今日係我同阿東既生日,所以我地約埋alan,鬥雞,劉兆軒一齊夜晚食飯,不過我地估唔到今日係一個惡夢。

今日晏晝我在網上download埋最後一集gundam seed destiny落黎睇,真係好好睇呀,古語有云：「邪不能勝正。」不愧係完全正確,最後杜蘭特議長──挑起戰事既幕後黑手終於被打敗,而擊敗佢既當然係屬於正義一方既基拉同阿斯蘭啦。

睇完之後,我約在阿東一齊上劉兆軒屋企玩gundam war,我同阿東已經差不多將副咭組組得很完整,但不知何解,一切都十分之不順利,我和阿東對劉兆軒差不多總共打了十局,但只贏了兩局。三點幾、四點到,alan到啦,佢同我地講佢今日好黑仔,出門口時落大雨,所以走去搭的士,一上的士就停雨,咁都算啦,點知一落車就又落大雨,咁佢就跑去劉兆軒棟樓度啦,係簷下打電話上去問樓下密碼,呢個時候又陽光普照,真吹到漲哂！

到左五點幾,鬥雞黎啦,不過佢居然帶左個不速之客黎！救命呀！鬥雞話係樓下撞到佢喎,邊有咁啱呀,係真係假呀,呢個不速之客真係令到我同阿東既生日失哂色呀！唔駛講呢個不速之客梗係飛機啦！咁冇計啦,佢都上左黎lor,唔通趕佢走咩？於是米叫埋佢一齊玩UNO囉,我地一邊玩UNO,一邊討論夜晚食乜,原本我地係決定係金沙角食,不過鬥雞晏晝打黎建議出去西九食自助壽司,不過由於劉兆軒話佢冇乜錢,米否決呢個建議lor,點知alan話好失望,話想我地生日食好d喎,所以唔想食大排檔,又話起碼都要有冷氣丫！

OK！我地五個人最後去左商務隔離果間掛住鬼咁大個麵字既舖頭食野,位位$48,雖然d野食唔錯,但略嫌份量少d,不過學阿東話齋「少食多滋味」,之後我地去左樓下冒險樂園玩,玩得都幾開心架,尤其係玩氣墊球呀~

之後鬥雞話聽日有test,所以同劉兆軒走先,我同alan同阿東就搵個地方坐低吹水,傾到成一點鐘先返歸

除左飛機既來臨之外,其實總括黎講都幾happy架~

今日我11:30am先上第一堂,所以唔係太趕,好悠閒咁步行返學校,真係好後悔咁早出門口呀,早左成三個字返去,返到去真係無聊,又未夠鐘上堂,咁果三個字點算呢?
三個字既時間,話多唔多,話少唔少。好彩!突然俾我搵到樣野消磨時間──就係報紙la,我無意中見到SAO門口附近有個擺報紙既位,咁米過去攞份睇下lor
第一堂係account,由於呢堂係lecture(只係講番d題目),而且又得一粒鐘,所以覺得時間過得好快
今日又係得一粒鐘食飯,我為左慳錢,今日冇食到飯,我走左去大眾睇下stephy隻碟到左未,因為stephy隻新碟今日出呀!我等左好耐lu!不過都未到,算la,白行一趟當運動lor
我諗住行番學校中途去游泳池撞下鬥雞佢地,點知佢地已經走左,無計la
之後果兩粒鐘係上management,係我暫時比較喜歡既一科,個miss真係好好人,而且你完全唔會覺得悶
放學之後,真係好想食野,真係好肚餓,但我決定再去一次大眾睇下,不過可惜都係白行
咁真係冇計la,唯有返屋企la,返到屋企,我即刻整個杯麵食,總算填飽個肚先la
今日我一定要早d瞓,因為聽日上好耐堂,而且放學有足球選拔賽,即管去試下,我一早打定輸數架la,我知道一定入唔到架la,不過我既目的都係想踢下波啫,因為真係好耐冇踢波la

今日一如平時星期四、五,一早起身,預定一些時間步行回ive
今天又剛巧一下去就係斜路撞到李健昊,並同佢打招呼,不過睇佢好似有d感冒
真係唔知點解,去到秦石村,又見到edwin,都係打左個招呼就各有各行
由星期二開始,我已經撞到不下六個熟人了,除左何慧瀅、晉文公、袋龍同我好耐冇見既周俊偉,真係唔知點解,我明明同佢住埋同一座樓,但係硬係撞佢唔到,我真係好掛住佢呀,以前日日放lunch同放學都同佢一齊返屋企,而家就連一面都見唔到
唉~
真係緣份既問題,等我聽日再試下撞唔撞到佢啦
頭果兩個鐘既account真係好悶,個miss係咁重覆又重覆咁解釋,先用英文,後用中文,無可否認佢教得真係好清淅,的確好過以前個miss yau,但係佢講果d野我係F.4已經學左,唉~算la,佢都係想d未學過d學生have a clear mind
之後果一個鐘係我暫時黎講最like既management,個miss真係好好,教書完全唔悶,又清淅
上完management之後,就放1個鐘lunch,我為左儲錢,我就係惠康用左7個幾買左兩盒雪米糍當作午餐,雖然唔能夠填飽個肚,不過慳d好
今晚我地決定唔煮飯食,叫pizza食,我恨左好耐la,雖然我要出成$100,不過算la,係我自己提議既,但真係食得好飽,不過我老豆就覺得pizza hut d 野縮水,個餐貴左之餘,更加冇左蒜蓉包,我就覺得冇所謂la,主要係食pizza麻

唉~
都唔明點解我咁命苦架
我阿媽差唔多日日都鬧我
我又唔係做錯d咩喎
但佢係米都搵野黎鬧
都冇解既
自己係間村校教書教得唔開心就攞我黎出氣
真係火都黎埋
大佬呀~
容忍係有限度架
我唔係生出黎俾你做出氣袋架
如果再係咁既話
我真係忍唔住反擊架
我已經忍左好耐架la

好開心呀~

stephy今日出show呀!仲要係無線有得播,真係good呀!

講起stephy,其實我都唔係捧左佢好耐,只不過係暑假期間先開始,初時佢係cookies入面既時候唔係太留意到佢,宜家佢作個人發展,我先開始對佢有些微了解

我鍾意佢,不外乎外貌靚,歌聲甜,除此之外,我欣賞佢第一次填詞已經咁好聽d歌,真係好野

不過除左佢之外,我都鍾意陳奕迅,但係我既支持方法卻完全唔同。對陳奕迅,我只不過是聽佢既歌,冇乜實際行動支持；相反,對stephy就多lu,我上左去佢個官網登記成會員,又買左佢隻碟(我係之前從未買過正版碟),又試過為左見佢真人去佢出show既地點,真係沉迷之極呀,我真係從未試過咁瘋狂架

雖然我做左咁多野,但係我又唔覺得係浪費時間及金錢,反而樂在其中,真係連我自己都唔明自己呀