(陳年舊blog一篇=.=) 

今日係我F.2生涯最後一日啦...好唔捨我D同學lo= =

返到學校,直上課室,無聊得濟,睇C++,點知俾人望到實一實...唔好意思,即刻收埋lo= =

之後ms Yee呢到,講咗一大輪野,突然有個五蚊從天而降,望真D,原來係財政小姐找錢俾我XD,(算佢唔衰得哂= =)

過咗一陣,ms Yee讀D陣間要上台既人名,就係冇我lo,真傷心...(所以我下年要爆呀!!!!!!!!!!!!!!)

激動完之後,就落去hall到睇結業禮.之後歡送校長,好唔捨得呀T.T(但係我隔離果個陳X章就成日係度話黃副校長係度刷鞋lo,真係唔應該,係咪串人串到連人地真心定假意都分唔清楚呀)之後校長行過呢同我地握手,我握到呀,都係果句啦,好唔捨得呀= =

之後上番班房,派成綪表,雖然數學差,但係個平均分都進步咗lo...下年努力啦~~

 今日好開心~~終於有幾科高過CT XDDD~

派D卷都唔係重要既科目,得閒搵幾科串下人咁lo~

但係今日既重頭戲係:校長請食飯...既前奏~個正社,好搞唔搞學人地TVB搞「謎」,個女皇呢...其實有D似白X賢XD.最厲害既係要學埋人地賣廣告= =真係笑死我地...淨係睇套片都狂拍手掌成三次= =又扮人地果個咩儲物櫃廣告...仲有果個咩牙醫...咩書院= =(警訊都有XDD)最厲害既係果個「霸王」洗頭水...果個人....個頭...爽身粉= =抄哂成龍果個(雖然D普通話既音唔係好正= =).最尾果下....學人地「霸王」果個嘜頭XDDDDD擺咗校長個樣上去(又幾似wo XD)仲要有埋商標= =寫埋「柏雨」XDD,連顏色同字體都一樣= =真係冇得彈~

之後去操場食野,自助餐+大排檔風格= =(逼丫...)D野食同上年差不多= =都幾好味既...唯獨是隻雞翼唔夠熟(連CT果隻都係咁)不過今年多咗樣野─汽水...(但係係雞牌的,有D似啤酒,遠睇仲以為係玻璃樽,但係其實係膠樽......)都幾好味~有D似七喜...食食下我特登將甘同我枝汽水調轉,之後我地話佢枝汽水得番咁少,佢話佢"好似"淨係開咗一次呢飲炸wo...講兩講,佢咪又係信....之後整下整下,居然佢地又將甘同MC果枝調轉埋= =仲要話:係咪我果枝呢嫁= =(梗係唔係啦XD).我地話係,佢地照飲.......我同CT冇眼睇..之後佢地知道事實既真相,一齊扔咗枝野,然後再攞過枝......

飲飲下,我地就吹果枝汽水,然後就估下係咩音,我同Ben都估到,我地之後問李太,但係佢估唔到= =仲話:點估呀...再問飛機頭(佢白撞的= =)講出呢答案笑死我同呀Ben XD.最後問呀莫X聰,佢居然攞個調音器出呢串我= = (唔識聽就唔識聽啦XD)比佢吹脹......

放學之後想同呀Henry Lam玩AOE,希望唔好hand機啦= =(我呢部電腦未試過玩到full screen的= =)

 今日既EPA,Hist同Geog都好滿意~(但係D分高過喪Ben就最好XD).但最差就係英文compo.唉...睇番自己之前打既blog,真係好後悔= =點解唔揀topic 2呢?不過算啦,「早知今日,何必當初?」做份compo果陣點知邊個topic可以易攞高分D?而家人人都79,聽聞有人8x分tim,真係...唉.............

 今日篇blog冇咩好講,淨係可以話今個暑假一定要先衝math(8月前睇明+熟哂S3A,9月前S3A同S3B都要熟!!!!),再衝C++(9月前要寫好一個prgbram→稍為複雜的...),最後衝IS(9 月前背哂佢= =).就咁話~

 今日考普通話~ok啦...考完最後一科,就緊係開心啦~而且終於都唔使成日對住本書lu~

放學之後,我同甘,Ryan去觀塘ap,睇戲,好可惜,Alan冇呢...(我唔明點解D人,尤其是係佢本人要怪我,點解人地Ryan同你講唔去得對面海你就咁快答去,但係我話去apm你就要搞咁耐?仲話我搞到你呀媽唔俾你去,你話贊成去apm咁咪唔使搞咁多野lo...)有D失望......

去到,買戲飛~(睇Transformer~)之後去樓下果間味千食,但係甘叫咗雜果賓治,佢居然俾咗杯橙汁佢.(最厲害既係甘佢睇到杯橙汁之後咁都冇講就飲咗,仲要係之後先話:我明明叫咗雜果賓治,佢就俾咗杯橙汁我,我一定要上(唔知邊個網)投訴...)真係無奈.之後上番去一間書局hea...十多分鐘後入戲院睇戲~

套戲做咗兩個半鐘,真係好好睇~甘瓜果然識楝~(難得有續集會咁好睇喎@@)但係好可惜個機械人係套戲入面係要由中段開始死到尾先可以番生......仲俾呀甘瓜話個結局有D抄日本片...

最後我同Ryan番大埔,甘瓜自己一個人去北角攞野(唔會當失路嘛@@?)之後我同Ryan坐K17果陣,甘瓜打電話俾我,同我講:「我去咗北角啦~而家番緊呢,但係我攞唔到本野哦...」唉,好彩唔同佢去北角姐= =之後Alan加入埋電話,成日都話最衰都係Tang Tang...講真,而家係邊個唔俾邊個去先...你懶我做咩?Alan媽仲要大火氣到打爆埋Alan部腦個mon.(使唔使咁大火氣丫...個仔去唔到街姐,唔使係間屋到打仗呀@@)