講返d開心野先~今日下晝約左阿沛去葵芳行街。好似大家都好耐無見lu~不過都係無乜變la~行左幾個鐘，又去食雪糕。果間野好似好抵咁，$6就有一個雪糕球，$10就有野飲同雪糕，仲有一張印仔卡，吸滿五個印仲送一個雪糕，勁抵!我地既收穫都有返咁上下，不過.......我返到屋企又病發la......好似唔係太鐘意d野tim......
      阿沛仲送左個鎖匙扣比我tim~好得意，佢仲好比心機加工tim~多謝曬~不過我返到屋企睇真d，個蘋果既葉o係我個鎖匙扣度，咁阿沛果個咪乜都無lo?定係個蘋果有蟲，條蟲o係阿沛度呢?如果乜都無咪好單調lo?如果乜都無既話，下次就由我加工la~等我下次睇真d先~
      ho!ho!ho!今日真係開心la~又有得行街，又有得食，又有得買野，又有收穫，又有禮物收，一次過滿足曬五個願望呀~多謝阿沛~   
      p.s.今日朝早起身已經肚痾左一次，9:30am出門口之前又痾左一次，今晚食完飯又痾左次.......死la，唔知又做乜鬼，又係發病既徵兆la......

      今日十點鐘返學校考中化oral。唉.....我一早預左又好似上年咁肥佬。而且今朝我又發左個好恐怖既夢，呢d可能係我中化oral唔合格既徵兆la......
      唉.....個人短講果part已經死左la。真係人算不如天算，明明自己prepare果陣心裡面剛好講夠三分鐘，但最後去到miss面前講只講得分幾鐘，所有野都講曬la，無野講，驚到死!!到小組討論果陣又無野講，講得太小次野，所以又.......
      唉.......雖然打口講話無野算數，但畢竟心裡面都有dd唔開心既......

123生日快樂!!!

祝你快d搵返個*321*

Happy Birthday To Puilin

      puilin既大喜日子之一，我又點可以唔出現呢?不過今日明明約左一點o係大圍火車站等，我又.....又.....遲到了 真係萬分既sorry~算la，同我呢個美女出街，係要付出少少時間ga la，我相信puilin大人有大量，遲左三個字，唔會怪我ge~~~
      身為一個唔識路ga人，有puilin帶路就唔驚la~不過我真係唔知佢帶左我去邊，我都唔識路ge~去左見cafe店食野同傾計，果度d feel都唔錯，幾好，幾舒適。下次扮醒帶其他人去下先~四點幾就走lu~
      走果陣經過U2，入去見下魷魚，不過佢原來睇唔倒我lo!!!激死!!!我地相差兩格楷磚左右，企正o係佢面前都見唔倒我，當我無到，自己女朋友都唔認得!作死呀!!!激死我!!無鬼用ga!不過算數，可能真係唔係佢視平線so睇唔倒la，同埋果陣佢好busy.
      o係馬鐵站果陣，唔知點解覺得好似少左d野咁，原來我一d野都無買。唉，又再發作，每次行街我都慣左要有dd收獲，雖然今日唔係行街，但出到旺角，比我既感覺就係一定要買野!有dd唔自在tim......無手信>.<

      今日考左三個鐘m&s，um.....都有兩三題唔係好識，其他都識，不過可能錯，算la，都考完。返屋企食完飯就瞓覺，比平日都瞓得好，可能因為考完mock輕鬆左dd la~
      今日都本身諗住以平常心溫下書，不過最後又係......因為派左准考證，個心先feel倒有種考試將近既感覺，但也不太強烈。好似勁早勁快就考。
      同puilin倒左大約一個鐘電話，個心又去左旅行lu~~~ha!ha!ha!我已經安排好曬自己d行程la，只係能否順利進行就另一回事，到時要視乎金錢同情況而定。
      夜晚接到沛的來電，傾左一陣間，相約去街街~
      今日真係好開心，可以o係一日之內同兩位好朋友傾電話，好似都好耐無試過同人分享咁多野lu~~~多謝你地既關心和問候~

      今日如常stay at home溫chem.不過到現時為止，都只係溫緊Book1既 Ch.6.唉~total有47課，本身今日諗住選擇性地溫，不過我係一個怪人，我都好清楚自己只鐘意順序咁溫，仲要逐隻字睇先明，又驚跳黎溫會唔明，到時仲waste time........好辛苦la~我已經忍住下午唔瞓覺，今日已經無乜玩電腦，只係細妹好衰，開電腦打機，o係隔離影響我，so有時我會不自覺咁睇下佢玩同搶左黎玩一陣=.=勁慘!
      今晚可能仲會早d"收工"tim，因為我要睇《王子變青蛙》。聽日就係last一日la，有咁多未溫，仲要一d記憶都無!!!!是旦la，學海無涯，以有涯隨無涯，殆矣!
      最近成日都幻想考完AL之後既自己，好似幫自己安排活動行程咁，連約乜人去都諗埋，好開心。不過，一當自己從幻想中回到現實既一刻就覺得好辛苦，好想喊，死la，愈來愈覺得自己有病，一時好開心，一時又唔知點解會好down，好痴線!!

      今日都算有溫過書，比起尋日，我既速度都有提升ga!尋一只溫左Ch.1，今日溫到Ch.3 la~~~都好好ga la!本身諗住四日假，一日溫一本chem書(total有5本)，不過依家恐怕......只但la，我都預左又溫唔切。
      屋企今日得返我同芝芝，兩個人好悶好無聊，仲狂食屋企d野。半日之內，食左四粒金莎，一塊飽.....本身佢話食曬d飽ga，不過我驚一陣弟弟返黎無野食，仲會比媽咪話，就係咁，我地就轉移視線──發神經o係屋企大叫，開"演唱會"=.=
      過左無耐，媽咪買左d士多啤梨返黎，不過唔駛一陣又比我地清曬。
      今晚都係唔想再溫書，唉.....懶死la我!!!!

      今晚好無聊咁"拾相"(整理而已)，唔知點解睇返form6 d 相都好開心，覺得好唔捨得果陣既時間。其實我自己係一個鐘意影相既人，特別係影到自己好靚既相 ，不過呢兩年(Form6-7)影左好少相ja，睇返form5 d相，有二三百張，仲有d仲未曬tim!!可能呢兩年個樣唔係咁靚la，所以都唔係咁想影，但我相信第時睇返，即使係唔靚既相，都係一個回憶，一個"form6，form7既辛酸見證"。
       好多去沙灘既相呀，好鬼想去沙灘開開心心咁玩返夠呀!!超級勁期待呀!!!