工呀..返到去差唔多4點..

又係做果d野啦..4點半到行喇..

第一隻船5點3..今日係我同埋一個叫阿roy既同事人一齊去

去到差唔多5點..好快就第一隻船到喇..

今日等囉又係..不過都同哩個同事有傾有講架..

講下波呀..打機呀果d野啦..

又問左佢好多其他同事o既野..包括三舅母..

今日發達行果個人無啦啦同我地講..我諗..今晚我地老闆都會打俾你地老闆同
佢傾下計..

頂!!!意思o姐係唔滿意我地做野..會報串咁囉..

o係度嚇人..我又唔驚喎..我自問做左咁多日都無乜點錯!!!

7點幾走喇..返到去8點..好累呢><

以前中學果d同學約左今日出去睇波..睇英格蘭仲叫埋阿sir

約左8點o係銅鑼灣一間Newry k房睇(9點開波)

本身都諗緊去唔去架..放左工佢地打黎..問我去唔去..

諗諗下..又唔係咁想一個人o係屋企睇波喎..

決定..去!!!

搭地鐵去..8點9到我就到喇..

好餓呀><好彩有野食o姐..

我到o既時候阿sir都到左喇..

我超快咁叫左野食..太餓喇..

可能佢地好耐無見我..所以見到我話我而家仲有大佬feel喎@@

9點開波..睇睇下又多d人黎..

雖然大家都好like英格蘭..不過講真..場波真係唔係咁好睇..

半場o既時候..有人入黎sell啤酒..

阿sir個親戚開頭都話想飲架喇..不過聽到話要加20蚊又唔叫-.-

而家有人sell..咁我問左人之後..係一個有少少話事人o既態度下叫左9罐..

黎到之後..我緊要開左俾人飲先啦..得2個人飲-.-

(不過9罐一定難我唔到啦!!!)

一路睇一路飲..(我有d驚..因為怕佢地睇完就走人..咁到時如果未飲哂..會有
一個好咩o既場面出現)

所以我要發揮一下d能力先得..我好似飲水咁..30分鍾..飲左4罐..不過我飲左4罐..阿sir個親戚一罐都未飲完-.-(唔係佢想叫先架咩.......)

d酒太屎喇..真係好似飲水咁-.-(好似叫百威..)話咁快又完場喇..

今日個k場爆呀..所以完場之後超多人去洗手間..一路都聽到d人話失望呀咁..

我認同..雖然英格蘭win..不過真係唔多好睇..

之後我先知..佢地唔係睇完就走..(等我仲飲得咁快..唔係幾好意思添..-.-)

完場之後佢地話唱k..不過都有d人走先..

雖然我聽日返7點..6點起身..不過我都唔想咁早走住喎..

佢地就唱k..我就差唔多alltime都係同阿sir傾計..

講左好多..包括一d家庭o既問題..

佢聽o既時候都講左好多句..點解唔早d搵我呀..

咁o既意思係咪o姐係覺得事情須要佢幫手會好d呀..

我都係傾到12點幾..唔得..要返工..唔可以遲到..所以要走先喇..

自己一個人搭巴士返去..

搭搭下..突然收到一個sms.............

日記打到哩度先..因為今日唔可以用訓覺當一日o既完結..睇埋聽日o既日記你地就知點解架喇..