今個禮拜好忙,你地睇下,我成個禮拜都冇打blog啦...(眾:懶就懶啦你...)

唉,就算我幾忙,星期日一樣要游水(俾咗$wo 大佬,唔游咪side哂...),但係唔好以為游水好過癮,其實唔游辛苦,游咗仲辛苦@@,操水者,死人也T_T都唔知成個鐘頭係咁來來回回為咗d乜..真係攞苦呢生...我一跳落水個教練就叫我游自蛙背各100m,再自蛙背腳各50m.都算啦,游完仲要做背手,之後俾佢捉咗上水做,都仲未完,又要游自由50m x6,仲要個個lap 都要1min內KO,頭一個都仲得,之後果幾個差唔多一游完就要即刻再游,最後都係慢慢游算...

果陣差15min就落堂,諗住唔使再游得咁辛苦,點知又要我地游蝶式分解200m,落堂前~10min,又諗住唔使咁辛苦啦,點知又要游自由200m,落堂前3min,唔使游啦掛......NO!蛙式100m......

唉,個個禮拜都係咁,真係游到一肚火,唔游又唔甘心,游咗又攞呢衰,都唔知點好T_T,搞到我個個禮拜又忙又驚=.=

唔打啦,再打落去溫唔到IS test 啦...係咁先~

 今日番去學校果陣,無端端見到成堆人係停車場果個位,唔使講,實係校檢...好彩我早排剪咗頭髮姐,唔係實俾人收handbook,

早會果陣,d人係咁溫數學,訓導再次使出"懷柔"政策:頭三堂冇帶書唔使扣分/勸告...

IS:教teeth...冇乜特別(唔係太記得細節)

Eng:Em...一半用咗呢做ERS堂,另一半用呢做咗乜野,真係唔多記得= =

小息:落操場睇blog..

Math:變做pth,陳老師大爆自己年齡(既hints),乜野"我中六果陣先有八達通","我讀中學果陣時電腦仲未普及"...全班起哄@@好多人都估佢係3x歲,佢就即刻話(普通話):"我三十幾歲既話,都保養得幾好"(類似既野..)(嘔...............)

HEC:整蘿白糕...黃建邦再顯神功@@:"有破壞冇建設".係都要搶住刨蘿白,都唔知佢搶呢做乜,之後又要爭住洗碗,又爭呢樣又爭果樣...自己又唔係整得好,話佢又係度扮文靜,唔話佢又係度扮活躣...人格分裂也....

lunch:時間非常緊迫...事關HEC搞好多野,又要洗野,又要蒸野,又要汁野.............仲要番屋企食,所以d時間真係得好少...好彩呀媽淨係買咗一個KFC餐俾我食,所以淨係用咗5-10min呢食Lunch,仲趕得切...

PTH:變做math test,做MC做到一半果陣無端端好緊張,交咗卷之後口水堅+劉建邦話我做錯咗最後果條,加上溫度計又話我第一條MC錯咗,所以非常沮喪T_T

EPA:大半堂用呢睇片,個人認為d傳媒好衰...

BK:冇背經~講大衛,冇乜特別...

放學後:"唔記得"咗去整模型船,實俾henry lam毒打@@抄diary果陣俾粉擦流彈擊中,喪Ben幸災樂禍,係度拍手,俾我用聖經大力拍抬嚇到...(佢臨死前仲係度狡辯,話咩"幫我打拍子炸嘛",罪加一等也..).MC一干人等係我張抬隔離大叫"想死","好慘",尖叫...etc.此乃測驗後之後遺症也= =tang tang對此大為感觸...(p.s.得閒我會打多篇上鎖既blog,咁多位自己估下pw...)

 今日朝早起身,玩咗陣CSO,之後食早餐,睇咗陣電視,食午餐-,-. 本身諗住一家人去大尾督食,點知去到停車場滿哂...去番太興食...

之後番到屋企,又打咗陣機(做哂功課啦=.=)突然發現"禮物盒"(CSO)入面多咗3個C-box,唔知邊個送既= =,用咗佢算,(又多咗10日CV 47...)

跟住去大埔體育館打波,打咗兩粒鐘,有D攰...

本身諗住打完(18:00)食埋飯就番屋企,點知有個親戚話佢本身都約咗人打波,但係果個人又話唔黎= =(聽聞已經唔係第一次...)所以我地一家又要去沙田打多兩個鐘頭波...(20:00-22:00)

所以,基本上今個國慶都係得兩個"打".."打機"同"打波",所以,真係幾無聊下= =

前(十)幾日真係懶,成日都唔想打blog,今日終於想打番下..

首先我地學校今日呢咗個"室內版國慶升旗禮:...由於呢幾日天氣唔穩定,所以改咗係操場入面升旗..支旗杆好短@@(不過可能同以前果枝一樣,但係攞咗係操場入面..)所以d prefects升旗升得好..慢........最後仲有下哈6...國歌播完果陣先呢開風扇(方死支旗飄唔起咁XD)

最離譜既就係唔俾開locker...本身諗住搵車sir同融下,點知撞到訓導先...."你做乜野呀?你係邊班嫁?""我係3D嫁,我想開locker呀..""冇呀!唔俾呀!冇得開啦,番落去啦..."(攻擊性行為?!)"........................."

我落番樓梯,諗緊今日上CL果陣會點死@@(本CL書係locker..)好彩好彩..個訓導無啦啦又走出呢話"我地俾個特惠你地:頭三堂冇帶野唔使扣分"唉..唔早講..嚇死人咩= =

之後去MMLL上CL堂,講開咩optical fibre...我就即刻(輕聲地)話"dietary fibre",眾大笑...←無聊野一則.

Eng,神蹟來了!!Mr.Forgettable終於記得有"presentation"呢單野啦!~真係太...難以置信啦= =←無聊野二則

math,眼見差唔多教哂ch2,真係感動...←無聊野三則

chi,要默書,係math堂果陣默一次,默落本math book度= =錯咗幾個字,chi果陣默好似又冇錯...(但係班主任又冇抽人演講lo,我估係今日唔使掛..)

geog,又係默書,但係今次冇溫過..求其望兩眼算@@默完果陣就知好似係錯咗兩個..

lunch,歸家~~←無聊野四則

ass,個miss唱歌走音@@(終於有人同pet trainer有得揮啦..)今次講咩...性格之類既,最厲害就係"你好嘢"果part,講咗8次,8次都係差唔多= =(p.s.去hall途中見到黃校長係GP room 出現@@)

chis,compo-ing...不過聽起清朝D歷史就把鬼火......幾千人都打得贏佢幾萬人,真係冇鬼用..

放學後,陪黎正賢去MMDL做DT,順便開部機呢用下..諗住搵下...什麼VIZ 4既crack,不過搵唔到,之後開mscore作一陣曲,點知俾伍太發現咗..之後收咗機,點知戴sir同羅sir走咗入呢,話伍太向佢投訴....有人入呢唔係做野@@之後係到講一大輪....我同黎正賢即閃=.=

之後買咗$80 gash..買C-box來抽,不知所謂..水槍就肯定冇啦@@但係CV 47就起碼攞到四十幾日@@

所以..gash呢家野,都係少買為妙T_T(據說粉邦帶咗張$500番呢諗住用呢買gash...真"side"錢)(p.s.要少少,少少咁使呀嘛= =)(p.s.x2不過加埋一齊都係會咁肉赤T_T)←無聊野5則..

差D唔記得講,今日就係F.3生涯既第一個最後=.=:最後一個夏令..後日(星五)就要堂堂都上多5min啦..(實餓死我啦= =)

p.s. for Tommy Tang:唔係最後一日夏令Lo 得未???有番夏令果陣我都可以買到部notebook啦!!!

今日lunch time番到屋企,見到樓下個閘貼住3號風球個logo,心諗:打3號lu..快唔快D呀=.=(其實一D都唔快= =)

之後番到學校,無端端聽到隔離班既咪(黑版上面果個)係度"疑姨鵝鵝",都仲未知乜事,番到班房,(唔記得咗邊個)同我講:我地學校好多人病咗wo,聽日要帶口罩番學= =

ok....聽完之後自己都好似有D唔舒服@@放學果陣,我同henry lam番屋企(成日係耳邊聽到"練琴"呢個字=.=),非常大雨....(對鞋濕哂= =)

再之後再之後....食飯之前,我同甘瓜通過電話,講緊到底聽日使唔使番學=.=之後佢俾我睇咩"李氐力場"= =好多改圖@@再之後再之後再之後...哈,堅料呢啦XD

我地search下以前既颱風既資料,發現原來08年9月23-24日果陣,香港俾一個叫"黑格比"既颱風吹襲(記唔記得呀= =?)呢個風呢....巴閉lo,原來佢同而家呢個"巨爵"有好多相似既地方既!!!

首先,佢地兩個都係響~6:00果陣掛8號,仲要兩個都係東北.

而且,兩個既路線好接近(詳情請自己上網搵=.=)

仲有好多好似樣(但係黑格比勁D)

最後點樣??

第二日凌晨0時40分,8號東北→8號東南

05:30,教統局話唔使番學

06:30 8號→3號

之後係點,我諗都唔緊要啦= =

今次呢個風打成點?聽朝早D起身聽收音機啦XD