幾經辛苦,終於出番會展lu~我地過咗幾條馬路,去碼頭果邊搭渡海小輪,諗住去尖沙咀果邊食野= =

係船上面,我地一路吹水一路點數....各人消費如下...:
Tang Tang:~$350-$400.
甘瓜:$198(data from his blog= =)
Tommy Tang:數目不詳...(但佢親口話佢使多過我$2=.=)
吳鴻叔:數目不詳...(但係我地睇到佢淨係買咗一本書= =)

搭咗一陣,到咗尖沙咀...我地即刻衝到去附近的M記食野(打風果陣呢間成日上鏡= =)

入到去我同甘瓜即刻買野食(餓到飛起= =)TT叫我幫佢買野,但係佢見我攞得多野,就幫我攞我買果袋書埋個位度...(禍根之始...)

好開心咁食完野,又撞到2b+2e+2c的girls....不予理會,食完即鬆= =(俾TT催咗幾下= =)

之後佢地話唔多識路,我就帶佢地去地鐵站果度.

入咗閘,就近有架火車,我地入去坐,果架車6min後先開= =(好彩炸...)

入到車,坐咗一坐,我望到甘瓜果袋書,再搵下我果袋.........

(咦?!我果袋書呢???!!!)

死lu...袋書漏咗係M記度...點算...好彩部火車仲未開姐....

我即刻同甘瓜,TT&吳鴻叔一齊落車,諗住跑番去M記睇下袋書仲係唔係度.....甘瓜警告我地:"係原站出閘好似話會扣十蚊嫁bo..."

...睬佢都傻啦,邊有人會為咗$10唔要$350??梗係出番去啦....(最後咪又係扣咗$3.x...但係佢地話部機淨係扣咗佢地$1.4...算啦,唔理啦=.=)

跑呀跑...由火車站跑到新世界門口,跑到太空館出面,再去到文化中心,過馬路....終於去番M記...入番去睇下...唉....好彩好彩...仲係度仲係度...咩都冇唔見到= =

再入番車站,搭番車,今次一路順風~我同甘瓜係九龍塘落車,同TT&吳鴻叔say goodbye啦~