今日又很早起了身 可能良好o既習慣 番左黎喇... 我今朝9點起左身

跟住又係做個d野--睇電視---再睇電視----都係睇電視直到點幾

終於都有一個人俾野我做喇= = 有一個不嬲搵開我整電腦o既人話佢部機又有事

叫我去佢home整 但係除左要走去柴灣之外 仲要做埋送外賣

跟住我就走左去M記先  再走去搵沙嗲牛米+凍奶荼+多士= =

搵左一陣 搵唔到 就打俾老豆叫佢幫手買…(問題出現)

咁當我(自己)買左之後 因為時間問題要搭最快個樣去

咁當我去到之後 先係食lunch 再整電腦 不過都係轉window o姐

一整就整左3粒幾鍾 咁之後就去左上環喇…係搭車o既期間

我知道左一d野 令我覺得之後應該點做 到左上環

陪左佢一陣等個fd 就俾人趕走左喇^^ 一個人很悶的搭MTR番到筲箕灣 悶_悶

到左鋪頭 老豆放緊狗 我就自己hea下la

放完狗番黎 老豆話要訓訓 我就同個妹等佢食飯

等左一陣 去左間餐廳食野 食食下 唔知點解講到今日買米粉

當我今日打電話叫老豆幫手買o既時候 我係以為佢無野做同係街度

但係原來佢個陣做緊野 咁當時佢係有交左個電話俾o個個女人o既

不過我仲估佢係想我叫o個個女人幫我買 不過我緊係無叫la

咁食食下飯 我問起佢點解要交個電話俾人 佢話因為剛剛有生意

咁都無野la 但係佢仲講埋o個個女人話我(咁小事好心就自己做la 仲要煩住你老豆)呢句

野聽落無乜野但係以佢咁o既身份講就同我有衝突喇 我即刻非常唔滿意
(知我d野o既人就知點解架la)

而我亦都有反駁 不過我個人就覺得 老豆幫住佢(個心灰灰地)

然後 個氣氛變得好差 咁番到去鋪頭 我就同佢講我o既感受

我話:老豆 以我同你咁o既關係 我先會叫你幫下手買個lunch o姐

你試問下其他人 做仔o既會唔會隨便叫老豆買野 我覺得我同你係fd炸

但係叫一叫你幫手 就換黎人地一句咁o既說話
(我同o個個女人身份好有衝突)

我好唔滿意 不過我唔係話邊個 只係講出我o既感受

講完!(之前已經唔只一次發生d咁o既事) 老豆無出聲

過左一陣 我個妹問佢點解唔出聲 佢話: 還掂我講乜都錯架la 不如唔好講仲好!

我頂佢個肺 咁講係咩意思呀!!!不過我無出聲 只係好鬼嬲
跟住個氣氛一直都無好過 咁我就轉下話題la
講講下 好似無事咁 但其實唔係><

當我同個妹搭緊車番屋企個陣 我話:如果老豆再唔係個女人同我地間取得平衡o既話 個女人想就咁做到我地老豆o既老婆 最後只會變成有佢無我!!!(你地可能會覺得我咁諗好幼稚)不過我覺得 如果老豆連一件咁小o既事(我同個女人之間o既事)都處理得唔好 咁如果第時有乜大事 咁點算呀><

番到屋企 非常唔開心 自己係度諗媽咪 諗諗下 好掛住佢 然後有d野就不知不覺流左出黎喇．>“<．　當我係咁自己係道諗ｏ既時候　

有個fd係icq度on左line咁我就開始同佢講電話喇 講左好耐 抒發左d唔開心o既情緒 好好多喇(真係好多謝佢呀^3^)

ｐｓ.你地可能會覺得d咁o既小事就搞成咁 好無聊 好低能 但係我就覺得 如果一件咁o既事以已經可以改變我老豆 咁會唔係佢已經變左呢....... 
你地又可以話只係我o既問題 我o既錯 但係我覺得雖然你地係相愛 而阿媽又走左 係唔係就代表可唔理d子女呢......
重新 我無反對過佢地一齊 因為我知反對都無用 不過我知道如果我反對 就算佢地一齊都一定唔會開心
不過我而家都仲未反對 我只係想老豆係我地同個女人間做一個平衡o姐 唔通咁都唔得><