尋晚話等個頭乾訓..等等下走左去down歌..

咁就搞到4點幾先訓喇=.=

今朝成2點先起身..睇左陣動畫..

3點幾敖敖打俾我..問我係咪要去灣仔換野..

我本身今日唔多想出出街架..不過諗諗下無乜野好做咪出去囉..

今晚又成9點半先去打邊爐..

4點到我就到左灣仔喇..我地第一時間係去換左要換o既野先架..

我未黎之前真係諗住佢未必會換俾我地架..

但係點知佢勁好人地好快咁就拎左個新o既俾我地喇..

問佢駛唔駛睇單..佢仲話認得我地添-.-

換完野之後就去買cpu風扇喇..

買俾舊電腦o既..因為個風扇勁嘈..所以要換..

買完之後就陪敖敖買左個手提電腦o既隔熱版..

買哂買之後就完人喇..

敖敖話想買鞋..叫我同佢去sogo睇下喎(我心諗..買鞋去sogo買..好似有d.......)

去到..搵左搵家姐就去睇鞋喇..

結果無乜岩心水喎..都係去返太古睇喎..

所以我地毫去左太古喇..去到..行左陣都係睇唔到..

大家都有d口乾..所以去左麥記買野飲..

我見到..我個妹以前o既一個fd..叫任婷..佢o係度做..其實..我覺得佢ok架喎..不過聽火姐同我個妹講..佢好似人品唔係幾好..

買完之後同敖敖去左冰場睇人溜冰..(睇下女咁^^)

之後又坐左o係度打左陣機..

7點到就走人喇..上左我屋企..叫埋傑佬上黎..

齊齊打住機等9點半落去打邊爐..

話咁快就9點半喇..落到去..

今晚打邊爐間野超超超多靚女..仲有(青光無限)睇添..正!!!

好耐無試過我地3個一齊食飯喇(上次好似都係一齊打邊爐..好似都係o係呢間打..)

以前讀中學o既時候..機本上做乜都係我地3個一齊..

識左7年..我可以肯定佢地係我最最最最最要好o既朋友..

傑佬今晚講左一句說話..由開始o既時候得我地3個..去到而家..都係得返我地3個..

(因為之前都試過有一炸fd係一齊玩..不過而家..好多都有自己o既生活咯)

真係同讀中學o既時候好唔同..所以我覺得..讀中學真係一件好開心o既事黎架!!!!!!!

今晚我地食到11點幾..

大家都唔想返屋企住..我又唔多想拎車..

所以3個就步行左去鋰景灣o既海旁吹水喇..

3條友吹水吹到點幾..走人喇(因為敖敖唔可以太夜返=.=)

返到屋企之後..差唔多2點啦..沖完涼hea左陣就訓喇..

好耐好耐都未試過3兄弟一齊過咁耐喇..

所以我今日真係好開心..唔知..幾時再有機會呢..