要為踏入社會工作既自己作好準備，雖然自己未有心理準備咁快出黎做野，不過馬死落地行，迫住都要ga la。
      今日出左尖沙咀見豐澤收銀，講真真係唔想做ga，不過見下都無壞，何況人地都唔一定請我，請我我都可以唔做ga ma~
      同魷魚一齊去見，佢見sales。去到都只係填form，要遲d先打黎。今日約魷魚一點半，不過.......我三點半先到=.=而且唔識路，過左兩個站落先落，行返轉頭。
      見完食完野走，搭車撞倒好耐無見ge阿坑。咁都撞到，真係有緣la~無見兩年，o係呢兩年入面，阿坑好似過得好充實，而且將自己裝備得好足。我諗，今日撞倒阿坑，可能係神既安排，叫我向佢學習。我覺得阿坑都好開心，我都好羨慕佢，都好想好似佢那樣績極，有目標。
       不過返到屋企，我有好多憂慮，全部都來自家人。無可否認，我所有壓力都來自佢地身上，總之.......一言難盡，有苦自知......
        食飯既時候，終於有機會同媽咪講，話我升唔倒大學，仲講左我自己既去向及打算，我同佢講我諗住去做護士，不過唔知收唔收我，如果唔收就去做空姐，所以想今個暑假學下野，不過佢又再次撥我冷水，一句:『低死!都話你ga la，成日死出去，邊有心機讀書，自己都十五十六，人話乜你就做乜，唔駛用腦........』好hurt，好想喊，不過自己忍住.........我自己呢幾日真係幫自己諗好ga，乜野人話乜我做乜呀!我自己咁樣我想ga!都想辦法補救同面對la!!!想我點呀!一句關心我問我之後打算點既說話都無呀!!一味只係想我讀書搵錢比佢ja ma!都唔知可以講乜。最後只係好唔開心咁同佢講叫佢比錢我讀就得!
          不過諗真d早d出黎做野都好ge，起碼唔駛求人，自己可以比錢學野。

      今日行左我最後一步棋-----報IVE.其實我咁ge成績都無得我揀，只係人地揀我。
                      希望佢地有位收留我la.........唔想做野住.......

      今日要返補習，感覺有d怪，可能仲未有心情去做野la，無人收留既感覺好無安全感，好唔安心。
      去到都無野教，走果陣拎錢都有d唔好意思，好似無教人野，唔知做乜白拎人d錢，不過，無計la，自己無野做又等錢用，對唔住都要做住先ga la.
       呢幾日都好夜瞓，因為上網搵自己既未來去向........

又一重大打擊..........
                          我相信會是一浪接一浪.........
唉.......人要有自知之明.......

其實唔理個傷口，佢會慢慢康復........愈是處理，愈是痛苦.........
          順其自然.......我會否甘心?見步行步.......可以嗎?

      成績.......唔好講lu......
      感覺好陌生，係一生人第一次有迷失既感覺，個腦好空，又唔係驚，又唔係失望，因為我都預左唔得，不過真係有仲"唔知點算"，乜都諗唔倒同時也不太想諗.......
      平時做事好清楚方向，不過今日唔知做乜。尋日約個髮型師今日電髮，基本上我係應該無心情去至係，不過果陣真係諗唔倒自己下一步可以點，所以都按尋日自己既安排出左去。
      o係車度都無諗d乜，瞓又瞓唔著，尋晚無瞓好tired至係ga，不過一d睡意都無，反而魷魚就進入熟睡狀態，佢都真係好累，尋晚又一樣無瞓，今朝又晨早過黎，辛苦曬佢，自己都覺得自己好麻煩。
      電髮期間有親友來電，不過自己都真係唔知點答佢，因為果刻既自己都好似未接受現實。電完髮都四點，本身今日要返補習，不過都怕自己太累，最後返左屋企。
      面對"返屋企"呢三個字=面對屋企人，因為佢地仲未知。一路已來最怕係呢個問題，因為佢地對我既期望都真係好高，未讀已經諗好d錢，阿媽又因為咁而開左個户口for我大學交學費，不過........真係好驚唔知點開口。
      返到屋企，一入去阿媽就問:點呀，入邊間大學?我真係唔知點答佢，是旦講左句未知........
      好難先講左d野，不過感覺上又好似比左希望佢咁，覺得自己唔知做緊乜!其實果刻既自己都係避緊個問題，覺得等到八月一先真正死心。阿媽仲話好多親戚打黎問我點，唉.....唔知想點......特別係伯娘，惡意的關心!!!十年都唔打黎，到依家為止，只係主動打過兩次黎----->一次係中五放榜，第二次就係今日!!
       之後瞓左個幾鐘，都唔可以叫瞓，因為個腦都諗緊野。醒來個人都精神左，好似開始接受左，但依然好迷失，自己唔知點算。
       開電腦搵人幫手，好彩有badguy o係度ja~如果唔係我都唔知點算。其間自閉又打比我，個腦開始move la~自己諗多左同諗通左好多野，方向都清左好多。好多謝你地呀!!
       夜晚打比二家姐同三家姐，佢地又比左好多意見我，真係好多謝好多謝佢地呀~同時我都好多謝好多朋友既關心同支持~

       明天放榜，本應心情無乜特別(自己認為)，點知同阿沛，高妹，阿芝，死蔡，karman & 春梅夜晚食完野返屋企之後，成晚瞓唔著!!第二日六點先有睡意，不過7點半起左身~

      話說今日超熱，尋日123約人去沙灘，不過.........今日又有人約我去游水加BBQ，不過.........最後諗左好耐，最後同細妹四點去左新港城。因為尋日已經好想食cheese cake，今日都係，所以忍唔住去買，本身想早d出新城市，不過太熱唔想move，時間係咁過就唔想去太遠。
    愈來愈覺新港城好cheap!搵左好耐都無乜好野食!cheese cake搵左好耐先有，仲要係東海堂果隻.......一d都唔好食，一dd cheese既味都無!!之後諗住買野返屋企自己整第日有得食，不過好懶，唔想搞，都係下次先la~
    行到7點先走，順便去聖安娜拎西餅作為聽日ge早餐!
    呢幾日d味覺好怪，d水全部都係甜ge，就連沖涼ge水喉水都係，真係好怪......頭知沖涼都飲左d,可能係d藥la，e生開左3日藥，不過我第四日都黎，d藥好似仲有好多.......因為人地叫我一日四次我就一日兩次=.=

      又唔見$300 la今日，因為......本小姐塊面又敏感今之仲要打針tim!!!!希望快d無事，以後都唔會再係咁，回復超級靚靚面la~(依家因為敏感所以係靚面je!)
      話說一點幾出門口去月明，不過e生未開，四點半先開，咁就同魷魚去左新城市行陣先。去勞工處睇下有乜啱，不過無。之後去宜家家私，途中見倒Luie同佢bf，佢地又係去宜家，所以一齊。行到咁上下就去返月明睇e生。睇完就閃人。
      今個月用$$用得好快，收入好鬼少，希望下個月既人工唔再停留o係千幾二千既數目la~

      話說今日陽光普照，好乖既我諗住曬下d冬天衫，點知一打開個衣櫃，度門入面有隻四腳蛇，好嘔心，勁驚，佢仲要爬入去入面，我唔知點算，叫細妹幫我ko佢，我比$100佢。
      佢幫我將d衫拎曬出黎先，之後用支鐵"對付"隻野，不過佢走得好快同好嘔心，細妹本身聽倒我比$100佢佢好似講到好easy咁，點知佢遲遲都未落手。最後.......係我好驚但頂住上咁一野插落隻野度，好嘔心，個身同條尾好似分開又未分得曬，我又唔敢亂move，因為我驚隻野個頭會走。因為我知佢地會生返條尾出黎，所唔叫細妹拎多支鐵一野插落佢個頭度，好嘔心，大家都唔敢睇，亂插!隻野分成三分咁趺落黎，條尾仲o係度move緊!!!好嘔心!!!好彩拎走曬d衫!!!
     最後一個step係清理現場，細妹好似乜都無做過無鬼用，叫佢搞掂，不過太嘔心，佢又唔敢，講真我都好驚，成個身係咁震!最後又係我用d紙掃走佢!!!

今日又係無聊既一日，唔知點解好唔開心，好無精神好tired，好down，好想鬧人，好想講粗口發洩!!!!!!%&#(&^#%*/+^