今日返去見醫生睇報告，我以為約左一點半，點知係一點十分=.=好彩剛剛好。
      我無事la咁多位~~~~多謝大家關心，令大家擔心真係唔好意思~~~
      醫生話我上次可能急性腸胃炎所以先驗倒有過多白血球，依家正常返la~~~唔駛擔心~~~

      兩點半返到屋企先整野食，餓死la!!屋企無人...今次醒目，有帶鎖匙，唔會好似尋日咁~~~之後三點半瞓到五點，其間比爸爸的來電嘈醒，跟住就係好有心ge自閉，佢打黎問我有無睇醫生~多謝關心~再之後就係比門鐘嘈醒.....
      五點起身食野同去補習，我寫左字條比肥仔媽咪，投訴佢好唔聽話!!!!死未!!!

      今日ge生活時間過得好快.......十二點起身，之後食早餐同做灰姑娘，之後就去補習
      兩個壞蛋好唔聽話，我都唔知自己今日教左佢乜.....個心一d都唔好過........

      下午約左puilin一點新城市，點知今次大頭蝦ge係puilin唔係我~~~佢以為我約佢兩點，好彩我上車打比佢je~聰明!
      同佢行到兩點我就要走lu~因為今日魷魚放假，我煮野佢食。
      去到三點左右，落街買野用左半個鐘左右，之後整野食整左兩個半鐘，但最後都係無得食ge.......因為今晚出去食，魷魚唔比我繼續整埋，auntie都話我慘，有得整無得食......我整左無骨雞翼同埋薯蓉，兩樣都係半桶水，未整完。d雞翼去去下骨時，我又再次唔舒服，好似上個聖誕咁頭暈眼花同想嘔，不過唔係好似上次咁勁，瞓左五分鐘就無事la.
      夜晚去食fat angela，d野食好難食，她似全部食物都一樣色，一樣味，仲食左二百幾蚊，好唔低!!!跟住再食糖水，十一點就搭地鐵轉火車返家。

      落雨呀!落雨呀!搞到成個人都好懶，唔想出街。本身今日約左puilin去新城市，點知落雨就唔願move，所以改約聽日，真係唔好意思la~~~
      弟弟同芝芝都放假，屋企得我地三個，好無聊.....

      下午兩點本身約沛，自閉，高妹同badguy去食汕頭，不過我兩點幾先出門口，搞到到約遲d.高妹同badguy兩人放飛機，又是衰人兩名。我地三個都食得好開心，大家都食牛肚河，好味道~~~之後沛去買西餅，我本身都想買，但未返屋企住，所以無買。
      同自閉二人去新城市拎form，之後同細佬買書同埋交電話費，再行左好多店舖。五點自閉返工走先，得我自己一個行左陣就走lu~走之前o係火車站間maxim's買西餅返家，收獲很少，因為我控制自己，叫自己唔好買.......好慘
p.s.新城市開左好多新野，又要儲$$買野lu~~~

      今日下午又去見e生，因為....我個body check既result出左...有少少問題........
      e生開左d藥比我，又再洗多成千蚊，叫我下星期再去過，無曬$$ la!!!.......希望下次無事la，大家可否幫我祈禱呀? n個thank you(where n>0,& is an integer)

      今晚.....肥左.....要搵第二份la~~~~

      仲有3日.....真係好唔想返，不過為左你，我會堅持。
      整個下午都無野做，因此多左好多空間比自己亂諗野.......又覺得自己好慘，無書讀依家要出黎做d自己唔鐘意做ge野.....覺得自己好孤單，因為惜日返學既開心野都唔會再發生o係我身上，突然好掛住5E....愈諗愈唔開心，所以開電腦睇下有無人online同我傾計，點知.....之後熄機去瞓，但都瞓唔著，之後再開機，不過都係無人.....我諗D人都去返學la，點會好似我咁無聊呀.....之後自閉online，佢好好人咁約我出新城市，不過我五點都出去，所以無理佢~~~但都好多謝佢~~~~
      夜晚又要training，好悶，好累...不過今晚都好d，無咁tired，可能上次果日抽完血la.
<p.s.今日出門口諗起d好sweet同好好笑ge野:魷魚上次講我知佢問我拎icq既情況，佢話接倒張紙巾，第一時間覺得我寫d字好核突=.=>

      早上無聊，瞓得又唔太好。十點起身拾屋........生活平靜，過份自由，過份hea.....只想學野，唔想返工呀!!!!一諗今晚返馬會都想死，不過為左$$，無計la，辛苦，唔願意都要上.....

      因為尋晚夜瞓，所以都好tired....本身下午係想o係屋企瞓覺ga，不過比媽咪叫左我過海探親戚。下午兩點出門口，五點左瘡就去行左陣。行過間藥材舖，有個中醫ge人話我似16歲~~~都唔知好定唔好=.=