考完試lu

好耐都冇更新,報告番之前既野先

自上次買完工具之後,去同小巨人佢地溫習戈陣提左好多關於模型既野

點知佢就突然又話想學  之後仲走左去新龍到買部Hi-new...

唔知佢係咪三分鐘熱度...係既話到時送部hi new比我都好

考完之後就急急腳番左屋企,因為下晝要去BBQ

BBQ總體黎講都幾好既,但係好多人都早走,到最後就淨番好少人

細東成日講既星星公主,我琴日見到佢啦(又唔係明星)

...講出黎都係為左証明比你知我真係識佢

終於都考完,真係好攰,聽日屋企人就要番去鄉下,得番我同我家姐

唔知點解冇覺得特別興趣,淨係覺得一身鬆晒

聽日我d模型友就會上黎同我一齊搞部Alex,到時小巨人都要黎

希望順利搞掂,順便膠流下

今日考左第一科語文

考得唔係幾好,因為佢有ok多課外題,真係好鬼難

合格就應該有,但係高分就冇啦

聽日戈兩科,化學同電腦都幾易下,所以今日都冇乜點溫習....真係冇乜心機溫

因為個個都考晒試,好似補考緊咁既感覺...好怪

但係都要頂住,捱過呢個星期就一天都光晒

話說今日下晝去左買模型同用具

原來去大嫂(Daiso)真係好多用具買

見ss佢是但拎起d膠條都可以變晒補品...真係好神

今日收獲都唔錯,都係再睇下化學先啦

比首歌你地睇下,我覺得好正

今日真係普通得滯= =  所以今次係想講應該唔會日日updata

因為實有冇野講  廢事晒版位

如果聽日上晝有人去打波唔該搵我 終於都番晒學 

今日先發覺原來自己好多功課都幾低分下....

睇黎今次考試要辛苦少少先得,因為如果退步既話我阿媽實唔會放過我

今日發現原來符詠打機真係幾勁下,我玩超執刀戈陣佢教左我d野

唔係我都唔知原來可以打針吊命 所以今日下晝都同佢幾多野傾

由聽日開始應該日日都唔會得閒,因為要溫習,呢次算係我中學以黎第一次想日日都溫習

難得有咁既心情,我相信同我祈禱有關,主應許左我,感謝神

其實我既暑假大計呢排多左一樣,就係真真正正去整一次完整版既模式

呢次仲想砌百式tim,有睇開高達既都知佢係金色,遮係會令

所以第一次就要整金屬色啦,琴晚同朋友傾過下,佢地都好好人,願意幫我既第一次

所以今次砌完應該會好有成就感

番完聽日戈半日就輕鬆左一大半,加油啦

今日都幾忙下

但應該都係今學年最後一次

有公民,會話考試同數學小測

頭兩個就溫到我死死下,數學小測就覺得幾順利....但係收卷戈陣有人話比我聽我做錯題

但係呢種壓迫感我覺得唔錯,因為我知道當今學年真正完晒戈陣

可以有差唔多2個半月既時間真正比我放鬆,就會好爽

真係好中意睇高達,佢d故事有時有d深....但係做到後邊你就會明白晒佢之前係到做緊咩

真係正到飛起,仲有佢d模型都好正

呢排想專砌1:144既模型,下一部諗住入手百式,之後就mk-II   哈哈哈

放暑假仲可以請阿安呢d模型神手黎我屋企教化我

快d考試啦....我唔想番學啊,好悶啊