今日都無出街，o係屋企好悶，又唔想做功課，好無聊，好似就死咁。今朝發呆果時又諗，自己呢兩年好似好waste time咁，講真自己已經無心機又無精神去讀書，依家只係陪人讀書，陪人考試咁，又諗又果自己F.5開始無讀書，依家可能做緊野，好開心，個樣又唔駛好似依家咁"殘"，瘦到就死咁，成日好累.......諗起都好想喊，好想死，覺得好唔值得，好waste time.......
      今日成日都好無精神，好累，好唔開心，又有d唔舒服，可能尋日吹風冷親la，不過都無理。睇左人地d日記，佢地好衰，晚去打邊爐都唔話我知!

     今日唔知點解五點幾又醒左，搞到超眼瞓。本身諗住行過去馬鞍山運動場，不過我行得又慢，時間又唔係好夠，所以最後都係搭馬鐵。
     今年我又有得做工作人員la，個post仲好好tim~做計時員。超好玩!我今年參加左推鉛球同擲鐵餅，唔玩標槍la，廢時又打破學校紀錄=.=不過今日無推鉛球呀，我唔記得左去，唉......搞到我個社比人扣分，勁慘.....
     lunch去左annie屋企食，食包包ja~因為一陣要跑班際，癈時一陣嘔就死。一諗起班際就好驚la 由今朝開始驚，話曬由F.3開始已經無參加徑賽la，好驚抽筋，PK or 嘔，因為計時果陣都見倒有d同學仔跑到暈左，好驚到我跑果時都係咁，到班際召集果陣真係好驚，驚到......真係無鬼用......
     最後我地兩隊都無拎獎，不過，今年係最後一年，有機會去為全班跑都好難忘，覺得好值得ge，話曬都係第一次跑班際，都總算中學階段有美好回憶la
     放左之後大家留o係度影相，不過班主任miss law已經走左lu.....我影到六點就一個人搭車返屋企lu•

       今日好涷，一大朝早就唔想起身，勁唔想返學。今日係DAY2，堂堂都好辛苦，仲要無堂，勁慘。不過今日都算ok 快過。
      放學一個人返屋企，途中諗左好多野，突然之間又有好怪既感覺，好唔鐘意自己，好唔明白點解我既命運會係咁，唔明白上天點解咁唔公平，心裡有好多事想做，但有心無力，又覺得自己好蠢，又有好多不幸既事發生o係自己身上，覺得神好似無聽我禱告，就連神都唔明白我，而我就更加唔明白神既旨意......
      我都唔知自己想要d乜，唔知自己既前途，目標已經唔明確......我只係覺得依家好辛苦，而依家既我，根本唔係本身既我，我都唔知點解會咁，真係好想一個人去沙灘，好好地靜下，脫離現實，即使係一陣乜好.......
     另一方面，我覺得自己好似無乜真正既朋友，覺得依家身邊既人好假，好唔啱channel

     今朝食左麥記早餐，下晝兩點幾先食lunch，之後做功課........勁慘......之後發現中化既問題紙唔知死左去邊，搵左好耐，搵過成個書包&書枱都唔見，反而搵左d垃圾紙，激死!
     迫不得已就開電腦搵人求救，不過d人都唔知做乜，online但唔知去左邊，叫佢都唔應，痴線ga!問左badguy果份野係幾多年，諗住上網搵，不過都係搵唔倒.......最後都係打比自閉。
     原來又係自閉!佢又拎左我d野la!!!上次暗戀我拎左我本手冊，今次又拎我份中化既past paper! 我知自閉暗戀左我好耐ga la
     開左電腦，我又不能自拔地繼續上討論區and聽歌。
     今晚媽咪買左金菇比我食呀!正!

      今日朝早起身，隻左眼唔知做乜又腫左la 尋晚瞓到兩點左右，隻左眼好痛，好似有d野入左去咁，用手卒左幾下，但都係唔得，起身用d水洗左兩下再瞓返，今朝一起身就紅左腫左la!!
     今日要測chem呀，尋晚都無溫過，so今次都係唔合格ge~.~今日全日都過得好辛苦呀，好難頂。

      今日放學有班際，7B對5A.最後我地係得亞軍ge
      今日要測m&s呀，兩課溫得一課ja，我諗都係好低分ga la......上次都係咁，開始習慣la. 
      phy堂做lab.阿sir未黎之前，死人樂仔同badguy唔知做乜拎左我本手冊去向我張相鞠躬，痴膠花ga!!我一定會報仇ga!!!    個lab.我同自閉都唔識做，勁慘....是旦做完就閃去食lunch.
      放學打班際，叫到打聲沙曬，打完就一齊影相，影到六點先走。一出學校門口，行左一陣，漆黑之中有一張熟悉既面孔出現眼前-----我愛人    勁慘呀，魷魚等左得兩個鐘呀，悶死左佢lo.我今日唔記得帶電話呀.....so I can't phone to him.等左我咁耐，佢好唔開心呀(不過我好開心 )

      日子一 天一天的過去，好快就考AL.......今天堂lunch同puilin，紫欣&高妹去美味食，puilin碗湯上面有四條菜蟲呀!搞到我同高妹都唔敢飲。雖然食飯時間唔係長，但我覺得同puilin傾左好多野。
     lunch之後上R.S. 今堂阿sir介紹左一本書叫Tuesday with morrie，仲大概簡介左d內容，我覺得好好睇，諗住遲d買返本黎睇。放學班務果陣有隻蜜蜂入左班房，嚇到123真係喊左出黎
     放學返屋企，o係馬鐵站先打比魷魚，點知.....佢話黎接我放學，依家o係觀塘塞車......唉......唔知講乜.........
第一時間好唔開心，因為覺得佢好無誠意去接我，佢黎親都係餐餐我等佢到ge，我都唔明，如果真係由心而發既誠意就應該吸取教訓&經驗，早d出門口la.....咁樣比我既感覺就係等下我都唔得，要計到d時間盡一盡.......
     聽日測M&S呀，希望唔好肥la又......唉....好累呀....

     今日好似過得超慢咁，辛苦死la!對眼開唔倒咁 ，勁慘!
     第一個小息過左A班食Cheese cake，好好味呀 ~~~puilin專登留比我食ga~~~多謝puilin~原來焗既cheese cake比雪果d好咪咁多ga!好香好濃既芝士味(對比我自己上之整果個雪既cheese cake)，勁好食。最衰自己無咁大個焗爐la，如果唔係就可以試下整，好食既就整比我愛人食la。
     Annie今日比左支勁大既body lotion我囉，我仲以為佢講下笑潻，點知佢黎真ge.....不過都好多謝佢，因為唔係佢幫手我到依家都唔知隻brand name係乜呀~
     今日放學本身以為有課外活動，但點知cancel左，之後就返左屋企lu~無留低睇班際籃球呀，上兩次都無睇到。唉~我呢d主角黎ga ma,當然係打總決賽爭冠軍先露面la
     返屋企果時o係馬鐵上面撞倒pan pan呀，真係差d唔認得佢呀!好似變左dd。我就慘la，出街一定比d小學同學認倒既，大家無見7年都認倒，證明我無乜變過la~
     返到屋企睇3周，死la，好鬼多野想要呀!!! 平爆呀!

     今日係day4，本身返去都只係上中英兩堂同P.E.不過今日連P.E.都唔駛上，因為Miss無返，搞到今日有三堂空堂無聊到爆開
     第一堂空堂溫英文，因為默書。lunch之後果兩堂就做左大半堂功課，又傾左一陣計咁la。last 15分鐘就瞓左，仲發埋個夢，不過夢見食雪榚就比Annie叫醒左，勁慘
      本身尋日想今日唔返學ga，不過媽咪一定唔比，唉.......好waste time lo....我真係寧願o係屋企瞓覺呀。
      放學即刻返左屋企瞓左一個鐘，哈哈哈!!今日終於比我搵倒「蜜糖」個電話同地址la~~~~搵左好耐ga~~今次真係多得Annie比佢你brand name我呀~thank you~
     魷魚今晚又出去同佢d 朋...友去食飯唔理我la!勁慘!今晚又無功課做，悶死左。ICQ搵三家姐，佢又唔知去左邊，又係唔理人.........

      今日本身諗住留o係屋企溫書ga，況且今日細佬派成績表，佢全班最尾，阿媽好唔開心，全家都比佢話，又話我成日出街.........不過最後今日都係出左魷魚度。
     去到都成兩點la!激死!過左一陣，有人打比我話請我幫一個小二既男仔補習呀~~~$50/hr我勁開心，不過要confirm多次先呀.........佢地依家都無打比我呀.......
     我同魷魚去左apm諗住睇戲，不過我唔想睇果d，so 無睇到。我地行左一陣就走lu。走果時有dd唔開心，因為我想買dhc但無$$$......窮爆呀!!!仲差自閉$200呀，唔知點死，阿媽又減食飯錢，班衫果$85又無錢比，八達通又負資產，唉.......
     走果陣等車，魷魚塞左一百蚊比我因為佢知我無錢用，不過我無要，因為唔想。但佢死都比左我，我上左車，佢又無送我，起初都幾唔開心，再加上我真係唔想要佢d錢，但佢比左我，我就更加唔開心。
     架車開左之後，我望住個電話，諗緊魷魚好衰，又唔即刻打比人，明知人地唔太開心都唔理人，勁慘!不過，到左下一個站既時候，我見倒........見倒魷魚o係車站出面同埋上左車 我好susprised點解佢會跑得咁快，好勁呀
     到左總站我地仲去買西餅同埋買糖糖食~~~