今日一樣係好早起身架...

個流程一樣... 睇電視---玩電腦---hea---hea

訓左陣(死喇 日日都係咁過)

到左下午 就係msn同個fd傾左一陣

之後5點幾o既時候 就落鋪頭喇 落到去 都係無乜野做架..

咁到左6點半 關鋪 又放狗(到現時為止..我都仲正常)

放狗o個陣 老豆又炸型..

又話我好唔積極 又話我無所事事之類個d(呢一刻都未有事)

番到鋪頭 繼續講..>< 直到老豆講到

我鋪頭有個好有經驗o既伙計 年紀大喇 想唔做

咁佢上次就打俾我家姐問佢會唔會番黎幫老豆手

家姐就問佢 點解唔搵阿棠呀!!咁啦

咁個伙計就話 佢覺得我對呢行一d興趣都無 原全唔合格咁囉= =

咁當我聽完之後 都無乜野o既

但係老豆唔知再講左d乜 令我好煩好煩 煩到 飯都唔多想食..><

其實呢一個問題 我一早已經知道出現左

不過我就一路避,避,避

直到今日 老豆再提番 我諗 無得避喇..

個問題可能大家會覺得好低能

但係我就因為呢個問題 引申左好多個人o既問題出黎

呢個問題就係 到底 我o既興趣係咩呢

老豆問完之後 我就諗

原來我由細到大 都唔知自己想點架..

細細個 人地話點就點

中1同咩人交朋友都唔識 最後差d學壞

中2叫做鍾意左一個人 但係都唔知咩叫鍾意

中3選科 聽人講理科 就理科

中 4升 唔到聽人講重讀又重讀

中5會考考成咁 聽人講ive就ive

聽人講呢科就呢科 一d都唔知自己鍾唔鍾意

有冇興趣 因為我連自己對咩有興趣 都唔知(可悲嗎)

我又覺得自己原來無乜主見,無乜理想

不過一直以來 我都無諗過呢個問題

老豆今日問 你到底知唔知自己做緊乜

你呢個假期有乜係做到成績出黎(佢唔係咁講 不過我諗意思係)

聽佢講完 我就係咁係度諗

到底 我想點呢 日日係度hea hea hea 無所事事

講真 成個假期 我覺得最大o既(成就)就係幫人整好部電腦

然後我又諗 到底由細到大 我有冇一樣野係真係用心去做呢

結果 唔係好諗到...>< 做咩都好似無放個心落去..得過且過...><

我家姐o個日又講我成日執著一d小事

只係識得hea 自己鍾意做乜就做乜

又唔理人點講 仲成日做埋d傻仔野 
 
已前d考試 會考 好多好多野都做得唔好.......><

到底而家我想點咁話喎= = 搞到我好唔知點咁....

本身我今晚好灰 好煩 因為咁大個人 做野都好似無乜目標咁= =

之後傑佬睇完我未修改前o既日記 就打黎俾我 
同佢講完之後 佢就叫我改左我個日記喇^^"(本身唔係咁架,呢個係已經修改)(仲要改左好多好多)
本身o個個如果你地睇左...........

經過今日 唔知算唔算俾人鬧醒啦= =

我今晚諗左好耐好耐 諗到d野 我覺得 我將會有一d改變