今日係last day，當然大家都係影相無上堂la~好彩除左R.S.同P.E.堂無之外，其他全部堂都有，可以同Miss 阿sir影相~不過都影唔曬，有好多都未影呀，又未o係廁所、更衣室同library影......希望考完試對卷果時補返la~
      上每一堂，miss、阿sir都有d說話同大家講，上中化堂miss又好似企圖或意圖整喊人，不過今次我無呀，忍得住!miss張仲播返Form5播過既歌──告別校園時，今次聽返既感覺有d唔同，form5果時唔捨不得的是一大班好close既朋友同埋果仲5E團結既精神，依家唔捨得既，除左係7B既同學仔之外，仲有大部份唔捨得間學校既感覺。話曬都o係度讀左7年，真係每一層都stayed過一年(除左ground floor)，真係有d唔捨得，所以今日影既相，唔多唔少都有"齋影"學校既設備。