尋晚都無乜溫過phy，只係溫左A，其他.....無睇過.....十一點幾瞓左落床，之後唔知做乜隻眼又超唔舒服，用熱水敷，搞到十二點先有得瞓。不過瞓到三點幾又自動醒左，可能係神知我無溫書叫我起身溫書la，不過我個mind好精神，個body好懶好累唔想起身，最後都係瞓左ge~
      講返今日測phy，上半場都好精神，雖然唔識，不過我仲好冷靜，好慢好細心咁睇成份卷既題目，我都覺得好easy會部都學過，問得好直，好知道要黠做，不過我就係無溫過書，無背fomular，好努力咁諗返，但諗到既只係一半.....最後都唔識。可能我之前已經預左唔合格la，所以無乜好似之前咁緊張，驚死無時間做。最好笑係自己答問題寫既答案自己都會笑，諗返都覺自己痴線=.=因為我唔想睇落好似交白卷咁，就自己作左d唔合理既答案落去.....好白痴，明知錯都寫，浪費d筆墨!!
      lunch之後返學校，本身諗住瞓陣，不過123好好人咁比左d essay我睇，雖然我真係唔知講乜，仲好無心機咁睇，不過都好多謝佢，因為有一題比我睇過，阿sir又出左，都有d印象，加上我冰雪聰明，自己亂寫d野上去。最記得有一題問S.H.M.，叫我prove同問我有乜assumption，我第一時間諗ge答案係:assume the above calculation are correct =.= 真係諗到自己都笑........真係發覺自己愈來愈痴線la!!!
      我好快就做完lu~因為唔識做，不過唔知係呼食完飯ge關係，好頭暈.....一放學即走la，返屋企瞓左半個鐘，今日決定又唔溫書，比自己relax半日，根住就考chem la!!!死得la又!!!
     

      今日考中化listening同讀本問題，識唔識?我都唔知.......我只知自己今朝五點幾發左個夢:中化listening全部聽唔倒，全部唔識.......不過好彩係個夢ja.
      考完好快就返左屋企，不過要罰企，因為我無帶鎖匙，媽咪去左新港城。足足企左半個幾鐘，十二點先有得入屋。
      今日下午收到欣茵姐既電話，好耐無打比佢lu~因為我之前部電話唔見左，電話number都無曬lu~um.....同佢傾左一陣la，佢仲有好消息話我知tim~雖然未firm，不過我都"鄧"佢開心~傾傾下，名嫣抱左個B返黎，so焗住收線。個B一路都喊緊，細細粒，勁得意，不過可惜佢唔離得佢阿媽，一唔見就喊，如果唔係都可以比我玩下la!!
      今日唔想溫書呀!!!!!!!特別係phy!!!!!!!!!

      今日係last day，當然大家都係影相無上堂la~好彩除左R.S.同P.E.堂無之外，其他全部堂都有，可以同Miss 阿sir影相~不過都影唔曬，有好多都未影呀，又未o係廁所、更衣室同library影......希望考完試對卷果時補返la~
      上每一堂，miss、阿sir都有d說話同大家講，上中化堂miss又好似企圖或意圖整喊人，不過今次我無呀，忍得住!miss張仲播返Form5播過既歌──告別校園時，今次聽返既感覺有d唔同，form5果時唔捨不得的是一大班好close既朋友同埋果仲5E團結既精神，依家唔捨得既，除左係7B既同學仔之外，仲有大部份唔捨得間學校既感覺。話曬都o係度讀左7年，真係每一層都stayed過一年(除左ground floor)，真係有d唔捨得，所以今日影既相，唔多唔少都有"齋影"學校既設備。
      

      今日話咁快就係人生中最後一個有得o係學校講TGIF既一日。時間o係呢個星期過得好鬼快，真係唔覺今日係星期五。
      今朝對返學鞋爛左呀~明明尋晚用膠水"痴"返ga!!可惡!!仲要成日比人"蝦"，比人踩鞋跟!!!正一死人頭!!!
      lunch有人生中最後一堂空堂，不過無乜特別，照做chem lab. report同瞓覺......放學有惜別會。其實今朝已經有d唔想去，因為都幾驚呢d場面，搞到好sad咁，唔知想點.....不過最後都有去。感覺......真係無form5咁強烈，回憶，也是form5時的較好，不過，無用既我，雖說感覺無咁強烈，但也對呢班有感情，當miss上台講返我地d野果陣，都有d感動，忍住忍住，但最後都係喊左.......無鬼用!!! 
      一大班人在台上聽miss law講野分享，之後仲一齊唱歌。badguy仲o係台上跳舞，真係睇唔出佢會識，真係勁!
      五點幾六點先走。

      好辛苦至起倒身，尋晚十一點瞓落床，不過十二點先瞓著，兩點幾又醒左，正睡得甜時，鬧鐘又響，正x※y◎z~!!!
     早讀之前，自閉唔知做乜，我個file隻公仔係CK鼠，點知斌斌話咁似射十二碼好似講粗口咁，我都唔知佢講乜，自閉就好醒咁叫我將個C字變做K字就會明，但係.......咁即係變左KK鼠lo?後來經vivian解釋先知佢係想講PK鼠lo .......講錯曬d野，真係令人笑爆!!!!
     chem堂抽籤決定presentation d野，明明係第二組，點知變左第一組，不過是旦la，遲早都要去講，早d好過遲la~
     放學回家睡了一個鐘，之後就唔知自己做乜好.........

      今日係最一日假la!!!真係想死!都唔知自己做過d乜=.=今朝十一點起身，未起之前媽咪已經話睇我聽日點死<----佢指既係我聽日早起會好慘!
      唉!!又係咁la!!!一早起身，雙眼已經紅左，仲有d"o拿"，又唔知做乜q敏感，洗完面搽藥膏痛到喊.... 
      起左身食早餐已十二點，做左陣功課(d功課仲未做曬!)，食完飯出新港城同dad買電話，點知佢地又無貨，最後我就出左新城市，順便去埋買筆。商務有八五折，不過都無野想買，d筆折左都貴過我用果d......
      同魷魚又去左食野，今日唔知係咪last一日假，成個人都發神經，講野無經大腦.......