朝早11點鍾先離開張床..其實8點幾起左喇..

起左之後..食左一個由阿公煮超級豐富o既公仔麵..

食完..裝左隻三國誌10玩..

play左陣..去左小睡一會..(訓左個幾鍾咁啦)

之後到左2點半..落鋪頭..因為..今日3點半要再學車

到左3點..出發..不過都係遲到左-.-

一上車就做錯野喇..跟住一路勁俾人話我錯..

講真..我當時除左覺得好無引之外..仲有少少想放棄o既心態><

不過呢個感覺只係出現左2秒..2秒過後..

我就有所(覺悟)..因為個一刻..o係我心裡面出現左一個人..

我決定唔理喇..放開黎揸啦..(因為我本身好緊張..就住就住咁揸)

當我放開之後..揸得勁好..跟住一路都無俾師傅話過^^

學左2個鍾之後..搞掂..走人~~~

我決定搭巴士返去..等左好耐..上左2x..

(2x其實可以去到我鋪頭附近個巴士站架..不過..我o係西灣河就落左車喇..)可能我又想行下啦..

落車之後..打俾小璇..話左俾佢知我o係o個度..

佢好開心..佢話好驚喎..因為當時橫風橫雨..而佢又要去附近..

咁我咪去搵佢..陪佢去佢要去o既地方囉..

行去o個陣..好鬼大風大雨><大風到我把遮都吹爛左><
(把遮係為左一個人而買..亦都係為左同一個人而爛..)

咁當我送左佢返去之後..佢講左幾聲唔該..唔咩該丫..姊妹ma..而且..擋風可能就係我最大o既用途..

跟住自己搭MTR返鋪頭---hea到開大食會..

今晚大食會有好多人..廿幾個(家姐d fd同妹d fd都有黎)

一路等..一路好肚餓><..終於到食喇..

食左好多野..食完..同d大人鬧酒..(好采我平時有[訓練]o姐..如果唔係  一早就玩完喇..)

今晚我飲左好多好多..(因為要幫老豆頂..)

仲飲到我醉醉地..因為..同d大人飲..唔係飲卑酒咁簡單..佢地係飲..白蘭
地+藍妹..><

我想唔醉都難啦..不過我都係無嘔架..(我家姐條仔就嘔左喇)

佢仲醉到差d同人打交添>m<

我覺得自己原來都幾飲得..(我家姐d fd都係咁講^^)

飲左一陣之後..佢地開台..我睇左陣就走喇..

本身諗住行路返去..不過結果都係無(因為暈暈地..)

走o個陣..勁打俾d fd亂講野..><

(我知道溝酒比就咁飲更加傷身..不過而家唔練下..遲d俾人整醉就仲樣衰架喇..)

搭車返到去之後..個頭勁暈..沖完涼..打日記..訓喇~~~(見到d fd
online..都無chat..因為驚講錯野><)

今日..終於都俾自己以外o既人整醉喇^^(不過..真係飲左好多..應該係我飲得最多o既一次..)