聽日考試...今日打機...我今日去左慈雲山，做乜野大家自己諗，搭車果陣經過協和，係度諗＂究竟協和仲需唔需要我呢個人呢？我係協和既價值又得返幾多呢？＂今年係我１歲到依家最覺得有意義既一年，中三帶比我好多既轉變，中二既暑假到今日簡直係我人生既Ｕ　ＴＵＲＮ，唔知大家覺得ＴＵＲＮ好定唔ＴＵＲＮ好，但係我肯定呢一年好值得記念，因為我相信，未來既轉變，再唔會似今年咁大，我真心的說，我終於覺得我今年似返個人，但係無容置疑係一個廢人，都已經同自己講過好多次，今年要改革，英文叫Revolution，但係所謂江山易改，本性難移...都冇計啦，改唔到就要更長既時間去改，總不能放棄...因為我知道只要我一放棄既話，我既未來就只能放棄，唔知大家會唔會有咁既覺悟。

講到大家，我總覺得＂大家＂呢個字係遙遠既，因為我唔會等於大家，大家亦都唔會代表我，縱使我十分努力...但有一樣野好明顯，我知道我對我身邊既人，總唔會有錯，我好清楚明白佢地想要乜，我都知道我有乜可以比到你地，但係我地之間冇果種conection，大家咁對我，我都會點對大家，呢個唔係基於恨意，而係一Ｄ好簡單既原則，等價交換。唔知大家有冇諗呢類問題，你所做既決定究竟可以影響未來幾耐呢？如果係一年，咁你既錯或者只有一年；但如果係十年，咁你就必須錯足十年先可以補償你既錯失。我發覺有好多既＂大家＂都唔會為自己既行為負責，你講完每一句說話，唔係比自己聽，而係比人地聽，呢一點大家都會默認，但係有幾多人明白？我唔想再講深入Ｄ，但係好想講下，其實錯不在別人，永遠你覺得果樣野有錯，都一定關你事，或者諗遠少少就會見到，你講左一句說話可以錯到你死果一刻都未完，因為如果因為你果一句激親人既話，佢可能會恨你一世，直至死都未可以消除。哈，好似太誇張呢－ｖ－

今日，我部電視如常開住，日日都係咁，冇乜特別，但係人人都係咁睇。睇同一樣既野睇同一樣既劇集，但係大家唔發覺嫁咩？好明顯，電視既劇集對大家黎講，好唔好睇係一回事，中唔中意睇先至係大問題，為睇電視而睇電視，我知道電視Ｄ劇集已經冇曬娛樂性，眼看８：００分鐘至１０：３０既劇集都係無聊到咩咁，內容都簡直係膚淺！！我答應自己，以後都唔會睇呢Ｄ冇乜腦又無聊既電視劇。好似今日咁，我想睇第３台（明珠台：講企鵝）家姐想睇第一台（東ＸＸ雨西Ｘ晴）呀媽睇（亞姐定唔知咩姐）我好想死呀！點解依家Ｄ人會中意睇東ＸＸ雨西Ｘ晴嫁。唉，我好想睇到人人都可以知道我既想法，但係支唔支持係重大問題，我知道依家Ｄ人唔會支持，所以做住隱者算數＝］

近日，我地中文堂教緊一課有關花既，就話Ｄ詩人中意咩花代表咩性格，我諗我一定係菊花，自有自己想法，喜歡住在山野，喜歡開花就開，不喜歡就不開，不希望自己去接受Ｄ我唔想接受既野。好想大家明白啊。。。（唉爆）