hohoho~今日係父親節~又係我生日!!!!!首先多謝各界人士ge祝賀同e-card!之後更要多謝各熱心送贈禮物給我呢位美女灰姑娘既人。
      今日都要補習，本身補十二點，點知佢又改一點，痴線!!!搞到兩點幾三點先走得。魷魚&佢家人都同得一齊過生日，魷魚整左lunch比我食(不過成五點先食得，餓死左!)，仲mix左個"蛋糕"比我，大家姐同美麗三家姐仲送禮物比我，auntie又比生日利是我~好開心呀~魷魚屋企今日好齊人，夜晚auntie烹了美味的晚餐。
      今日既美麗灰姑娘唔係十二點走，十點就走la。今日生日不過好似無正式食蛋糕，因為蛋糕o係屋企，返到去屋企人瞓曬lu.......
我的生日禮物1(From大家姐)

我的生日禮物2(From美麗三家姐)

我的生日禮物3(From細妹)

我的生日蛋糕

      話說今日grad din，我呢位灰姑娘竟然.........遲到，八點半先去到，本身唔遲ga，但因為要set個靚頭同搵個靚袋，靚袋最後係搵唔倒，拎左第二個，不過都ok la~遲大大到，無計la~美女係遲d ga la，更何況我係超級美女~
      搭巴士覺得自己同架巴士好唔match，D人又用"奇怪"眼光望住人，痴線ga!好驚lo!
      去到都無乜野做，只係食野同影相，講真都幾無聊，因為我想像中個氣氛會好玩d.
      灰姑娘十二點走。一餐7B最後的晚餐就咁完畢，仲要好貴tim!!!!!

      呢幾日無野做既時間都係玩牧場物語，不過今日部機唔知做乜，成日hang，搞到我未save，又要重新玩過果日!!!激死!!

       今朝七點幾八點起身，好似放假咁耐第一次咁早!好大雨，又瞓唔著，所以開電腦睇touch.真係好感人!它給我的感覺不是完全的愛情片，但都好感人!!!你地自己睇la!睇到真係喊.......
        睇完都十點，咁先開始刷牙洗面食早餐。今日真係好tired，唔多想去補習。四點出門口之前，細佬拎左封信比我，原本係教院叫我去interview，不過撞正grad din-------6月15日.....果日我又要補習......好煩呀!!!去interview同去grad din根本係兩套唔同既衫........唔知點好........

      今日終於返左學校拎成績表，之後去左自閉家同自閉、badguy、樂仔、阿沛打牌。佢地勁衰>.<話我打得慢!!!!不過呢個都係事實。打左唔係好耐，我有win兩局ga~
      五點閃人，同阿沛去左新城市行左陣，本身諗住買grad din d衫，不過我睇唔啱。唉......都唔係好有心機去準備呢d野，因為又要waste $$$.......行到六點左右就過左puilin舖吹水。份工真係幾好做!等到佢八點收工再順便去食飯，我屋企都煮左我飯ga!!間日本野食真係好低!一個餐咁鬼大，夠我同puilin食到好飽~不過我返到屋企都好辛苦地食左碗飯呀!!!!好想嘔!!如果唔食就比阿媽鬧死!因為我無打返去話我唔返屋企食!

       呢幾日都不外乎起身，食野，睇劇，出去補習，返黎食野再睇劇.......看似無聊，但是卻十分開心，好sweet 因為......自己太入戲了~~~~男主角真係好靚仔呀!!!!
       不過，戲劇呢d野.....都係好perfect.....但發下夢都好呀!!!

       尋晚已經拎左套校服出黎，諗住返今日返學ga la，不過........十點半醒左，但唔想起身，so 最後決定唔返，打電話返去請假。返正咁無聊，由早上十一點半坐到今晚六點(至少六點)，自己又唔係有得上台拎獎，去黎都無用la，無聊~
      下午兩點同細妹出葵芳行街街~好充實，好開心啊~買既野唔算多，不過就好似用左好多$$.最唔開心就係我又買貴左野，同埋根之前一樣，買左返屋企，之後都唔鐘意，唔想要=.=下次都係叫埋阿沛去好d，因為佢會叫住我，但細妹就成日話是旦我........
      去完葵芳再去左新港城買整蛋糕既野。今次係我第一次整~~~返到屋企食完飯，九點開始整個餅底，第一次整........係失敗既.......最衰都係芝芝，因為佢叫我焗二十分鐘，點知未到十分鐘已經有"lone"味，個面"lone"左，但中間唔熟=.=不過"meet"開面頭，中間都食得ga!!!但係就超甜，因為兩隻蛋，落左三大湯匙糖，好噁心.......

      今日約左好耐無見ge佩連去新城市。十一點半開電話先收倒佢既message，本身諗住約一點半，不過知我心，知我性格既佩連就話約遲半粒鐘~~~~
      今日總算無遲到la~佩連請飲~~~~~下午茶~傾左好多佢返工既趣事，真係好羨慕佩連咁充實既生活，有得食有得笑又有$$，開開心心無空閒時間諗無聊野，自找麻煩。
       下午五點半在佩連的陪同下去搭免費巴返新港城再過去補習，真係好彩，遲多一班車都遲到呀!!
        一去到，肥仔婆婆就請我食蛋糕，因為今日肥仔妹妹生日，但係......件蛋糕我只食左一粒菠蘿同兩啖蛋糕，其他......全部都係個肥仔食左=.=佢食完仲要勁衰，話個蛋糕我都食左兩啖，都算食左，驚死我話比佢阿婆聽佢食曬.......補緊果陣仲比個肥仔撞左兩下，仲要撞正d骨，痛死!!!之後仲比佢發癲咁唔小心打左我兩牶，仲要打面!!!!!好慘!!!走果陣話比佢阿婆知，佢阿婆鬧佢，話佢同人熟左就乜都做得出.........我好驚lo........

       今日總算比平日充實，因為今朝幫手吸塵，時間好快過 。十一點起身，好慢咁刷牙洗面，o係廁所洗左半個鐘面，再入房照鏡，搞到十二點半。早餐都無食，媽咪已經話食飯la.......兩餐夾埋一餐......下午本身諗住瞓陣先去補習，不過一開電腦玩牧場物語就唔知時間，搞到無得瞓。
      今日補六點，我帶左d朱古力比個肥仔食，果然，佢今日真係可以好乖咁坐o係我隔離同我串左個幾鐘生字，不過佢一食曬d野就打回原形，係咁話瞓覺又發脾氣!!!不過咁都係代表小朋友個心好單純，隨心做自己既決定而已.......

       今日勁早比人叫起身，一早走去飲茶，間茶樓既房入面d廁所突然有好多水從地上既渠湧上來，搞到食食下野水沉，都唔知係乜茶樓!
       本身食完野就走，不過太大雨，媽咪諗住叫表姐d親戚睇下有無車送我地去車站，但果個人又飲緊茶，所以就o係表姐屋企一邊等一邊睇電視。大陸既生活我不太喜歡，但我喜歡它的免費電視節目，果度d電視有超多個台，我諗就算一個好悶既人，狂轉台都要分幾鐘呀!仲有一樣都好鐘意既就係果度d野又平又靚!!!
       等左一陣，湯圓打電話黎，話佢男朋友得閒，仲有車可以車我地過深圳，所以我地就出去表姐間大牌檔食飯。今朝好似係咁食野，無停咁，不過咁既生活好似好充實。大家唔好以為大陸既大牌檔好似沙角、博康果d咁呀!表姐間大牌檔其實都唔可以叫大牌檔，因為感覺唔似，果度反而似一d古色古香既飯店，仲要係四面環繞大自然!d野食仲好食過今朝間茶樓!(阿媽講ge)媽咪最欣賞果碟蝦，因為o係香港食唔倒d咁彈牙既蝦!又平又好食!媽咪仲打包左半隻鵝返香港，好低食，今次真係又食又拎!!!
      下午兩點半先上車走人，本身仲諗住去行下街tim，不過無la，都無時間........返到屋企都六點lu~~~一返到去就食從表姐店拎返黎ge南瓜餅，好味呀!!如果你地返大陸又返開東莞既，都不況去光顧下la~~好低食!間野叫田園農莊呀~~~~
       今日真係好充實，係咁食野 媽咪鐘意食荔枝，o係大陸拎左好多出黎。我諗佢一個人都敢食曬呀!