今日又係一年一度既5E聚會，今次係去大浪灣。
       約我九點九，不過我成十一點幾先到，尋晚無上網睇路線，結果搭車出mk再搭地鐵出筲箕灣，繞左一大個圈，最慘既係waste $$，自閉佢地搭左五個幾，我搭左十一個幾呀!!!原來佢地買小童!!!!勁衰唔講我知!!我到果陣自閉佢地都係剛到，hohoho~~~好彩我醒~佢地轉登約我九點九早d !!勁衰!好少人呀今日，加埋鱿魚都係得十五個ja，不過大家都玩得好開心~
       沛同高妹仲有魷魚都讚我整ge三文治好好食，hohoho~果度d水都好dirty，不過好就好在有水淋身同有浪玩。
       夜晚大家無一齊食飯，感覺都好似差左少少野，不過，出年可以再約過~希望多d人去到la!諗起都開心死la~

      今日好似好忙，下午要去三個唔同既地方，一點要去到新城市，之後出奧海城，再過深水埗，不過我六點就返到屋企lu~

本身開左個新日記，不過.......唔識用.....所以.......都係用返呢個好d

      下午兩點半出門口去藍田見工，因為佢地唔請應屆考生同暑期工既關係，我拎返form5果張cert.理佢死la，作野話呢兩年照顧細佬妹同做part-time.不過都預佢唔請ga la，只係再次覺得自己無用同失敗.........
      

       晚上有件開心事~有一線希望~盼這不會成為我的失望或絕望，我的心靈是很脆弱的，經不起挫敗........
       好多謝你的意見~

      p.s.比人叫飛機王=.=無奈，我唔係放你地飛機呀.........***飛機王不是指身材呀!!!雖則我係平左d，不過都未去到飛機場掛= =

      真係好~去補習，佢地一個瞓覺，一個自己同自己玩，今日仲有好多時間比我send message同打電話

      今日.........早知跟123佢地去玩la.........因為可以唔駛比咁多時間自己轉牛角尖.......
      搭車果陣........諗左好多野.......自己真係好想入大學呀.........不過.......一切都無希望la........我既未來.......

      今日在家做乖乖女，做真正ge灰姑娘，夜晚仲上演美女廚房。
      闊別廚房多時，今晚竟重返舊地，一手包辦今晚既dinner•要煮四道菜:豆腐鯪魚餅、抄菜、煎豆腐同埋甜酸排骨。頭三道都好easy，last果味就好煩。d茄汁同生粉搞到成枱都係，又差d打爛個碗=.=
      煮中菜真係幾煩，我都係鐘意煮西式甜品多d~

      一諗起今日要補習就好唔願意，我開始厭惡返呢份工，一來搵得唔多，可以話根本唔夠我駛，二來返工時間短同k形，佔據人地瞓覺既黃金時間，次次去到都好累好眼瞓，成日放蚊，三來悶到死，對住佢地，一個唔聽話，一個悶到死，唔知點教，如果唔係我仲未搵倒工都唔會做!
      一個唔願寫字又唔願讀書，另一個仲死，教左佢咁耐，i同r都唔識分，r同n又撈亂，r同l又mix埋一齊，t，g，p又唔識寫......串字黎黎去去都係串同幾個動物，仲要串錯!串第二樣野又唔串(因為佢根本唔識!)愈講愈唔想補.......如果唔係為$$真係唔補!!
      出門口補習前接到puilin來電，知道佢ge去向，都好安心，不過我知你肯打比我都知你接受左，面對左，同安排左，我真係好開心~無論點都好la，每個人行既路都唔一樣，只要知道身邊好友既去向，我都會好開心，雖然自己都顧唔踮，不過我都係出自真心ge關懷，我會支持大家ga~
      其實經過今次AL既失敗，我覺得自己長大左，諗野都唔同左，可能真係真正意識到自己要長大踏入社會工作掛~我都唔知呀~但無論點，我有身邊一班好朋友陪伴同分擔，真係好開心~好多謝你地~

      P.S.今晚又多左一樣野煩。poly既AD收左我，不過我唔係想講BUSINESS，first choice既health studies又唔收!!正pk!依家諗既如果IVE都唔收我，我會唔會去讀AD???不過我真係依家無興趣bo，我原本個plan唔係咁ga播!點算好呢?有無人知IVE幾時知收唔收呀??

      今日終於可以留o係屋企休息一下，因為之前日日都出去，好累，但今日o係屋企都唔見得好精神........成日都玩牧場物語，佢成日hand機，我又無save，搞到我好唔開心好唔想玩!!!!!

      今朝約埋阿沛去左九龍灣見工，約左阿沛十點巴士站等，點知........我又遲到........sorry.........仲要遲半個鐘tim.......
      去interview，好輕鬆，因為果個人好nice，好似同佢傾計咁。見完去左德福行左陣街，果度有間賣史納沙狗狗衣服既店舖，入面d衫好得意，真係好想買，不過真係無曬錢。
      約左魷魚十二點叫佢拎返部手提比我，之後三個人一齊行宜家家私，其間我講錯左好多音，笑死~好開心呀~我地又o係宜家入面食野同傾計。四點鐘就要走lu，因為要補習。
      夜晚同自閉傾左陣電話(今次好似第一次同自閉傾)，原來我同阿沛今日去in果間公司正是自閉返工既地方!!!!唔知遲d可唔可以同自閉做同事呢?唔錯播
      另外，得知星期一既節目，不過果日要補習，無得去........好慘.....我想去好耐ga la