半個月冇打日記,因為開左學好鬼死忙,老鏈咁多hw要做,老鏈咁多書要背,日日又要搭6點幾出去番工,精神差d崩潰咁制,不過我都捱得住既,番左一個星期工,都做得幾開心,覺得呢間好過030,人又好,好少話down野,起碼唔會down野down到炆,雖然ifc個到忙過030好多,但係做得好開心,好enjoy~講下番學個到先,番左兩個禮拜學,都幾開心既,pinky隔離果個女仔maybe好好吹,好一句...[你熱戀中呀??]^^咁多科最中意accounts,雖然唔可以話好勁,但起碼我聽得明,做完做岩個時好有成功感,打字都中意,不過唔知點解打得好鬼慢,我隔離果個打得超快,傻的.........讀呢到都幾好,上堂上四個幾鐘,我覺得岩岩好,好少上堂釣魚,又可以番埋工,所以而家覺得我冇讀錯呢間學校,我會好比心機去讀的^^
頭先睇番你個日記以前打d野,有種感覺,唔知點講,我諗可以用[百感交集]呢個詞語,一開始睇頭個幾篇,一直慢慢咁睇到最後個篇,之後睇番頭個幾篇,差d喊左出黎,d淚水"郎住郎住"......好後悔以前成日同你講散,明明你係好中意我既,我死都話你唔係,到你同左佢一齊我就走黎後悔,死哄難哄你都唔番黎我身邊,不過最後你都比機會我,個時我以為有人同我爭我先想爭番你,但到而家我可以好肯定同你講,我已經認定左你,你話我白痴都好,我真係好想同你結婚,我真係好想同你一生一世,我好想結婚既時間係你企係我隔離同我講[我願意]呢三個字呀!!我真係好中意好中意好中意你.
|
