知道自己有$$就用盡既壞習慣，所以每次出街都唔會帶好多$$。今日都唔倒外，不過今日仲要變負資產.......
      只係去左兩間店舖買野，咁就無$$ la，八達通負$$都無$$入，要問Auntie借$50，即刻變左負資產.........屋企又只係得返$100，還左$$之後就得返$50........我諗無$$去今個星期四既沙灘la........

        生活   非常平淡     甚至是厭倦

腦海........是空白的........有許多東西想去實行........卻  又欠缺資金和自由

      今日要去跑馬地見工，見兩點，不過十二點就要出門口la，勁早起身--->十點半，我已經預個半鐘比自己換衫梳頭，不過個頭真係搞好耐，最後都無法，未得都要出門口，沿途係咁照鏡.......上次去要兩個鐘，今次去竟然唔駛，個半鐘就到，因為上次係巴士-->地鐵-->城巴，今次係馬鐵-->地鐵-->城巴-->勁快到!!
      去in都好快，九個字ok。今次係第一次去馬場ja~~~好大呀!!!好似好好玩，不過好嗅呀d馬既味 in完返家，不過自己唔知點解，行行下去左銅鑼灣站=.=好肚餓呀!!!!今朝出門口前食左個包ja.返家途中.......又是鬧交.........唔開心.......搭緊馬鐵返家時，魷魚話未到四半，可以去補埋習。本身今日改左聽日補，因為我預自己無咁快返到馬鞍山，好想返家食野瞓覺，不過......魷魚叫我補埋，聽日可以陪佢.........最後都係去左補.......好累，好肚餓........今日只有今早既一個包同一樽細水陪我渡過.......好慘

      今朝未到十點就醒左，不過好快又瞓著左，仲瞓到過左鐘tim~~~十一點半先起身........本身約魷魚一點新城市，不過最後係要兩點先ok ge.......
      出去本身我有好多野想o係新城市買ga，不過時間既問題，我只係好求其咁幫細妹買左d書，自己一D收獲都無........
      食m記果陣，唔知點解咁多電話.......仲搞到自己mark唔切d野，返到屋企唔知人約我下星期三定星期五。好麻煩.....話要乜推薦信.......都唔知點返學校叫校長寫.......一來我無野寫，二來依家暑假，校長老師都放假la........煩爆.....
      四點上車返馬鞍山補習，仲拎住d書，好重.......今日兩個都好頑皮。走果陣仲要去買洗頭水、牙膏同紙巾，好好好好重.......因為媽咪依家返工，所以屋企d雜野由我跟.......聽日好似要買雞蛋.......

     今日我又做灰姑娘，清潔自己間房同廳，下午仲落街買野整野食~~~整左粟米吞拿魚沙律同埋炸蝦丸，不過個蝦丸好似淡左少少。細妹整cookies......甜到嘔.....一人食一塊，之後果d迫左媽咪食.........
     夜晚煲"植木"，仲有二十幾集睇完!!!!!!!!

p.s.呢排又無乜$$$，但係又好悶，大家如果有d便宜娛樂活動，可以叫埋我ga~~~~

      今日補習，見倒一件好慘既事.............話說今日軒軒媽媽放假，同軒軒補習，呢排佢都成鬼日打我，又唔聽話，今日佢真係好過份，打完我仲要唔聽我講，周圍走，無辦法之下出廳諗住叫佢嫲嫲話下佢，點知佢媽媽o係度，入房一巴星落軒軒塊面........我見倒都覺得好痛.......好似有dd害左佢既感覺........
      肥仔今日都ok聽話。初初我係覺肥仔好難教ga，因為佢26個字母都唔識分，依家我就唔係咁諗，因為佢乜都唔識，可以根我自己以及佢的進度教，我會知要教佢乜，開心同舒服好多，佢又無之前咁唔聽話。反而依家軒軒好似唔同左好多，佢有乜唔識我又唔知，問佢野佢又唔答，都唔知佢識唔識.........
      總之今日好似因為軒軒比佢媽咪打而有DD唔開心la........

      今曰去左魷魚家睇卡通片，起初無興趣，之後睇睇下都ok，返家仲叫佢send比我tim~

       你要記得今日答應我的"一次"呀!!!!我都唔想ga!!!你迫我ga!!!不過咁樣我會開心好多，好過好多。抵你呀!!!!!!!!

       好眼瞓呀，今朝六點半起身，因為要出跑馬地見護士。
       去到好快就見完，問左幾條問題，有d答得唔係咁好la，不過都係要搵定第二間好d~
       見完去魷魚屋企，三家姐轉程留左個台灣買既太陽餅我食，不過我未呀，聽日先食。食完飯之後又出灣仔，陪魷魚出去考試。pass左 呀~叻叻~
       等魷魚考完就走，三號風球之下，搵車搭，搵左勁耐，好彩有魷魚陪我去搵ja~thx~~~~

       今日八月一號，好似jupas放榜，不過一d都唔care la~只知今日本身同魷魚出新城市，不過大家姐無返工，所以無出。
       下午食完飯沖完涼，兩點幾puilin打電話比我先知今日要上網睇result，不過都估倒la，無理到。傾左n個鐘，乜都傾，上至感情下至生仔........佢同我一樣日日o係屋企無野做，大家都係等消息.......

       食完飯之後先上網睇，不過我只係睇下奇蹟會唔會發生o係我身上je.......結果.......預料之內la，所以都無野。