一年前我地放榜
一年後我陪佢地放榜

一早去左陪阿東佢地放榜
阿東有14分
佢升返原校
鬥雞有19分
佢去楊葛小琳升中六
不過鬥雞真係好"七"
佢唔記得交聯招張form
搞到要返去交
又fick左我由美林行去新翠M記
再由新翠行返去劉伯樂

之後見到飛機
跟住join埋阿東一齊係大家樂食lunch

之後同鬥雞去左聯招中心攞籌
仲有成粒鐘時間
行左過去ntp
見到Johnny
傾左陣又返返去

一點九返到去
係門口排隊入去聯招
鬥雞搞到成三點幾先搞掂
鬥雞真係好彩
佢想讀果科企業概論
啱啱仲有一個位俾佢
好彩到爆呀!!

之後去左沙龍督波
我同鬥雞廢鬥廢
督到六點幾
我同鬥雞去join劉兆軒佢地去第一城食dinner
間野幾好食
真係食得好飽

食完返去劉兆軒屋企
玩左陣UNO就同鬥雞走人la

好鬼攰呀
今日要早d瞓

琴日係鬥雞既生日
so我地約左鬥雞夜晚去唱K慶祝

首先我約左晉文公係新世界等
之後一齊行去
去到果度樓下
我見仲未夠鐘
又見到隔離有間機舖
so我估佢地係入面打緊機
但晉文公唔信
佢打俾撻Q
果然佢地係度打緊機

夠鐘之後我地上左去
跟住大家輪住唱
very hapi

到左重要時刻了
蛋糕同香檳到左
我地點左首生日歌
跟住一齊唱俾鬥雞聽
唱完鬥雞就切蛋糕
之後鬥雞開樽香檳
勁gap
佢居然唔記得除左個塞果度d鐵絲先
係咁話「開唔到既」
開左之後
我地索性唔用杯
攞住樽香檳
一人一口
都幾好飲架

玩完返到ntp
已經7:30am
不過由於我同我媽講係去camp
要3pm先返
so唔返得屋企住
同阿東、撻Q係巴士總站果度傾計
傾到八點半左右
撻Q話眼瞓要返屋企
so我同阿東去左吉野家食早餐
食完逛左一陣
之後去左新基地打左陣機
同阿東去M記hea左陣之後
阿東去左返工
我就落返去新基地hea到三點九到
就返歸

夜晚食完飯之後就上床瞓la
八點幾就上床lu
我真係好少咁早瞓呀

今日朝早我同卓尔都係度執野
我就執野返香港
卓尔就執野返學校宿舍

之後晏晝我地去左一間叫「威尼斯」既餐廳食lunch
又鋸扒又食煲仔飯又食燒雞
食完表哥車我去買車飛
表嫂就車卓尔返學校

買完車飛之後仲有一粒鐘時間
表哥車左我去佢做野果度
俾我用電腦
夠鐘就車我返去

搭車一直都好暢順
點知去到香港過關果度就有事發生la
個阿婆同阿伯搞左好耐都過唔到關
仲搞到有個海關人員出黎揾佢
原來個阿婆以為俾左本passport俾阿伯
點知原來係自己度

因為咁個司機已經好燥la
個阿婆同佢講話係上水落車
但個司機可能係燥得滯
唔記得左阿婆佢地係上水落車
等過左之後
我地成車人發覺阿婆佢地未落車
so叫阿婆出去同司機講
司機見阿伯行動不便
就係回旋處返返去之前落車果度
之後就一路暢順lu

初時的確我都好"慶"架
俾原本既時間遲左好多先返到去
不過算la
老人家記性係差d架la
加上係個司機唔記得左佢地落車
先要再兜返去啫

今日個個都好晏先起身
起身之後就去飲茶la

飲完茶之後
佢地d大人話要去睇樓盤wor
咁我同卓尔就返屋企先

個陳卓尔真係丫
係飲茶果時食得少野
咁就話飽
返到屋企就係咁摷野食
我地一邊食零食
一邊睇《楊丞琳遇上愛慶功演唱會》
卓尔佢都幾鍾意楊丞琳d歌
之前唱K既時候見佢係咁唱楊丞琳d歌

夜晚表嫂去左飲
卓尔唔跟我地食飯
我地就去左港口果邊既大排檔食
食左蕉蕾粥同幾條魚
真係好飽呀
走既時候更睇到天上既北斗七星
我可是第一次見到的呢!!

今日去左中山那一個水療玩
果度有泳池、溫泉、桑拿

今日卓尔同表嫂都冇去
我同表哥不停去浸溫泉同進出乾蒸、濕蒸
濕蒸果度入面既能見度真係勁低

不過最high都係浸果個冰池
真係凍到結冰呀
仲要浸完冰池之後
跳入個溫泉度
個感覺好似俾火熱咁呀

係我地去完水療之後
卓尔join埋我地去食飯
夜晚我地又去左小肥羊食火鍋
雖然少左表嫂
but都食左$288
可能係游完水
好肚餓掛
夜晚佢地又打麻雀