今朝好早俾人搞醒左 早到8點咁早= =

因為要落鋪頭幫手看鋪..

咁我決定順路同老豆食早餐

正常o既步驟..

落鋪頭---去食早餐---番鋪頭開鋪

但係今日我老豆奇異地將整個開鋪o既步驟**

都俾洒我做==(唔知點解???)

可能佢想我習慣o下掛...

然後我成個朝早就係咁o係鋪頭度過

但係今朝唔知點解老豆好熱衷咁教我野

...做鋪頭d野...計下數...睇下成色咁

令到我覺得自己似左做呢行~~

咁我就好似好充實咁過左一朝(係好似)

到左點幾鍾 食左飯

就諗住番屋企啦..行到半路

打電話俾傑佬 之後佢聽到我電話

就問我今日得唔得閒(好似有重要事咁)**

但係其實只不過係同佢去ive註冊==

咁我覺得無理由o係條街度等佢

就好無聊咁行番轉頭 番鋪頭繼續hea喇

等左佢幾個字 就落去搭MTR喇

入到車廂 睇到細頭 同佢吹左幾句

落左車 行去ive個度 見到都幾大間~~~~

之後入左去間房等 等等下 無乜野做

就講左幾個鬼故俾傑佬聽(不過佢唔知我講鬼故^^)

等完 走左去聽人介紹d野

好開心可以聽埋一份^^

因為我之前註冊都無人同我講過= =

搞掂之後 就同佢去左杏花‘村’Ｍ記食野

(開始喇..坦蕩蕩o既交流^^”)

食緊o既時候 我地又係度講個我講左會...o既話題
(不過今次無)

食完 我話不如去海邊傾下計丫

行到去海皮 唔知點解明明上到個“駁”

都要勁搵地方上＝　＝

跟住坐左係ｄ石度　講左好多野＾＾

但係最重要ｏ既...係...我講左一句我想講好耐o既說話

我重未試過同異性朋友講咁o既說話(好肉麻架!!!)

不過我係真心架 講完仲有d熱淚盈眶o既feel添

然後我地再吹多粒幾鍾 就番屋企喇

番到去---食埋飯---就同個妹爭左陣電腦玩

結果我輸左>< 咁就好悶咁打左幾粒鍾機

到左11點半 忍唔住 走左去搶番部電腦

不過我要搵o既人都off洒line喇......><><

ps.我今日真係好開心呀!!! 

可以同(我)當佢係最fd o既朋友(唔知佢點諗)

傾左咁耐 仲可以講埋想講咁耐o既一句說話

因為 我驚今日唔講 就無乜機會講架喇..........