因為今日放假咁當然要訓晏D啦~~但係點知媽咪一個電話就要起身啦~!
媽咪佢有D事就要入明愛睇急症，
嘩~~由11點多少少入到去黎e生，
之後就抽血，抽完都知要等好耐，咁就同姨媽去食野，
食完再返返上去，
嘩~~媽咪講頭先醫生o係咁搵我地，
因為媽咪佢o係我地食野時，打左枝針，之後個身體受唔到好強既藥，
血壓立即下降得好勁，連護士都唔敢講比媽咪知個數係幾多!
唉..早知陪住媽咪啦~!
等..等..等..一直等D報告出，都唔知點解媽咪D報告特別耐??
一路由無咩人，到好多人，之後又到無咩人，
遇中都見到不少人要入院，
又見到有D人一定要入院，但都唔入，
有個應該係智慧加精神病既男仔，次次坐低都唔夠5秒又彈起身，行黎行去，D護士點叫都係坐一坐就起身行，
同埋聽佢講野，好似係住o係精神病院見佢無事出一出黎放假野人，見佢媽咪跟住佢叫佢坐，真係辛苦。
6點多終於就得啦，哈哈~醫院話媽咪無事，只係發炎姐!!
太好啦!!

今日重要去報英文讀，
老公放左工之後，出黎陪我去報，
老公講：「我驚你迷路!」...傻佬，俾埋D咁既藉口，
咁我去完醫院，就即刻去影相(點知之後唔洗交相..)
哈..
去油麻地YMCA 報，
終於報左，放低左少少石頭啦!