今日十一點先起身，行動好慢。食完飯做功課，不過一諗起即將做功課就好頭暈，再諗到聽日要咁早起身返學就勁厭惡。
     本身兩點幾想瞓覺，不過見phy仲未做過就唔敢瞓，因為我知自己做得好鬼慢。唔知點解做做下功課就發呆，諗左d野，之後就有d唔開心，真係好唔想讀書做功課，突然唔知自己想點......
     過左一陣就無事lu，仲無聊到做返小學既事，就係諗定點樣同人鬧交，諗下用乜鬧人。不過話曬都form7大個女，level都高dd，今次係諗英文鬧人，無聊到查埋字典......
     做phy，第一題已經唔識，好灰..........都唔知自己點樣出去考試.......不過我都預左唔得，都唔會升到大學，而且我又為自己既將來打算過，只係好擔心，好驚唔知點同屋企人講。我真係唔敢想像遲d result出左，屋企人會有乜反應。我好驚屋企人唔知會點，因為佢地對我既期望真係超高，媽咪連讀書既錢都幫我諗埋，好似無諗過我讀唔倒咁。
     我怕面對既唔係考試，更加唔係怕面對個result，而係怕屋企人既反應.......我都覺得自己咁諗好怪，考試讀書好似唔係為左自己，而係為左人地既感受，怕辜負別人對我既期望.......每次我諗到呢度都好唔開心，覺得自己好無用，好唔想再讀書，但又好在乎別人對我既睇法，好矛盾......
     見步行步，要來的始終會來，是你的，一定會歸你所有，現在只希望快d過左個a-level

     今朝五點鐘已經醒左，勁慘!唔知幾點瞓著左，八點幾又醒左la!overall都只係瞓左六個鐘左右。
     起身沖涼，十二點幾又出左去。
     去左魷魚度，佢屋企整廁所，勁嘈呀。五點同魷魚&三家姐去食野。等lift既時候.....魷魚話試下面貼面會唔會有靜電，點知.....電得好痛lo....之後都電左好幾次，不過都無等lift果次咁痛。
     好眼瞓呀!希望今日真係可以早d瞓la。

     今日係高妹同三家姐生日呀!祝三家姐&高妹生日快樂!!
     今日陸運會，我又好遲出門口，錯d遲到，仲有呀!我仲一抽二抽咁返去呀!因為今日魷魚會黎，所以我帶埋三家姐份禮物去，唔知點咁，仲比人話我大細超。
     天文台本身話今日得八度ga ja，不過佢都唔準ge，熱到抽筋，等我仲著左兩件防寒內衣，搞到我入左兩次更衣室除衫!
     lunch同puilin食，咁又多個機會傾計la。
     魷魚有跑舊生接力，雖然無拎獎，不過佢真係跑得好快，同佢同組既人拖慢曬佢!
     放五點，一離開看台就搵魷魚，不過佢原來o係我未放之前就走左，話唔舒服出左新城市lo，勁黑人憎!佢條頸巾又o係我度，佢家姐份禮物又o係我度，我又超多野拎!激到我死呀!之後無聽佢電話，同班同學影相。本身我唔去打邊爐ga，不過咁唔開心都照去，無話比魷魚知，激死佢!
     我打緊邊爐佢先打黎話入左馬鞍山搵我，激死我!正死蠢!又唔打比我!激死!不過我無理佢，由得佢等!
     打邊爐好開心，好多好笑野。當中小野同子子大玩「扮人蔘既表情」，食食下子子既屋企人又黎左，佢妹妹仲同高妹度高 食到十一點幾就同埋annie & bun bun一齊走，本身bun bun無咁早走，不過佢同我住同一條村，而且又咁夜，所以佢先同我一齊走。
     魷魚佢無返屋企，o係佢個fd屋企瞓。

     今日測phy&放學測英文，上第一堂statistic都幾精神，不過之後ge小息就溫phy la。份notes終於比我搵返la，原來真係留左o係學校ge file入面呀，激死!尋日明明無ga!
     phy測足成堂，對於我呢d溫左書都唔識ge人黎講，當然係超難la，mc大部份都撞ge 
     phy一放學阿sir就派卷la，我又係唔合格....... 不過都預左ga la......無乜特別唔開心
     放學做英文section C 好無心機做，又超難....
     聽日班會話打邊爐呀，不過o係沙田搞就無乜興趣la~~~~
     一放學就去左買野食，因為好肚餓呀，今日lunch食腸粉，我一向都唔太鐘意食ga la，不過無乜野好食就食腸粉lo，諗返都有兩年幾無食過lu。我買左$3腸粉食左一半都無食lu，所以放學好肚餓。我放學都唔係即刻返屋企，因為聽日三家姐生日，高妹又生日，所以去左買禮物。得$200ja，窮爆呀，依家total差自閉$400呀，真係死la!

聽日測phy 不過o係學校都搵唔倒份notes，以為o係屋企，返左屋企搵過成張書枱都唔見，激死!份notes都唔知死去邊!好彩有帶phy書返屋企

     今日好似過得都好慢，有一堂空堂，不過都係用黎做功課。
     放學有生活閒情放五點，魷魚仲o係學校門口等我，凍死佢la!佢四點半黎到，等到我五點三，魷魚仲拎左件大褸比我yim~~~
     今日問自閉又借多$200 la因為好想買野，不過聽日就有得還la•放學過左新城市買DHC，好開心呀!!!又同魷魚去食麥記，我地傾左好多野。之後就返屋企lu~因為聽日都有幾多功課交。

     今朝早會，有唐sir ge福音分享，佢仲以抽獎形式送左一隻bear bear比大家，結果抽倒7B ge16號，果個就係樂仔la!不過佢將隻bear送左比大bear田呀~我都好想要呀~好得意ga隻崩耳熊~一套四隻，哼!我遲d自己比錢買!
     今日P.E.堂出去打保齡，我地成班女仔都唔知要兩點前去到富豪花園，A班知又唔話比我地班知，結果搞到我地遲到，好彩miss都無話我地。
     打到三點半，嘩，隻手勁痛呀!仲有lo，我好似係最低分果個呀~n咁多次落坑，個bowling仲要向後飛，仲比miss見倒，之後我又將個ball拋左出去，人地d ball係rolling，而我就拋物線咁落=.=

P.S. 今日周會之後轉堂果時，發生左一件好好笑ge事，bun bun真係傻ge，咁都比我"呃"倒!ha!ha!ha!

     今日去左魷魚家借相機，三點先去到。o係佢屋企睇電視，咁啱比我睇到明珠台ge baby looney tunes呀!賓尼兔BB勁得意呀!超可愛。
     今日先比我感受到二家姐同三家姐ge真正charactor(可能係魷魚話左比我知我先咁覺得)，二家姐是....低b的；三家姐是.....din的!(***全是魷魚告訴我的***)

     今日起十點半，好無聊，一點食lunch之後兩點幾又瞓到四點幾。今日好似全日都係瞓咁。本身真係想溫書ga，不過真係唔知由邊溫起，自己又懶，真係死la!就考試la，我自己都知一定溫唔切，唉.......
     五點開機，本身係玩O2勁樂團，不過佢唔知做乜short short地，搞左好耐都玩唔倒，激死!上sina打麻雀又開唔倒!都唔知搞乜!ICQ又無人online!打去魷魚屋企又無人，打佢手提要打兩三次先聽!激死悶死!好想打人同鬧人呀!好唔開心，好想一個人去沙灘呀!!
     六點開始準備今晚打邊爐d野，一路睇電視一路打，今晚仲睇左笑笑小電影，其實都開始悶la，黎黎去去都係d咁ga 野，無d新意!唯一開心好笑ge竟然可以o係細妹同弟弟身上搵倒。透過我地三個ge白痴言談，覺得好好笑。我同芝芝夾攻細佬，又透過不公平ge投票叫左佢落街買野飲，勁好笑!

      本身今日要返學ga，不過本小姐尋晚已經決定唔返，一來因為尋日有dd唔舒服，二來本小姐未做完功課，所以決定唔返。況且今日lunch之後都係空堂，不如就此算吧，而我又未用過我d quota~~~
    雖然唔返學，但都幾早起身，因為要做功課呀。今日弟弟都唔駛返，佢全日都o係度睇電視，而我就做功課同做灰姑娘----洗衫拾屋。
     今日都幾無聊，不過都好過好辛苦咁返學la~~~我已經係世紀大懶人la