今日考普通話~ok啦...考完最後一科,就緊係開心啦~而且終於都唔使成日對住本書lu~

放學之後,我同甘,Ryan去觀塘ap,睇戲,好可惜,Alan冇呢...(我唔明點解D人,尤其是係佢本人要怪我,點解人地Ryan同你講唔去得對面海你就咁快答去,但係我話去apm你就要搞咁耐?仲話我搞到你呀媽唔俾你去,你話贊成去apm咁咪唔使搞咁多野lo...)有D失望......

去到,買戲飛~(睇Transformer~)之後去樓下果間味千食,但係甘叫咗雜果賓治,佢居然俾咗杯橙汁佢.(最厲害既係甘佢睇到杯橙汁之後咁都冇講就飲咗,仲要係之後先話:我明明叫咗雜果賓治,佢就俾咗杯橙汁我,我一定要上(唔知邊個網)投訴...)真係無奈.之後上番去一間書局hea...十多分鐘後入戲院睇戲~

套戲做咗兩個半鐘,真係好好睇~甘瓜果然識楝~(難得有續集會咁好睇喎@@)但係好可惜個機械人係套戲入面係要由中段開始死到尾先可以番生......仲俾呀甘瓜話個結局有D抄日本片...

最後我同Ryan番大埔,甘瓜自己一個人去北角攞野(唔會當失路嘛@@?)之後我同Ryan坐K17果陣,甘瓜打電話俾我,同我講:「我去咗北角啦~而家番緊呢,但係我攞唔到本野哦...」唉,好彩唔同佢去北角姐= =之後Alan加入埋電話,成日都話最衰都係Tang Tang...講真,而家係邊個唔俾邊個去先...你懶我做咩?Alan媽仲要大火氣到打爆埋Alan部腦個mon.(使唔使咁大火氣丫...個仔去唔到街姐,唔使係間屋到打仗呀@@)