今日搭六點半~未上船個時同勇係碼頭買野食~但個時就打鍾啦~唔驚,照買~我地買完之後就到喼神同廿雞買~個d人整野又整得慢喎~我同勇去入閘~跟住打鐘啦~之後勇係個閘到企住~叫個個人唔好"生"住~等埋佢地先~等左一分鐘得喼神同廿雞入黎~個個人就"生"左閘啦~冇等埋肥聰同光亮就開船啦~無奈~明知打左鐘仲買~傻的~佢地兩個就搭快船啦緊係~
出到去~9點要去到金雞個到等~點知我地8點3已經到左啦~又熱喎~之後去左附近個球場坐~悶到走左去打"遷秋"~d"遷秋"矮到呢~過左陣哨牙佢地都黎埋~車到左就去"敢田"啦~個到熱到死呀~成身都係汗~仲要佢比條褲我~個褲浪係爆呔既~好在著埋條褲係裹面姐~唔係實比人笑爆咀啦~我,哨牙,亞包,貼s同朦豬打左幾場就冇打啦~都唔好玩既~開頭真係勁驚囉~地方又黑喎~係咁跟住肥聰~實冇死啦~>.<~d槍一時有彈一時冇彈既~到左四點個個換3汁野~等到5點車到就走啦~
間車到左mk~之後去左就去pizza hut食野~亞強同肥寶唔食走左~個個死肥聰呀~都唔知用咩構造嫁~食極都唔飽~所以佢地話唔怕食淨野~有肥聰係到~哈哈~唔知佢地d男仔飽唔飽呢~我就飽飽啦~UR~~~~~~~~~搭番8點半番黎~比左3蚊就可以搭豪華啦~唉~死啦,學埋may3 hapi d衰野~
聽日要番學補考~書都未溫呀~不過都唔洗驚呀~全部都係mc黎~死就死啦~ |
