| «‹ November 2020 ›» | | S | M | T | W | T | F | S | | 1 | 2 | 3 | 4 | 5 | 6 | 7 | | 8 | 9 | 10 | 11 | 12 | 13 | 14 | | 15 | 16 | 17 | 18 | 19 | 20 | 21 | | 22 | 23 | 24 | 25 | 26 | 27 | 28 | | 29 | 30 | |
|
2006 年 4 月 3 日 星期一  |
通哂啦~  |
分類: 未分類 |
琴日去左釣魚~都好開心呀~不過就冇上次同安平個d釣得咁多.釣到差唔多7點就走啦,去左"天然"食野,ng........都好夜啦~去埋"屈人錢"買完野就番屋企啦~hehe,hapi同may3今晚又黎我到訓^^,今次傾到成四點幾先訓~原來由我同佢一齊既時候,我已經開始變緊,變得冇以前咁癲,做左個小女人,變得鶉春左.....不過算啦,呢d已經係過去式,我要做番真正既我~我真係覺得好開心呀琴日,有班fd係到真係唔洗怕,冇佢地開解我,我諗我唔會咁快就冇事,由期係野人,hapi,may3,呢世都唔會忘記你地.
仲有唔夠一個月就會考啦~真係一日比一日緊張,其實自己都知自己事,而家咁努力,都係等奇蹟既出現~希望會係我身上出現啦~
而家要推哂所以約會,拿......係fd既就唔好約我啦~閉關自修啦~
ps.人被你親手拋棄後 我至知失戀意思
|
|
|
勇 於 2006-04-05 12:44 AM 發表：
我都知妳同我真係唔夾,我地係兩個世界既人,兩個唔同世界既人,可以好平穩咁一齊,我諗只可以係一d愛情小說到先可以搵到,我今次真係明白到依一點,所以妳都見我冇左再係到拖拖拉拉,其實我一早就知道我同妳仲有一日會散,因為,我同妳跟本上就有好多好多野都唔可以傾得埋,有好多野都係大家就大家,但係之前真係好唔捨得,所以次次都係到拖住拖住,我都知道妳其實同我一齊好辛苦,但係點都好我地都一齊過,有過一d只係我地既回憶,有開心,又有唔開心,依d都全部收係我地個心到,依d野全部都過去晒,要有新既開始,但係點都好,就算我同妳散左,我都唔想妳學壞,我都想妳要做到妳想做既野,到目前為止我知妳既目標係上到中六,咁妳就要比d心機,用盡自己既努力,仲有ar咩都要小心d,唔好信晒身邊既人,有時d野,唔係人做妳做,做咩之前都記住諗清楚先,記住自己已經大個女啦,做左d咩,個結果係要自己負責番,我都唔想見到妳衰,點都好,我只係可以講到咁多,雖然4年既感情真係有d唔捨得,不過要放低既,始終都要放低,唔到我唔捨得,希望妳唔會當我講既野係冇用,係吹水,記住搵個要錫妳既人,好好地咁同佢一齊,我講既野係咁多,而且做到既都係得咁多,以後發生咩事都好,都得番妳自己同妳個d fd會幫到妳,記住,咩都要小心,唔好學壞,祝妳可以搵到妳真正既另一半!!
仲有,我想同妳講,可能讀完左中學之後,我會去外國講我想讀既音樂,依個係我不嬲都同妳講既理想,如果妳仲記得既話,有一晚我都同妳講過,如果妳想買手信既話,寫張單黎幫妳買啦~ ^^~88
|
網主回覆
對唔住呀!!我都好希望你今次真係諗通左,你講得好岩,我地係兩個世界既人,即使我個心點講都好,同你一齊都係好辛苦,其實我覺得係我拖住你咁,每一次散左之後,過左幾個星期我又搵番你,搞到你想忘記我都忘記唔到.雖然同你散左,但係我都唔會忘記我同你一齊既回憶,我會放係個心到,只有你同我先會知道.我應成你,我唔會變壞,我會努力讀埋呢個月佢.
我都希望如果你真係去外國既話,都要比心機去讀,唔好掛住溝鬼妹~^^
我唔知我地而家仲可唔可以做朋友,但係我都希望你一路順風!! Posted at 2006-04-05 07:27 PM [ 編輯 ] [ 刪除 ] |
|
|
我今日陪你咁辛苦,你要請我食野呀..記得你頭先個樣~真係好好笑呀~~哈哈
|
網主回覆
^^係想食咩先,唔好食左我隻"居"呀~
我比你講比第個知呀,唔係唔請你食,哼 Posted at 2006-04-05 07:28 PM [ 編輯 ] [ 刪除 ] |
|
|
happy"* 於 2006-04-04 02:13 AM 發表：
|
網主回覆
我都希望我會係其中既一個~^^ Posted at 2006-04-05 07:28 PM [ 編輯 ] [ 刪除 ] |
|
