今朝起身好凍，洗面洗頭果時仲凍，天氣轉了∼今日著長袖冷衫番學，都見到好多人著長袖冷衫。

今日番到去發覺原來好多功課未做，原本唸住英文堂或數學堂做，但系今日英文堂有老師監堂，仲坐系我隔離，破壞左我既大計∼到中文堂時，阿sir一入黎就比左個超壞既壞消息我地，話第２堂中文會轉做中史，死啦∼我又少左堂做功課，而且又少左時間溫中史．．．今堂中文堂Frankie演講，講得．．．好勁！！雖然得８－９分，但我都覺得他系最好果個，內容好，有表情，有動作，有神態．．．最掂系我完全唔覺得造作，相比舊年１ｄ果時果ｄ演講勁高分既高材生，我覺得他們講野好造作好假．．．中文堂好快就完左，上中史了∼測驗了∼好彩琴晚問Bobby借左中史書溫，中史份卷又唔太難，應該有８０％分以上∼

不過結果都好慘．．．一日欠三樣功課，我唸好快就有牛肉乾黎叫我留堂了。

原本既中史堂轉左做中文堂，阿sir派番中文測驗卷，我得３２／５０分渣，好多人高分過我，勁無柰牙，我有一part無溫書，果part佔１２分，１２分無曬＝＝．．．全班最高分Frankie，４０分＠０＠．．．

放學系CL測驗，呢Ｄ科目，點會難到我∼份卷毫無難度可言，應該有９０％分以上∼呵呵

放學番到屋企成５點，整撈麵食，一食就食左２包∼跟住阿姐番黎，細妹番黎，阿媽未番，阿媽打電話番黎話唔買餸了∼要我整撈麵，整左４包，食得好包．．．實熱氣死，呢排都勁多暗瘡了∼飲涼茶∼跟住沖涼，沖完涼就睇電視∼做百發百中，今集好正牙！有倪震做嘉賓 ，他講野真系寧舍唔同Ｄ∼感覺今晚Ｄ案例好似為他而設咁。＝＝