番左學都一排啦,  理組既同學睇落個個都好似好勁咁樣

睇黎唔可以再好似之前咁懶散既一套,聽日測物理,自己都還算應付到

但都用左2日時間一路睇書一路問人...所以希望今後唔會有惡化既現像

睇左3場煙花,場場睇緊戈陣唔知點解心入邊就諗住好多既野,有d似心事重重

但係又唔係好唔開心戈隻,高二,唔發力真係唔知等幾時,我諗我就係因為呢d學業既野而諗

我真係好憎中學,希望呢2年可以少d事發生,等我記唔到呢2年有咩事...

10月中第一年校園外展運動正式開始對外啦!! 有興趣知詳情既分校朋友都可以問下我係咩

呢個係一個教會搞既小眾會黎,一星期一次,中午既食飯時間,會一大班人一齊食飯,一齊傾計

之後食完飯都會有一個主題分享,同討論下時下年青人有既問題咁,幾好玩ga,仲有今年既中學生召集人有我同子樂

而識結他既外展職員又唔多,所以今年都幾大機會挑戰做外展司結他!!幫大家伴奏,唱下歌咁,求主祢使用我地呢班基督徒

等我地都可以係學校入邊榮耀你,等人都知道你既愛:)   教會,基督教唔係大多數人諗既咁樣,可能你認識未夠深,想知多d既不妨搵我傾下計

一齊研究下啦,可能就係咁樣對你既人生起左一大既變化都唔定

雖然唔算多  但係都算upload左...

我多數都上facebook..如果有邊個未有我facebook....請加---->[email protected]

嘩......超耐冇更新

e家多數都上facebook唔多用qooza

呢個暑假真係發生左好多野,特別係對一個基督徒,暑假入邊真係要接受好多既裝備

又發生左好多關於感情既問題...不過都係唔理,反正好多野都唔一定係自己想

比人誤會同憎都係預左既事...

本來想分享好多近況,但打戈陣又突然乜都諗唔到,暑假真係幾長

我都覺得自己休息夠,中學淨番2年,好想快d過左佢,中學限制左我好多野

包括時間,事奉上既時間,對感情擺上既時間,得番2年,唔知到我出黎做野戈陣會唔會後悔番讀書過得太普通

希望呢一年都可以快d過

話說琴日去左同佳佳去街,仲特登走左去漁頭戈到打機

其實都好少野玩,應該係好少野好玩就岩,所以玩左一陣就走左,之後就去左睇戲

我地去左睇變型金剛,今集真係好正,因為又有超勁大既特技打鬥場面

最後"天火"用自己既生命變成柯柏文既零件,真係好有型,到第2集差唔多最後

先有變型金剛既重頭戲...就係合體...仲要自殺先有得變成人地既零件..唔似卡通片戈個"天火"咁

話合就合,但係電影版真實好多...槍都係d子彈仔,但係比佢打中幾下就爆晒腸,認真過隱,影評係5粒星

之後今日有營會既"回憶錄",玩番d遊戲,唱番之前唱過既歌,睇番之前影d相,但係佢仲未有相比我,所以都係要再遲d先可以post番

7月真係好多野做,前幾年7月日日都可以去游水...e家就真係有d難度,但係都好玩既,幫手教會興趣班,同d小朋友都幾玩得,可能我上堂戈時個樣有d cool,搞到佢地有d驚左我咁

但係驚左我都好過比佢地玩野,所以都係就黎完戈幾日先同佢地講笑啦

又話說結他班既學員每人都可以送一塊pick,遮係彈戈d,我嚴重說明,彈皮琶戈d先要用假指甲,結他唔洗lo唔該

點知志婓話幫手教都可以有@@,太好,佢都幾多色比我間,我就間左呢個

佢仲有綠,藍,同透明,我有諗過透明好似幾型...但係就咁睇就型,彈緊戈陣d人當你用緊手指就....所以都係下次自己買全套

自己用住呢隻色先,同環境係衝突色,一眼見到,咁先好

打住咁多先...又唔知幾時先再updata,應該係等拎番營會d相戈陣先再updata

去完營會

閉營禮戈陣都好似冇乜所謂咁,但完左一陣之後就覺得有d唔捨得

畢竟都同自己隊友經歷左3日既時間,食飯又一齊  訓教又一齊

呢幾日當中最多野講既應該就係第2日既歷奇時間,因為成日都係出邊行

由黑沙去澳門再番去黑沙,一開始因為要去結業禮,所以冇同到佢地去澳門戈幾站到

之後去巴士站同佢地會合,一齊去黑沙,其中一個任務係全組要同外國人影一張相

好好彩我地係巴士上就撞到一家外國人,一落車拿拿林走去同佢地影相

之後就搵左個亭坐底食lunch,點知食食下不斷見到其實組經過,仲有一組係一路行一路食,真係好強

但係我地唔坐都坐左,咁就抱住一個唔輸就得既心態去繼續漫長旅程,但係行行下,發現我地d太強

好多地方都一下比我地搵到要搵既徽章,仲有其他組黎挑戰我地既時候我地都可以贏,到最後一段超長又悶既旅程

就係黑沙行去水庫,再行去黑沙旅程,戈時真係覺得好悶,但e家諗番,其實有得咁睇風景,行既時候都冇野煩,又有組員一齊

真係好舒服,到最後我地係第一組番到去少年飛鷹戈到,之後落太大雨,大會就比其他未番到既組可以搭車番

好感恩,我地係可以自己行全程,又係拎第一名既組,諗番先覺得原來戈日係咁難忘

為左比我接落黎呢幾日都有野寫,其他我留番下次先講

今日太悶,狂玩SD高達升機,終於比我合到百式,用火箭炮真係好強,可以自己一個打死重高達

琴日上晝就狂打機...打到悶就睇高達,睇到悶又打機

咁樣循環左成照,但係下晝就多節目,因為阿爸阿媽去左番鄉下

所以屋企正式解放,叫左好多人上黎我屋企到砌model,小巨人就冇乜點自己砌

差唔多全程都係阿安幫佢手= = 去圖

之後晚上8點就有教會營會既見面日,有話劇式既小型音樂會

又切合今年大會主題,又好聽,真係好想快d開始,因為我今年係第一年參加

到11點,同左細東,2號,小晴佢地一齊食宵夜,食到超飽...飽到番屋企明明好想訓...

但係都唔訓得

到今日就反而冇咩特別....特別就係今日玩SD高達既時候比我抽中左Z高達啊@@

去圖,順便比你地睇下我機庫有咩機  我得一版,因為我想我機庫既機全部都係又出名又有用既機