今個禮拜好似好多功課呀，不過我唔想做......好無心機，又無心情..........我覺得個頭好暈，頭先搵中文notes都好暈，一見倒d功課就好暈.......
     仲有呀，我發現左自己d中文字寫得嘔心左好多呀，又寫得慢到死播!死la，好驚去到考試唔識寫字呀~.~
     我發現左自己本手冊唔知死左去邊呀........可能o係學校la........是鬼旦~

     今日放學即刻閃返屋企瞓覺。今日好開心呀，因為終於比我知道「蜜糖」既brand name la~~~
     夜晚開書包，本手冊唔知死左去邊，是旦la，好彩d功課o係度ja。
     今日其實係阿坑生日呀!不過我........我無打電話比佢呀........好似好衰咁.......因為我未買禮物比佢呀，諗住遲d約返佢出黎補祝呀。不過，o係度都同阿坑講聲:「生日快樂~」

    今日係阿沛生日呀~生日快樂!!我地約左佢放學慶祝，不過都搞到5點幾。八點左右就走左lu~
    希望阿沛會覺得開心la~~~

      今日媽咪返大陸，好似星期一先出黎，第一時間好開心，因為唔駛佢咁煩

     起身一陣，曬完衫，吸塵，之後拾左d唔要既鞋同埋洗曬d鞋，又拾左自己間房，不過我d袋仲未洗，好tired la。魷魚打比我，講左d好怪既野，唉......佢好似成日都係咁ge.........

     下午瞓左兩個鐘，好舒服呀~~~之後就開始溫下書做下功課。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

To my 魚魚，

       其實你唔駛諗咁多野ga，唔駛比你自己太多煩惱，你有乜都可以同我直接講ga~~~

     今日phy sir同R.S sir都無返，比左兩堂空堂我地。今日好似過得好快咁，嘩一聲又放學，聽日又係星期六，放假開心死呀!!!!!!!                                                                                   

     返屋企本身諗住瞓覺ga，不過要洗衫........去旅行果日d衫仲未洗呀，廢是la，d衫好似好多沙，唔想mix埋其他衫度..........好嘔心呀 搞左好耐呀。

     今晚我洗米煮飯，之後見個雪櫃好似好dirty咁，就幫媽咪洗。其間發生左一件好好笑既事:我開緊水喉洗野，細妹煮緊菜，大家都好似唔得閒之下，門鐘響起，我地都以為係媽咪返黎，所以等多一陣先開門，之後門鐘`響，而我地一直都以為係媽咪，就話佢按兩次鐘好煩。根住我去開門，仲好似好惡咁話:邊個呀! 我一邊講一邊開門，點知.....唔係媽咪........係媽咪個fd..........勁好笑........我即刻變臉，變到好似好有禮貌咁。之後關左門，我同妯妹都係咁笑......勁樣衰.........

     今日無去到街街，因為要做功課呀~~~~chem有15題pastpaper呀!!痴線ga!!!不過我都係5點幾先開始做。下晝用電腦填jupas d野。我交左lu~~~~唔駃煩。

     今日成日都o係房，係咁坐，坐到隻腳好痛呀~~~~慘死~~~

     今日晨咁早醒左，o係床等到9:00am就起左身，開始無聊既一日。呢個星期無乜功課做呀~~~so 我無溫書又無做功課。

     兩點先食飯，三點又瞓到四點，之後同芝芝掙電腦玩.......當然係我勝利la 今日無意中有新發現呀!!!!開心死呀!!笑爆!---->原來佢咁樣 ga!!!!難以置信呀!同之前相簡直天壤之別呀!!!都唔知係咪去整容失敗呀!!!但魷魚之前仲話佢ok樣，唉.....男人真係盲ga!不過真係笑死我，hohohoho~~~~

    今日真係TGIF呀~~~~上eng lesson睇chocolate factory ，覺得好嘔心同好悶，差d瞓著。上中化堂就做閱讀理解，之後係最辛苦既phy 同chem堂。lunch之後有兩堂空堂，好開心ga
    放學即刻走la，沿途仲有annie、小傻同埋黃曉靜一齊。搭馬鐵果時又好好笑，佢地講d野好白痴ga~~~~
    返屋企瞓左個幾鐘倒 la~~~~~今晚一定要早d瞓呀~~~~

      今日唔知做乜鬼，測三科:phy ,chem,eng writing。尋晚溫左chem 溫左好耐，不過都係唔合格........唉....phy無溫過，但我都ok識，應該唔會唔合格掛........lunch之後果兩堂測eng writing ，之後睇左一陣chocolate factary.
     今日係人蔘生日(我今朝先知)，放學唱左生日歌，同佢講左生日快樂就走la。
     返左屋企，今日無功課，so今晚可以早 d 瞓 la~~~~~~~

今日瞓到９：３０ａｍ就起左身ｌａ,都瞓唔著。
      好無聊既一日，做功課，食lunch，瞓晏覺，再做功課......好無聊，但又覺得好舒服，好free。夜晚聽倒d好柔和既midi就更加舒服。
      今個weekend好似好多功課做呀~好busy.......唔知點解，我對自己讀大學既事好唔上心，好似好麻煩，唔想諗，唔想理，仲覺得好無助，只係想一個人可以好舒服，好free，好開心咁生活，簡簡單單。
      今日，其實係好平凡既一日.........只是.......我多想了身邊現在的事