今日去魷魚家途中，有件事發生左..........
        搭89D果陣，唔知去到馬鞍山咩站，我一路都聽住歌，仲開得OK大聲，一D都唔發覺有乜人上車。點知有個男人走過黎向我做sorry手勢，我以為自己對腳阻左佢入去坐，之後佢坐左我隔離，問我路，我答完之後諗住再聽返歌，點知佢又講野，今次仲講自己野，我唔知比乜反應佢，只係佢講乜我話o.....唔........佢又話自己有車，不過部車壞左，所以唔識路，又話自己一個月有幾$人工，仲拎埋糧單我睇，又問我住邊，又問我屋企有幾人，之後愈來愈覺佢唔知想點，不過我唔識點先stop倒佢叫佢唔好問咁多。又sale自己無不良嗜好，乜野一架巴士會改變人生，又話唔知將來會點，可能大家會好好朋友，又話可能會做夫妻，聽到呢度我已經覺得佢唔知係咪睇得電視多，咁都信........我仲好驚佢tim，不過唔知點say no話叫佢唔好同我講咁多野........waste  my time!!!!落車前又問我叫乜名，又叫我攞電話No.，o係短短幾秒入面我諗住比假野佢，點知佢一句講話叫我打比佢lo.........我呢個白痴唔識say no就咁比左電話佢=.=
        最痴線就係佢同我同一站落車之後，我轉車果陣，收到佢send比我果message lo，話乜好高興識到我，白痴ga!!!