今日睇分...我都唔知用左幾大勇氣先至寫出呢4個字，有好多人都會覺得好開心，或者佢地分數比較高。我先為自己辨護，我個人認為有其他人來比較，才顯得你比較強，比較好，而比較好的人是否要感謝一下在下面一直支持的比較差的人呢？但事實就明顯顯出他們只會笑佢地，話佢地點廢點廢，或者又會有人覺得，邊個叫你比人差？咁我想講，其實邏輯上有Ｄ問題。。。冇人會自願做比人差果個，佢地同你地比較一定會係被迫，冇左佢地，冇得比較，進步可能性等於０，而你去笑呢班比你進步既人，之後同佢地講，你地係比較差Ｄ，係你地錯。。。好啦，呢個就係現實啦

另外我都睇到有Ｄ野，我一直以為我身邊既朋友都係我既好朋友，我相信佢地，我唔串佢地，佢地有咩錯我會即刻話返比佢知，我天真地認為咁樣做既話，佢地都會對我好Ｄ，但係呢日我發現，其實咁諗既話５分入面我會有０分，because all wrong！總覺得朋友間的關係應該係好厚好厚，大概就係互相指出缺點再去改善，也大概係會支持你，最起碼，佢唔會係你面前做Ｄ令你不爽既事情。。。我倒認為同佢地既關係開始脆過薯片，或者都就黎１年，下年都唔見嫁啦，好啦，咁就乜都唔理啦，可能呢Ｄ只係我負面既諗法，人地唔係咁諗都唔出奇，但我認為，有陣時你既諗法，其實係對方故意或潛意識中透過各種方法傳到你既腦入面，達到佢想比既信息你，世界上每種事都係雙方面，兩個腦既存在其實好危險，更何況世上有咁多既人，有幾十億既諗法係呢個小小既地球上傳黎傳去，雜質愈溝愈多，本來純樸既情感亦都會向現實彎腰，再講多次啦。。。好啦，呢個就係現實啦

其實我寧願自怨自＂捱＂也不想賴邊個邊個唔好。所謂聖人，就係比平常人有更強既忍耐力；而凡人，就係比聖人沒耐力，所有的負面情緒也只會向別人爆發。。。好明顯，我同＂你＂之間只是後者，也許只是我錯吧，或者忍受一切就可以解決問題。

    　　　話說今日星期日，聽日又考多日就完，依家心情仲勁過放假，ｈｉｇｈ呀ｈｉｇｈ呀∼因為時間實在太多，個腦同對手好合作，腦幫手亂諗，手幫腦亂黎，其實唔係咩大問題。。。我只係睇雜誌同書姐，或者每日都係咁好似幾好丫，或者個腦殘少少，唔洗諗野，對住屋企同電腦，ｏｎｏｎ居居咁都好似唔錯丫，講真啦，十足一個廢柴。。。我總覺得呢，唔係話我自己讚自己，我話得其實某程度上，同我講野係幾健康既一件事，如果我做唔到呢一點，咁最起碼我自己比較識得自我反省先，但事實就係我呢個人太不自愛，未到死既一刻都唔會改，冇計，我份人都幾固執，其實應該係時間令我變得更固執。。。就好比一杯水放入雪櫃，長期０度，水都變冰啦，點會唔變呢？通常講到呢度，我就會諗啦，細個同依家一樣，有人話我固執，有人話我唔體諒我父母，有人話我唔可以用單親做借口。唉，都唔知過左幾耐，杯水結完冰都仲係一舊冰，冰唔識自己走，只可以人地拎佢出黎，呢舊冰唔笨但係太固執，佢悶果陣會自己一舊冰諗下野，佢覺得自滿，因為唔係個個人都可以做到一舊冰，佢覺得自己應該與眾不同，因為佢本身既環境同質地都唔同，佢可以做得比人好，但係唔會做，太固執啦，一ｄ本來就係咁既野，佢冇勇氣去改。但係佢自己又做到ｄ乜？你地又係人，我又係人，世界上就係有一種人要比人地辛苦ｄ，我講緊野就係我自己，我比任何人都清楚孤獨係咩味道，我慢慢開始習慣，慢慢唔想再改變，到頭來連雪櫃都返唔到去。。。等既又係變返一灘水。。。好啦，呀媽返，停手。

話說，上年開呢個ｑｏｏｚａ果陣，寫左好少野，但係有幾位同學睇，嘻嘻，去年記既信，今年開返先睇到，不過唔好怪我ｂｏ＠＠！１１點，沖涼訓教，每日都感動的過去，就是美好的一天最好的結尾