由於而家考試,所以我唔得閒寫Blog,考試之後我先會再寫...

(Exam : Day 1)

Orz...對住呢兩份卷,一字記之曰:炒!...仲有咩好講-.- 一開始對住份卷(E. Comp)完全O嘴... Topic 2我都廢事睇,寫投訴信算...睇真D,咦?寫俾康文署bo~是但啦.寫就寫啦,點知癲到連投訴信個格式都唔記得埋,咪慢慢諗lo...

(~5分鐘後)終於記番起啦,睇番佢要投設訴既內容...唉.差唔多個個海灘都係咁嫁啦.邊可能冇垃圾?冇人扔都有風吹啦...廁所唔乾淨wo...你揾佪乾淨既呢睇下啦...真係...唉.我都無謂同佢嘈.都係果句:寫就寫啦~

寫下寫下,到最後果段.我寫咩呢?聽完都嚇死大家......我要求道歉同埋改善姐.都好正常呀.但係我衰多手寫咗一句:(英譯中)「如果此情況未有改善的話.我會向申訴專員公署投訴」......寫果陣都覺得好有道理.但係偏偏去到放學果陣先發覺有D唔妥=.=仲要俾呀夏樹攞番D F1既舊事出呢串......

收卷果陣.發現原來好多人都寫topic 2-.-開始有D後悔...

GE.四個字:死傷慘重...尤其是問果D phrase 咩點解果D呢.我估兩題冇一題啱-.-鬼咩...英文真係差都冇人有...仲有果D MC呀..真係..真係激死我...Greund and Infinitives其中一條前面無啦啦又加個to, 加 to 定加ing 好??

放學,溫Geog,希望考得好d啦...

 (exam -1日)

今日係班主班班導師時間,其實佢地唔講我都唔知原來今日已經係最後一次.一年就咁就過咗,真係快到冇人有...諗番起連發生咗咩事都唔知= =淨係記得旅行,上學期考試,同今次考試,that's all...好似得好少野咁.

可能因為係最後一次班主任班導師時間,所以做D野都特別感人(我認為).Ms. Yee 要我地寫格仔--係寫43格,寫俾全班同學(計埋自己..)+Ms. Yee同Tse sir.老實講,雖然對住佢地差唔多成年,但係一是之間真係諗唔到寫咩= =邊記得咁多野姐,我都話我"淨係記得旅行,上學期考試,同今次考試"lo.

係咁寫係咁寫......由早會寫到放學,仲係寫到半班都冇= =(起碼我有心寫先呀,都好過陳X章,真係"一句起兩句止",睇咗都唔知笑唔笑好.....)最攞命就係寫俾自己,我估唔到原來寫兩句野俾自己都可以係咁難= =

今日音樂堂,其實我係冇帶書既-.-但係好彩有張WS頂住先~D人似乎好鐘意吹叮噹(尤其是今朝一番呢就圍埋一堆一齊吹笛果班人...),只不過好似未發揮唒D水準...(尤其是某人太過著重人地對佢既睇法多過歌入面既感情...p.s.非MC也...)慢慢呢都ok既...再唔係就睇番人地套卡通片到底係點樣演奏...

總之寧願吹慢D都好過吹錯...搞到而家一個二個撻唒Q...不過都係算啦,過去咗既野就唔好提,都係專心溫番聽日既GE exam好D~

溫書lu~(Grammar+vocab+comp.)

(exam -2日)

哈哈,諗番起今日EPA堂 Mrs Lai 講既野,真係笑到我食唔到飯~

今日EPA堂,入到呢無啦啦話要dictation.真係...話溫15分鐘之後就要默wo,唔識就..咩...penalty= =

好似好大件事咁bo..咪溫lo..咁啱我又搞緊我部字典既錄音功能,就諗住攞佢呢錄低Mrs Lai 既名言...(stand up, 吓?,喂~, sit!...etc,)

15分鐘過咗,之後Mrs Lai 施展佢手臂既力量,將一疊單行紙一手撕開做一半~全班拍唒手掌(似睇表演多D-.-),之後撕多次,再撕多次= =厲害厲害~

默完書la,問我地答啱咗幾多wo~我咩都冇舉到= =(我點知姐,我都未對完=.=都唔知D字去咗邊...)之後又唔知做咩搞咗一輪,最後終於使出一句名言啦~" I will remember you~"(me too...)哈哈,真係笑到我同D同學...好彩錄低咗...

放學之後我播番俾susuki聽,笑到佢飛起...但係我播番俾夏樹樹果陣唔小心刪咗段錄音呀!!!!激死我啦!!而家係網上面揾緊D軟件睇下救唔救到= =

溫書啦(grammar+ hist: 5 notes~)

(exam -3日)

今日派咗四份test(Pth oral, pth ,math, 同bk).正如今篇blog既title:Bad day.證明四份都炒唒.

所以我發現咗一樣好得意既野:上星一既之前既test好廢,但係上星一之後既test又好勁bo..(又唔係"好",勁既,見得人咁話lo).

呢個pth oral,講真,真係比我想像中好(我以為自己得7字頭,點知原來個分就係CT睇到果個 p.s.我唔會講,大家想知既可以問佢,不過千祈唔好"噓"一聲,小弟好陰功的= =)但係當我睇到我隔離棵波菜都......唉,真係冇野好講.

pth筆試呢,衰咩呢?咪衰果個「輕聲詞 」lo,「字」同「詞」,咁都可以講一餐,真係冇佢收.結果呢?五分飛咗上天lo......要怪就怪自己冇睇清楚條題目(入面D字) (同埋自己咁易俾人fake...)

math呀,呵~呵~呵~~~(唔好以為我好得戚,其實係苦笑...)真係慘到冇人有,我後面果位2x分仲係度喊,咁佢有冇理過我既感受呀?!

bk...真係...真係...(氣喘...)咁都有既,後面四個大交叉-.-不過都好過後面果個(後面果個得"一"枝火柴炸...)但係唔可以咁樣同人比嫁嘛!一D上進心都冇,點可以同D今次唔好彩撻Q既人(拿我好俾面你嫁啦,睇到/聽到既話第二日番到呢唔好打我呀= =)呢比嫁呢?咪盞愈比愈衰...

四樣test都仲未夠傷心,放學仲要整多件= =好搞唔搞係都要搞LS 組員評分表,整呢做咩?咪盞俾人陷害...(呢,果D個名係"M"字頭同埋"飛"字頭果D呢,簡直係滅絕人性呀.呢D真係...枉我當佢係friend,佢地居然係咁樣對我,真係...尤其是果個成日停係機場度果D呢(仲要係得個頭),自己又唔係我果組,又要死去話我冇做野,我夠可以話你唔做野啦!把口係你度,你講咩都得嫁.仲要係度扮好人話要幫我求情,你有冇求度,求過咩我鬼知呀.隨口up當秘笈.唔捉去槍斃就真係唒咗佢.)

唏,再講我就真係要發癲啦,溫書先(grammar + hist:French revolution....都唔知有冇時間溫hist同中史...)