又一個星期喇..星期一..

9點幾俾人嘈醒左..所以同個妹嘈2句

10點幾..起身..hea下咁..打下機咁..

11點幾落鋪頭..今日行落去o既時候見到文理果檬要返學..

所以諗住下午返一返去..拎返張中五o既成績表..

落到鋪頭..坐左陣..12點到就去喇

返到去..拎返成績表要10蚊..

等緊佢整俾我o既時候見到d老師..

同以前果個英 文老師吹左幾句..

又同以前o既校長傾左一陣..

佢無啦啦咁我同d中 4升中5o既同學講下學習果d野喎..

哇..我都係好唔掂果隻架喎..所以都係講返果幾樣..

傾左緊..又走左去同個校工吹水..以前都同佢好熟架..

好好人架佢..講下是非呀..近況呀咁..

吹下吹下水..由12點幾吹左成2點先走..

我發現..原來有好多老師都識我又認得我架..好開心!!

返到學校..就好似有一種(存在)o既感覺..

因為d老師見到你..一定會問你..點呀..讀書定做野呀..下次再傾過啦..多d返黎喎..咁..

我覺得..唔知點..有一種好warm..o既feel..

同埋有一種無形o既..安全感..覺得o係學校o既日子真係最少野煩..最開心架..

2點幾走人..行緊去搭車o既時候..三舅父打俾我..

搵我去游水..等左佢一陣..之後車左我返屋企拎埋d野就去石澳喇..

去到..首先係食左碗野先..因為大家都未食野..

食完..去海灘曬左陣..睇左陣女..同佢一齊..我真係覺得自己講左好多粗口-.-

仲好鬼賤添......

之後4點幾就出去游喇..游下游下..不停地..游左半個鍾..

好耐無一次過游咁耐喇..有d累囉..

之後返上水..繼續睇水..6點到先走..

仲食多隻雞脾先走人..原來暑假o既海灘真係有咁多女睇架!!!

之後我去左佢屋企..教佢一d電腦o既野..

8點到先走人..返屋企..

打左陣機..去沖涼..今晚好早訓..

11點就訓喇..因為都真係ok累-.-