救命,聽日就MF啦,話就話有練姐,但係始終都錯過呀= =(始終我都係4E同學面前衰過n咁多次..)

又要未背歸去來辭,個心又凝住要練琴但係又唔知幾時先令自己滿意..又要做瞓,聽朝又要早起身..唉......點解就放假都要搞咁多野..?

 尋日做完個所謂"手術"之後,真係估唔到佢會痛到e家,已經好左冇咁痛架啦...但係已經搞到我番唔到學lo..

唉以前成日幸無啦啦天降八號風球/紅雨/黑雨就可以唔使番學,舒舒服服咁係屋企打機..而家終於都幸到啦..但係又突然間好想番番學...係屋企真係好鬼悶架呢..

今日呀媽七點五左右打左比學校請病假,我果陣就攤左係張床度,隻腳指仲係好痛lo果陣..連床都唔想落,之後呀媽幫我請完假之後就番番房瞓,我呢,除左瞓仲可以點-.-

瞓左個幾鐘,八點九果陣,個太陽射住我個睡房搞到我瞓唔到lo..(又熱又曬wo..)最後都係"gut下gut"下咁起身,刷牙+洗臉,食早餐─一舊包+一杯奶-.-(p.s.我諗住用個望遠鏡望下d同學架,不過醒果陣都已經八點九,都上哂班房啦..)

食完之後呀媽先同我講話佢冇買早餐,之後就自己一個走左落街食-.-我呢?就開始我既CW生涯..由九點做到...做到..差唔多四,五點,間唔時彈下琴,上下網咁...(至於打機呢......好難話冇既...不過我諗應該冇比做CW月咁長時間..)

一直係咁計數,彈琴,打機.........直到四點,d人番哂黎之後,唉唉唉...(食埋飯再打)

 唉,數下數下,原來已經有半年冇打過blog,今日趁住做哂功課咁得閒,就抽番d時間黎令我呢個blog"復活"...

可惜呀,啱啱復活既blog第一時間記既就係今日─夠哂唔好彩..

上堂呢,F4以來就覺得好輕鬆(講真,個mod仲係好似係暑假果陣咁..),係除左英文堂頂唔順瞓着左之外,其他堂都算係幾開心(遺憾係我冇揀到bio讀...)

講到今日第一件唔好彩既事呢,唉,正如title上半段咁講(idea by C.T.)─"麥當勞巧遇奇人"...係麥記食食下野,居然有個男人係我後面(點解要係我後面,唔係係"樹"後面,CT後面喎...)企左係度,無啦啦係都唔知做乜野,唱歌+唸歌詞wo..(其實我地都唔知佢係咪唱歌,話"歌"呢,又唔似係歌..但係佢又係有節奏架wo..)咩"同學仔,搵個位....."嚇死我lo..我另轉後面望住佢,佢對住我笑喎...(心都寒埋@@)之後佢行開左,我地就話唔好望住佢,"唔知佢知道我地望住佢之後會唔會打我地"..喎..唉真係..奇遇...

第二件,呃..其實都係個幾月前既事...早排隻腳指果度生左粒野..其實本身係隻腳指甲"割"損隔離果隻腳指架炸..不過衰就衰在一個月前(岩岩好一個月,8月14號我係日本第三日..)係日本浸溫泉,溫泉唔係問題(應該..),更衣室先係問題......雖然話係日本,但係更衣室既環境唔見得乾淨過香港果d好多...

據醫生所講,我唔知係邊度惹左d"過濾性病毒"番黎...(好明顯係係個更衣室啦..)入左個傷口,於是就生左粒疣...唉,估唔到我同d疣咁"有緣"......四,五年前係手掌度生左一粒,比個醫生用電ko左...(我仲記得當時打左一支麻醉針之後都仲覺痛,要打多一支先得..),真係估唔到今日又要整多粒,勁唔好彩既係,今次連麻醉針都唔使打...痛到我...

其實今次佢唔係用電,係用.. liquid nitrogen...(我真係唔識點樣打呢個字既中文..),過程係咁既,個醫生首先係佢個位既對面再隔離既一個紙皮箱入面攞左一罐藍色既野(似石油氣果D..),再倒落個盆度(奇景:個姑娘幫佢倒果陣大力得濟倒瀉左約一杯水咁多既l.n.,搞到周地都係煙),真係開心,咁大個仔終於親眼見到l.n.@@真係好得意~(唔知係咪心理作用,我覺得佢倒出黎果d l.n.係好暗好暗既藍色..)不過唔開心得幾耐,因為之後佢用綿花棒"錨"起左d l.n.(但係佢又好似"錨"空氣咁,乜野都"錨"唔到咁,淨係有d煙..),之後就話"會有少少痛"(題外話:如果醫生話"唔會痛",咁60%就真係唔痛,40%就係少少痛;如果d醫生話"會有少少痛"呢...咁就有30%真係少少痛,70%會勁痛..如果個醫生話"會勁痛"呢,咁睇黎要全身麻醉...),我聽到之後,就知佢一定係安慰我...但係我出都未出聲,佢就一支綿花棒"對"落我粒疣度...第一個感覺:好...凍...;第二個感覺:"好痛呀!!"...好似狂比針吉咁,之後佢仲要搵支綿花棒禁住粒野.轉幾個圈...再之後又"錨"起d l.n.,再黎多次...唉,又凍又痛,最後着鞋都要着成分鐘...

做"手術"果陣當然痛,但係之後仲慘,出左個診症室之後(唔係出左診所),我係痛到要單腳跳先行到...之後坐係間診所既梳化度,坐左三個字,一路坐一路痛..."唔郁都痛"...仲要唔可以成隻腳板放落地下(一放就會好痛好痛),只可以"gug下gug下"咁行...上樓梯喎..兩級都痛到要死...(聽日仲要上四層...),唉,我e家仲諗緊聽日番唔番學好...

幾辛苦先由診所果度搭271番黎(九龍→大埔),沖涼先慘,話就話"傷口"可以濕水,但係我連唔郁都痛(超痛...),更何況濕水......所以我就用膠袋笠住隻腳,再用橡筋綁住(防水入腳),先敢開水喉...唉唉唉,真係麻煩...e家好似變左個廢人咁......

總之今日就真係勁唔好彩啦..(e家隻腳仲係好痛呀!!)

 唉...早唔病遲唔病,係度要係上個禮拜先黎病...究竟今次病得有幾啱時候?

首先,我係21號病...係咁發燒,燒到23號,都算勒...普通話個死人廣播劇係22號要交,因為我病,拖咗兩日,EPA又"聽聞"要係23號present.都好彩d組員重情重義,幫我頂埋果part佢...(講起上黎,真係覺得有d對佢地唔住...)結果點樣?咪就係要做哂上週末比既功課,再加埋22同23號既功課,再加埋擺咗勁耐既PTH&EPA&...VA,都仲唔夠,都唔知點解佢臨放假果個禮拜先黎狂測驗,22,23號IS,Math test各一個...又要再溫...

於是,23號果日就做到我死下死下咁(乜大家認為我20-22號仲做到咩??!仲有唔好唔記得我23號仲發緊燒架...)於是我採取以下政策...

1.PTH拖得就拖...

2.EPA請求組員幫我做埋佢...

3.hw唔瞓都要做埋佢

4.IS&Math test請求星四或星五補測...

5.VA 24號晚處理...

之後點樣?

PTH就比人催,EPA冇人理過...hw勉強搞掂,仲可以用"病人"既身份拖多一日...IS星期四補...Math一陣講...

24號果朝一起身,就走咗去探熱,點知...冇燒呀!!!(其實果陣真係唔知有燒好定冇燒好...因為有燒就要入醫院...(燒咗四日啦計埋.)冇燒就要做死我...)咁仲可以點jet,咪帶住個口罩番學lo...

番到去,先多謝各界人士既問候(...),大多數hw已經繳交,可惜CL堂果陣比呀Sir懷疑係豬流感...Eng果陣Mr.Tsui就話人地話我"Very Sick"...仲順便比埋(兩)張Call人紙我,上面寫住"今日放學後即刻落Fitness rm補測數學"...使唔使咁呀,你驚我唔測咩,IS都冇咁趕啦!(另一張係小息落Cover搵Tse..大家知乜事啦...)Math搵副校黎代堂...不願置評= =chin geog無特別,自問已脫離進度...Ass上果個Form2夠薑到咁令我好無言(大家都知乜事啦= =)CHIS唔記得咗乜事.

24號果晚,就比人(姓夏果位)狂催要做PTH,大佬...23號忙完24號再忙過?今次又為乜?就係PTH,VA,同GE test...(佢真係黎得好啱時候架,我覺得自己由我病到test既時間都好似有人安排咁...)於是我再採取下列政策...

-當晚工作順序:當日hw(好似冇..),VA,GE test,PTH...

PTH點解會係最後?我都唔知,但我淨係知我d組員們錄番黎既track係甩甩漏漏咁,總知我果陣認為PTH係整唔到既...

結果...hw清了...VA發現立體作品結構出錯,再一次諗住交手冊,GE test到第二朝先開始背vocab,PTH冇理過......

果日番到去,首先黎個GE test,之後上中文&Hist..VA果陣我比手冊何太,點知佢話"扣咗手冊分既我唔會再扣,你聽日交比我啦,但係如果你放假後先交既,咁我就會扣你作品既分..."咁咪仲好,今晚做lo...

IS,佢講3B,我溫3C...

MATH,又係副校...都係不願置評......

果晚,仲諗住輕輕鬆鬆就過到,點知漏咗BK...PTH夏兄果同我講話佢今日(25號晚...)要收到...而且我又唔記得去補IS test(唉,咁多野做邊記得呀),又要再趕VA,加上佢唔知24定25號比既"禁毒標語"同...都唔知勒,總知,呢3晚都一樣咁忙...所以我決定...

1.BK=手冊

2.先搞PTH,再搞VA(原因係果咗25號我睇到PTH同VA兩位老師既態度,我就知邊樣重要d.),最後先係標語到其他野...

3.IS test我26號放學測...

結果...pth係當晚大概十點半經e-class交到果位老師手上...而一番到去,先黎兩堂Music,再黎中文堂(其間d...人係度食糖(班際數學比賽冠軍之獎品..)...唉,真係唔知講講乜好lo,係d唔適當既時候做d唔適當既野...),小息...唉,又係夏生...逼我去圖書館寫埋果個EPA intro 同conclu...大驚小怪...話陣間EPA堂要present咁點算wo...點知EPA堂呢?冇present...所以佢本人立刻比我掌嘴掌嘴再掌嘴...Eng我都唔記得做乜野...math黎個唐sir(係咪咁寫@@?)都幾gag既,介乎Tsui sir同Tse sir之間(orz)

成個禮拜繼果3晚之後最精彩既,就係26號放學後..兩個鐘頭做哂4樣野...(PTH,VA,IS test,同埋呢個...死啦死啦,真係失憶...)個PTH死人乜乜乜話要交隻光碟先得wo,今次仲要"4點半之前"(之後我同夏兄講"我要番團契呀~"佢就嘟起個嘴黎話"你...4點半自己交比佢呀下!")結果我地要一齊跑番屋企,我就用USB攞我notebook入面既file(其間發現果個.aup開唔到@@點止果一陣我發現附近有個我從未見過既file,我懷疑d data係入面,所以就抄埋落USB度),夏兄就番屋企攞空白光碟,五分鐘之後係樓下等,之後一齊跑番學校,直上Lib既com.rm. 幾經辛苦先交到比佢(不過好明顯佢唔會開到XDDDDD),之後再係附近狂串許卓"飛"XD.之後慢慢ko VA,點知死人Ryan Wong呃咗我去Tse Sir果度做IS test,真係比佢激鬼死...半個鐘之後我再搞埋VA,擺咗係果個盒度...(姐係專擺創作集果個...希望佢搵到啦= =),大功告成~

之後陪喪Ben去大廣買...(保密),跟着番屋企打咗陣機(呢個時候已經好番咁濟,係個喉嚨仲有d痛姐)...最後去學琴,"瘋狂一星期"至此結束...(呢篇野係今朝,姐係27號side咗成個鐘去打@@)

 唉,今日終於都派埋最後一科CL,真係估唔到會咁....

CL,派卷啦(最後一科lu)(有冇記錯丫XD?)考成點上面有講...派完卷之後就比我地自由上網~又聽Tchaikovsky又學俄文...真係入哂Russian mode= =

Eng,教....唉,又話D乜野"important grammar item",其實又係成日用,都冇乜特別,但係我最nor果下就係Tsui Sir要我地寫...幾句句子果陣,cly居然唱通街話我學Russian...結果就梗係要我"講兩句黎聽下"na...大佬,我淨係學緊單字炸bo...邊識講句字...(我連1-12月都唔識講呀=.=)下次請深謀遠慮下,thx...

Math,Em...狂畫表,唔係難,但係好煩...

Chi,派總分,orz,17項計分既野(好似係...),之後講一大輪(算na,我都係唔會計架na),再之後派紙仔,唉,過得去na....之後默書,Easy~~~(背咗一次炸XD)

Geog,比咗幾張ws我地做,ok na...不過個Cross-Section真係好得意XD

Lunch@School,食完上去Lib睇雜誌...

Ass,初初仲以為係"齊閱讀"點知係講通識,唉,個閱讀時間咁短(早會果陣..),邊讀得哂呀...係Ass閱咪仲好=.=;講通識,係咁講個"硬"字,果個"軍事過硬"真係笑死我= =大陸人d野果然係...之後又講發展,講上海果個工程,哇,真係嚇鬼死人,邊起邊拆都有,真係離譜...

Chis,唉,全世界好似得我聽緊書咁,個人認為個Miss好慘,自己係度講,d人就係度做功課...都唔知講緊比邊個聽-.-

放學番到屋企做hw,順便向呀媽暗示星期六會出去買"野"(其實係乜應該好清楚...)點知比佢一野篤爆咗,拗咗兩句,too bad...好彩最後都係冇事,而家?都係果句na,唔好賣哂就得=.=

完~

(p.s.啱啱睇到新聞,覺得民x聯好9......)