尋晚又打機打到兩點，升到黃色腳仔la~~~~尋晚仲叫埋badguy玩，不過佢都唔知係咪白痴ga!又56k播!!

       今日原來阿媽唔駛返工，慘死煩死la我!佢晨早起身嘈死!!自私到死!自己起身要嘈醒埋人地!!搞到我瞓下醒下，佢九點幾同細佬出去飲茶，果陣我先有得瞓，不過十點半比個門鐘嘈醒!阿媽d朋友晨早搵人!!!痴線!!!十二點起身超頭痛，暈下暈下咁.......低b ga!唔知搞乜鬼lo........諗諗下都係要去睇醫生..........
        起身乜都無得食，又肚痾兩三次=.=我諗自己就死la........

        下午補習前都痾左一次.....死得.......好彩今日兩個仔都ok乖，軒軒同我講game d野，我一d都聽唔明，不過我知細佬有玩過。肥仔今日都好，唔駛我鬧，佢仲比我整喊.........我只係同佢講下次默書唔識每個字抄一百次嚇下佢，點知佢咁無用話我好衰，之後就喊........我今日先覺得佢對自己既英文好無信心，佢打定輸數話自己點溫都唔識，所以唔跟我溫，驚真係抄一百次而喊......

        今天天氣好，不過心情很down..........無la la比屋企人咁話.........唔知點........
        佢地成Q日話我只係食，瞓，出街同打機.....唉.......我想ga 咩!!!!無人請我返工ma!!!白痴!!!低b!!!

       最近狂玩online game，好玩?我都唔知呀，智在搵野玩，又平又正咁la•
       今日下午陪魷魚出灣仔報名，之後返沙田。d時間過得好鬼快。六點去補習，真係好難頂呀死肥仔!!!!個瘦小朋友今朝好可愛咁打比我話佢今日有事唔補，我已經估倒佢做乜la~~~~之後佢又自爆話媽咪約左佢睇戲。聰明既我又估倒佢睇乜戲-------keroro!!!!!!上次佢睇左反斗車王，我都無睇，佢好開心咁講左d劇情我知，不過我都唔知佢講乜........

       晚上..........又再打機打到兩點..........

       今日去魷魚家途中，有件事發生左..........
        搭89D果陣，唔知去到馬鞍山咩站，我一路都聽住歌，仲開得OK大聲，一D都唔發覺有乜人上車。點知有個男人走過黎向我做sorry手勢，我以為自己對腳阻左佢入去坐，之後佢坐左我隔離，問我路，我答完之後諗住再聽返歌，點知佢又講野，今次仲講自己野，我唔知比乜反應佢，只係佢講乜我話o.....唔........佢又話自己有車，不過部車壞左，所以唔識路，又話自己一個月有幾$人工，仲拎埋糧單我睇，又問我住邊，又問我屋企有幾人，之後愈來愈覺佢唔知想點，不過我唔識點先stop倒佢叫佢唔好問咁多。又sale自己無不良嗜好，乜野一架巴士會改變人生，又話唔知將來會點，可能大家會好好朋友，又話可能會做夫妻，聽到呢度我已經覺得佢唔知係咪睇得電視多，咁都信........我仲好驚佢tim，不過唔知點say no話叫佢唔好同我講咁多野........waste  my time!!!!落車前又問我叫乜名，又叫我攞電話No.，o係短短幾秒入面我諗住比假野佢，點知佢一句講話叫我打比佢lo.........我呢個白痴唔識say no就咁比左電話佢=.=
        最痴線就係佢同我同一站落車之後，我轉車果陣，收到佢send比我果message lo，話乜好高興識到我，白痴ga!!!

       部機整得八八九九la~魷魚過左黎幫我裝埋office同update唔知乜。
       因為乜都無曬，你地d日記網址唔見曬，我d寶貴網址又無左，所以要搵返，搵左好耐呀~仲有好多software唔識搵=.=

      今日下午一個人出左新城市做facial，之後"求期"買左對鞋，for之後見工唔駛好似之前咁露腳趾。因為d鞋拾鞋櫃拋左好多，近排出街多，先發現自己d"斯文"鞋仔無曬，得返一對出街拖鞋同一對就爛既少高根鞋(己經唔著)，仲有兩對波鞋。識我耐既人都知我激少穿波鞋，所以呢排著黎著去都係果對拖鞋.........
      五點半魷魚上我家幫我整電腦，部機近排好慢同埋好易自己熄機，唔知做乜。
      魷魚都唔知部機做乜，最後部機仲自己倒數........restart，好似中左毒咁.......最後都係要裝過個window，住利安附近既人都無，點知住最近既朋友就有，仲要住同一棟，同一部lift可以去到既張詠誼家~我真係蠢，咁都唔第一時間諗起。
      部機搞踮之後真係快左好多，順左好多，仲唔會成日自己無la la熄，不過我既代價就係放棄左一d睇左同未睇既戲.........
      真係唔該駛張詠誼~當然唔少得多謝我既魷魚la~
      不過無microsoft office，魷魚聽日又要黎過la~

       唉........搵工搵左咁耐，去見工，填form都唔知填左幾多，真係車費都蝕比佢!今日又打左兩個電話，一份話已經請左人，一份要等通知.......又係咁........依家d工少$$都要做住先，因為一星期補得兩日，一來唔夠用，二來比阿媽話我o係屋企只識瞓同食，一毫都搵唔倒.......一日講到黑.........我今日打果份都係得廿蚊一點鐘，另一份只得十七蚊.......真係好cheap.......不過無計，好過o係屋企比人話，佢地真係變態ga!!!係咁話人，有時自己白痴都會諗埋一邊........好無奈.........

p.s.呢排一起身照鏡見倒自己d頭髮，覺得有仲被"坤"既感覺.......間salon都真係幾水皮，定一話我太易被騙??

      今日終於睇左《獨家試愛》，不過......個ending我get唔倒get唔倒呀!!!!有無人可以話我知咩意思呀!?佢杜想點呀???
      當中有d野，可以話做戲咁做，邊有可能個老公同另一個女人咁樣，自己都可以唔離婚ga!!!白痴!!

       hahaha~阿沛呀~我識多左一樣電腦野呀~快d讚我叻la!!!!!勁呀!

       尋日去完沙灘，可能早起夜瞓，平時又少運動la，搞到對手好酸痛，move一下都好痛。
       瞓到十一點，早餐同Lunch一次過食完，一點半又瞓到三點，之後去補習。
       同瘦小朋友補，好好笑，同佢一齊玩，一齊唱歌，好好笑。